أسقطتني سقيما في فتون عيناها

Ch. 7

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

كتحس بالاشمئزاز طالع ليها من معدتها مروع ليها خاطرها.. فحالا موجة من القذارة اجتاحت كيانها النقي. قبلة منو، سرقات منها أنفاسها وأمانها في آن واحد.

كانت كتحس بمرارة في حلقها، ونفسها كضيق عليها، وكتحاول تحبس راسها كي لا تنهمر دموعها. كانت نفسها تغوت، تدفع، وتهرب، ولكن رجليها كانو مغلولتين بسلاسل الخوف والتردد.

مقدراتش السيطرة على ارتجاف جسدها، وكأنها تحاول التخلص من أثره البغيض. كتحس وكأن قبلة السيد وسخات روحها بظلام مكيتغسلش،  خلاها فحالة من الفزع والقلق العميقين...
هزات رجليها وضربات معرفاتش فين واش فيه ولا فشجرة حيت هي لي تقصحات كانت شي حاجة قاصحة... وهربات من دون متتلفت كتجري بلاما تتنفس هربانة منو وكتمسح بطرف الكسوة الطويلة ديال الخدامة عويناتها بجهد حتى حمراتهم وحرقوها وكتنخصص

بقا متبع ليها العين حتى شافها دخلات قدامو لمطبخ القصر و كيضرب فوق ركبتو حيت وسخاتها برجليها فاش اعطاتو هاديك الركلة ومبتاسم :" مقادرة حتى تدافع على راسها !"

جبد تيليفون لي من صباح وهو كيفيبري : " الو !"

كتغوت لدرجة بعد التيليفون من وذنيه:" عاصي فينك كلشي كيسول عليك.. الحفلة ديالك"

عاصي ببرود:" بنت جلُّون باغيا شي شوهة ؟"

جويرية باستسلام :" متبعدش رجع للقصر خاصنا نهضرو"

الحفل سالا وكل بلغ دارو.. وعائلة بن جلُّون كلهم.. لكن العادة ناقص فرد "عاصي" مكيحتارمش التجمعات العائلة.. كانو فانتظار قدومو

كيان بن جلٌُون

29 سنة، توأم كريمة بن جلُّون.. اكبر الذكور فالعائلة... احكمهم و الهادئ بينهم و المسالم سجلو نقي.. تزاد، كبر وعاش فالفن رسام مشهور ولوحاتو تسوى ملايين الدولارات.. كلاا مرة عندو معرض فبلد مختالف زار العالم كامل.. خدا ماستر فالاقتصاد جامعة هارفارد (Harvard University) ورجع يستلم كل ما يخص المجال المالي فالشركة

دخل بلباس راقي ولكن ماشي رسمي لباس مريح وهاز فيديه حامل الحاسوب النقال..

عنقو الطاهر فاحضانو:" ولدي !"
بادلو العناق:" كي كانت الحفلة بلا بيا ؟"

وباس على يد جويرية:" جيتي ملكة "

جويرية كتبتاسم:" بهاد الهضرة كتذوب البنات"

جلس كيتسالم مع خوتو الذكور الحاضرين شريف وامير :" تبوقيصة و الكرافاطة "

كيضور راسو:" كريمة ؟"

جويرية:" عندها شي صواري مع صحاباتها"

كيان:" ممولفاش ليها و عاصي مزال مغيرجعش ؟"

الطاهر تنهد جبد ليه المواجع:" كون غير مرجعش "

جويرية:" الطاهر مالك مع هاد الولد "
شريف كيضحك تحت من الشوميز لي لابس :" حيت كيغلبو "

قاطع كلامهم بصوت جشء وقاصح:" شي واحد مقصح!"

كيان مشا كيسلم عليه حيت عزيز عليه وكيحتارمو:" شحال متلاقينا فين كنتي ؟"

كيقت&ل جويرية بعينيه:" سول بنت جلُّون !"

شاف فجويرية:" شي ديبلوم جديد عاوتاني "

جويرية كتحاول تغير الموضوع:" غنعطيكم الشركة من غذا"

عاصي مكانش مزك ليها فحالا مكتهضرش...

جويرية :" عاصي !"

فعينيه، كان العالم يشتعل بنار الكراهية والغضب. عينيه كالليل الداكن، يكتنفهما بريق حاد من الظلمات، كيعلن عن عاصفة من الحقد والانتقام.  نظراتو كانت كسهم مسموم، ينطلق بحدة جهتها... جويرية فهمات حدودها وبدلات نبرة صوتها :" تبغي ترتاح بيتك الفوق"

عاصي حط يديه على الفوتوي:" غنعس لتحت "

ابتاسمات مفقوصة كتضبط راسها بزز:" لا ميمكنش نت ولد جويرية بن جلون بلاصتك الفوق... التحت ديال العائلة"

بحدة: " نت فوق منهم"

عاصي بعناد وببرود كيشوف وسط عينيها:" تزيدي تهضري غنعس فدار الخديم "

رجعات كتترعد:" واخا اختار البيت لي بغيتي ديالك "

كان جالس ولكن فجأة ناض وقفة ماشي طبيعية تمشى بشوية كيحاول يحافظ على التوازن مكانوش كيشوفو تعالير وجهو كيشوفو غير ظهرو لي واقف شامخ وصل للكوزينة وهو يشد فالباب ملي غبر من قدامهم.. كتبان الضبابة قدامو، حط اليد ثانية فوق ناظرو كيحرك راسو باش ترجع ليه الرؤية وجسمو بدا كيتمايل غيطيح نطق بقوة وعمق:" خرجو !"

الخدم ملاحظوش مرضو او تعبو خرجو فالحال :" نت بقاي "

فتون كتسرق الشوف منو وخايفة ولكن معارفاش واش هو صاحب القبلة ديال الغابة نطقات بتردد وبصوت رقيق:" نعام ا سيدي "

عاصي :" قربي !"

قربات خطوتين وبعيد عليه بامتار، عاصي غمض عينيه معصب ونطق بصوت اقوى:" قربيي !"

جرها بقوة من يديه ختى لامسات جسدو وبدا كيقلب فجيبو عليها كيخوي جيابو ومع الدوخة

فتون بهمس:" سيدي واش نقدر ندير شي حاجة ؟"

مقدراتش حتى تلفظ كلمة "نعاونك" حيت الخدم مستحيل يتحط فكفة المساعدة هو هنا للخدمة والطاقة...
وقبل متاخد جواب منو ترخى وجاب ثقلو فوق منها دراعو فوق كتافها و فمو جا مباشرة فوق عظمة رقبتها...