Random Thoughts on BOOKS

မြစ်တစ်စင်းကိုဖြတ်ကျော်ခြင်း - ဂျူး

မြစ်တစ်စင်းကို ဖြတ်ကျော်ခြင်း - ဂျူး
(ရုပ်ရှင်ခံစားမှု ဆောင်းပါးများ)
၁၉၉၆

ပြီးခဲ့တဲ့ ၂ ပတ်လောက်က နှလုံးကျန်းမာရေးအတွက် စက် တစ်ခုတပ်ထားတုန်း ဖုန်း/ကွန်ပျူတာ သုံးလို့မရတော့ စာအုပ်တွေတော်တော်ဖတ်ဖြစ်သွားတယ်။ ဒါက ရုပ်ရှင်ခံစားမှုဆောင်းပါးတွေ ဆိုတော့ ကိုယ်ကပြန်ရေးနေရင် အရသာပျက်ပါမယ် လို့တွေးမိပေမဲ့ ဒီနေ့ Orlando ရုပ်ရှင်တွေ့လိုက်တော့ ဒီစာအုပ်
အကြောင်းရေးဖို့ ဆုံးဖြတ်လိုက်တယ်ပေါ့လေ။

ဆရာမ ဂျူးရဲ့ရုပ်ရှင်အညွှန်းကဏ္ဍပေါ့။ ၁၉၉၄/၁၉၉၅ လောက်က လစဉ် မဂ္ဂဇင်းတွေမှာပါတာတွေကို စုစည်းထားတာ။ ဒီထဲမှာ ရုပ်ရှင် ၁၅ ကား အကြောင်းပြောပြထားတယ်။ မင်းသား ဘယ်သူ၊ မင်းသမီးဘယ်သူ၊ ဇာတ်လမ်းက ဘယ်လို ဆိုတာမျိုး မဟုတ်ဘဲ ဒီဇာတ်လမ်းတွေကိုကြည့်ပြီးတဲ့ ဆရာမ ဂျူးရဲ့ အတွေးအမြင်တွေ
ကို ဖတ်ရတာက တော်တော်စိတ်ဝင်စားဖို့ကောင်း
ပါတယ်။

ရုပ်ရှင်ဇာတ်ကားကောင်း တစ်ခုကို မည်သို့မည်ပုံ
ဆိုတာ မကြည့်ဖူးသူတွေ မျက်လုံးထဲမြင်အောင် စာနဲ့ရေးပြဖို့ မလွယ်ကူပါဘူး။ ဒါပေမဲ့လည်း ဆရာမ ဂျူး ကတော့ သူ့ကလောင်စွမ်းနဲ့ ရုပ်ရှင်
ပြကွက်တွေကို မြင်ယောင်လာအောင် ပုံဖော်နိုင်
ခဲ့တယ်။ ဒီ ၁၅ ကားကို စာအုပ်မဖတ်ခင်အထိ
ကြည့်ဖူးတာ ၃ ကားပဲရှိခဲ့တဲ့ ကိုယ့်အဖို့ ၁၅ ကား လုံးကို အချိန်ပေးကြည့်ချင်လာတဲ့အထိပါပဲ။

ဒီ ၁၅ ကားရဲ့နာမည်နဲ့ ဆောင်းပါးခေါင်းစီးတွေက

1 - Sommersby - မွန်မြတ်သောသေခြင်း
2 - Raise the Red Latern - မရှိအပ်တော့ပြီဖြစ်သောမီးအိမ်နီများ
3 - Hero - ကျွန်မတွေ့ခဲ့ရသည့် သူရဲကောင်း
4 - House of Cards - ဆန်းစသော်တာဆီသို့ ခြေလှမ်းများ
5 - A Home of Our Own - ပိုင်ဆိုင်မှုနှင့်ကိုယ်ကျင့်သိက္ခာ
6 - Joy Luck Club - မျိုးဆက်ခွန်အား စီးဆင်းမှု
7 - All the Mornings of the World - ကမ္ဘာလောက၏ နံနက်ခင်းများ
8 - Orlando - အော်လန်ဒို
9 - Kramer vs Kramer - သီးခြားကိုယ်ပိုင်ဘဝ ပြဿနာ
10 - Flight of the Innocent - လွတ်မြောက်ခြင်း ပင်လယ်
11 - The House of Spirits - သေရဲသူများ အကြောင်း
12 - Tombstone - လက်နက်နှင့် တရားမျှတမှု
13 - What's Love Got to Do With - ရွှံ့နွံထဲမှ လှပသောကြာပွင့်
14 - The River Wild - မြစ်တစ်စင်းကိုဖြတ်ကျော်ခြင်း
15 - Forrest Gump - ကံကြမ္မာ

ဇာတ်လမ်းတွေ အကြောင်း သီးခြားမပြောလိုတော့ပါဘူး။ ဆရာမ ရေးပေးထားတာနဲ့တင် ကြည့်ဖို့ လုံလောက်နေပါပြီ။ ကိုယ် ဘယ်တော့မှ စိတ်မဝင်စားမယ့် ရုပ်ရှင်အမျိုးအစားတွေကိုတောင် ချက်ချင်းပြေးကြည့်ချင်လာအောင် ရေးနိုင်တာ ဆရာမပါပဲ။ ဒီထဲက တချို့ဆောင်းပါးတွေဖတ်ရင်း ဆရာမရဲ့ဇာတ်အိမ်တည်ဆောက်မှု တချို့ဘယ်ကလာသလဲဆိုတာကိုလည်း ခပ်ဝါးဝါးလေးတွေ့ခွင့်ရလိုက်ပါတယ်။

ဒီထဲမှာ ကိုယ် သဘောမတူနိုင်တဲ့ ဆရာမရဲ့အမြင် တွေပါပါတယ်။ ဒါပေမဲ့ ဒီဆောင်းပါးတွေဟာ ၁၉၉၄ ခုနှစ်က ဆိုတာကိုတော့ ပြန်ထည့်တွက်ရပါမယ်။

အဆုံးသတ်ပြောရရင်တော့ ကိုယ်တို့က ဂျူး ရေးတဲ့ဝတ္ထုတွေကို နှလုံးသားနဲ့ခံစားခဲ့ကြတယ်၊ ဂျူး
ဖတ်တဲ့စာအုပ်တွေကို လိုက်လေ့လာခဲ့ကြတယ်၊ ပြီးတော့ အခု ဂျူး ခံစားမိတဲ့ရုပ်ရှင်ဆောင်းပါးတွေကနေ ဘဝအတွက် တစ်ခုခုရရှိမှာ သေချာပါတယ်။

အားလုံးပဲ ကြည်သာအေးမြကြပါစေ။