أسقطتني سقيما في فتون عيناها

Ch. 39

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

فتون كتحرك راسها بلا خايفة منها لسبب ممعروفش منين شافت علاقتها مع عاصي خايفة تغلط فيها وتوصلها ليه:" لا شكرا مبغيتش، وسمحيليا غنمشي "

وانساحبات بادب وبلطف حتى خرجات خلات نسرين غير كتشوف.. ومعلية حاجبها باستغراب من حركات فتون

هبطات ديريكت عند اسية وعنقاتها:" خالتي اسية "

كتقلب فيها مشوشة عليها:" واش بيخير ؟ ياكما تزاد عليك لحال"

اسية بادلاتها العناق:" ياكما دار فيك شي حاجة ؟"

فتون بنية:" يدير فيا لي بغا مهم هو نتي تبقاي معايا"

كضور قدامها:" شوفيني دابا مكنحس بوالو "

اسية كتشوف فالكسيوة لي لابسة و كضورها قدامها بيها:" نتي لي تستاهلي تكوني معاه"
تنهدات فتون:" غير باش نجيب ليك فلوس "

اسية :" تيقي فيا انا مبغيتش نخلي جويرية تضحك عليك وترميك.. كانت غدخلك فاللعبة و تحركك كيفما بغات و تتخلص منك بسهولة، انا غنندمها "

فتون بشك:" ماشي بغيتي فلوس للمرض ؟"

اسية رجعات نظرة لطيفة :" اه "
ونطقات بصوت حنين :" ا يلي "

فتون ابتاسمات حيت حفظات هاد الكلمة بالشلحة على قبلها.. الكلمة لي كانت كتعيط عليها مها بيها، و اسية كانت مها من وراها.. هي لي ربات و داوات فالمرض و شجعاتها وكانت وراها فالقرح.. جبدات فتون من جيبها واحد البلاستيكة فيها شي حاجة مخمجة، كانت التيراميسو هزات منو قطعة وحطاتها فالبلاستيكة فاش كان عاصي فالدوش و خشاتها فصدرها كلها تبعصات:" شوفي شنو جبت ليك "

اسية:" شنو هادشي ؟"

فتون:" التيراميسو بنينة بزاااف "

اسية كتضحك:" هادي راه التردة "رفيسة بالخبز كانو يديروها قديم بزاف" اشمن تيراميسو "

فتون تغبنات:" ياك المهم هو المذاق ! اناا غير جيبي ليا حتى معصور نشربو "

خداتو من عندها اسية:" اجي كولي معايا "

فتون تزاحمات كتاخدو بصبعها بلا معلقة و صدقات هي لي واكلاه و اسية كتبتاسم حيت كتشوف فرحتها:" فين كنتي غتلقاي التيراميسو الى خليتي بن جلون ؟"