أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 4 : ✧ عَــاشِـقٌ بلاَ رحْمَــة ✧
وهي تغوت فتون :" انااا لي خاصني نمو& ت "
كلشي تلفت هوا مقدرش يتلفت عنقو تفيكسا غير وذنيه لي علاو وهوا كيسمع صوتها المألوف ضحك بسخرية بدون ميتبدلو ملامح وجهو ولا تبان ابتسامتو عند بالو كيتخيل حتى عاودات نطقات:" ارحمها ا سيدي "
هنا تلفت بعرض بطيء عينيه بؤبؤ عينيه وساع بزااف و عروق عينيه برزو بدا كيقرب ليها و هوا كيسكاني فيها
فكل بلاصة فيها وهي حادرة راسها للاض خايفة ومزيرة على الفوطة فوق منها بقبضة يديها ، كان كيتمشى بشوية ، حتى بدا كيوسع خطواتو ويسرعهم...
الزمن وقف بالنسبة ليه مبقاش كيحس ولا كيشوف لي ضايرين بيه كيحس براسو سخون بزاف و منفوخ عليه وقف قدامها ، و قطرات كيرتاطمو مع الارض بقوة كانو دميعاتها ، شدها من فكها بيديه بقووة جامع شنايفها على شكل قبلة موعتها كتحس براسها غاديا للمو& ت بيديها...
وهوا جامع فكها مزير عليه خلاها تحس بسنانها كيتهرسو حط فمو فوق شنايفها و قبلها بقوووة و عنف وشغف قدام كلشي...
ممسوقش فحالا كاين بوحدو معاها خلا كاع الخدم حالين فمهم فيه حيت ماشي من شيم السيد...لي عمرو حتى لامسات يديه شي وحدة قدام الملء ولو كانت فتون
خنقاتها ريحة الكارو لي كانت ففمو حاضرة اقوى من قبل حيت مكاان كيدير حتى حاجة مكايكل مكيشرب.. غير كيكمي فمو مكانش كيسحا.. و كتشوف بشرتو لي تراجعات وتحت عينو لي كان مظلم باين فيه مشافتش عينو النوم
تنهد ليها وسط فمها كان تنهيدة مشارجيا خارجة من صدرو ، مد يدو للحرس وهوا مغطيها عليهم بجسمو واكتافو العراض :" مونطو "
مدو ليه المونطو ديالو لبسو ليها و كلكمها فيه و هزها بين دراعو مدخلها حتى وقفها صوتو وهي حاطة يديها فوق صدرو هبط عينو على يدها لقاها عمرات قاميجتو بالدم هز عينو فيها:" ارحمها اسيدي "
كانت اسية كتطلب وتزاوك على فتون.. نطق ببرود وعينيه مكتشوفش فالارض:" ارميوها ! "
وكمل طريقو طلعها لجناحو الطريق كاملة وهوا ساكت هازها ولكن فنفس لوقت معنقها حيت مزير عليها فحالا خايفها ترجع ضيع منو ، فحال شي حلم متشبت بيه...
حلو ليه باب الجناح وحطها فوق سريرو هي غير حطها و هي تنزل على ركابيها فالارض قدامو مغمضة عويناتها حيت رجليها كتقطع فيهاا و بدات تحك يديها مع بعضهم و كيزيدو ينزفو و فمها ناشف وملامحها ذابلة بزاف كتترجاه بصوت باح بالبرد و التعب :" لي درتي فيا قليل و نستاهل "
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
