أسقطتني سقيما في فتون عيناها

Ch. 47

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

دخلات وسط حضنو فحالا كتقلب على رضاه ولا كتحاول تستعطفو وتلينو جهتها حاوطها بدراعو ولات بين دراعو داخلة.. وهو كيمرر يديه فوق شعرها بلاما يهضر كيزيد يهلكها بهاد الغموض معارفاش راسها معامن جالسة..

ـ فنـفس السنة 2021 فالمـصيف، الداخلـة  ـ

* كابوس *

كان هاز صاك فوق كتافو لابس لباس رياضي من Adidas واليد الثانية هاز بيها باقة ورد البيض كيبعث الراحة فالنفس وريحتو زوينة حيت عارفو اللون المفضل عند جويرية.. وكيقلب وسط منو على واحد العلبة لي فيها واحد الخاتم مرصع بجوهرة بيضاء و ضاير بدياموند.. كلفو ملايين دولارات باش يقدر ياخدو ومعارف و بزاف ديال المجهود، وجا يراضيها فعيد ميلادها حيت علاقتهم كانت خايبة وحس براسو فحالا قصا عليها بزاف وظلمها

عرفها غتكون فالمصيف حيت هو اعز بلاصة عندها فحالو تماما كانو كيدوزو عطلهم ديما هنا ولكن من وراء ماكبرو هجرو البلاصة.. حيت كاع الخوت تفرقو و هو ولا ممنوع عليه يدخل للمغرب الا الى كمل قرايتو

دخل ساروت فالباب وحل بشوية بهدوء.. كيمرر عينيه فزوايا البيت كان نظيف كيشعل.. مافيهش حس الغبرة..

و مرتب كل بلاصة تابتة وهو مهووس بالترتيب و كيعرف فاش بنادم كيحرك شي حاجة من بلاصتها.. تقدم بخطوات بطيئة و ثقيلة اتجاه الصوت لي سمع وثار مسامعو صوت ضحك عالي.. و ضحك مقح & بن كيسمع صوت ضحكتها، كانت مو "جويرية" قرب كثر وصل قدام الباب لي كان محلول براحة وهي ناعسة بين احضان رجل اخر، رجل غريب غير باه "الطاهر" و كتضحك وهو ماسك خصلة من شعرها وهي كتلعب بصباعها فوق صدرو :" سالفاتور غترجع غذا "

كيبوسها من فمها :" مغنتعطلش 24 ساعة ونرجع ليك"

وكيمرر يديه على خدها:" خاصك تصارحيه بكلشي منقدرش نزيد نعيش بلا بيه "

جويرية:" مبغيتش نصدمو بغيتو يتقبل شوية بشوية"

مشهد الخيانة كان اقصى حاجة يعيشها راجل فسنو، عينيه احمر لونهم و ظهرو عروقهم الرقيقة و عينيه خرجو، جمع يديه على شكل قبضة وضرب بقوة فالباب جويرية قفزات كتغطي راسها كان عريانة كيف تزادت من كرش مها ناعسة حدا راجل عريان هو الاخر.. من الخوف ظنوه زلزال الراجل، كيجاول يخبعها ويحميها

زعزعهم صوتو :" هادي هي الخدمة لي عندك ؟"

دخل جاهل دراعو زادو تنفخو بالغيرة و الغل و الحقد.. صدرو كان كيحرق، كيحرق بزاف شاعلة فيه العافية طار على سالڤاتور طيحو فالارض كيضرب فيه بلكمة وراء الثانية و جويرية لاوية عليها ليزار وكتغوت :" لااا لا عاصي "