كانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟
#أسقطتني_سقيمـأ_فِــي_فُتُون_عيناهـَا ✨🫀
Written by : ELYAAKOUBI Ikrame ✍🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
• بين أحضانــه •
كانت وردة وسط الشوك.. هو الشوك وهي الوردة المتفتحة بيضاء بشرتها صافية وناعمة فاش كيقيس بيدو ظهرها كتقفز من خشونة يديه كان كيسد السنسلة باحترافية وهدوء و اهتمام بكل انس وتفصيلة فيها ولكن بدون اي عاطفة..
هز عينو مشحونة فيها من مرايا حتى تلاقات عينيهم:" شكون باغي يزوجك ؟"
فتون تداركات لوضع وسكتات كتقلب على الكذبة و عينيها غير كيتحركو وسط راسها :" ا.. زعما "
هبطات عينيها كتبعدهم عليه وكتلعب بصباعها كتفركهم مع بعضياتهم:" كاع البنات كيتمناو "
كتخرجها بصعوبة:" يتزوجو بيك ولااالا "
حيد يدو من فوق السنيلة وحطها فوق خصرها وكيقرب لمستواها حتى كمشات راسها فعنقها حيت دقاتها لحية ديالو القاصحة فبشرتها ونطق بصوت هادئ وقوي:" ونتي ؟"
فتون بلعات ريقها، وصوت منخافض :" ا.. اا اه "
كانو عينيه كيترقبو حركاتها ببرود :" تتزوجيني ؟"
قفزات بين يديه مبعدة منو خايفة، غير الفكرة ركبات فيها الرعب كتحرك راسها بلا وهي كتشوف فالارض:" لا انا لا "
كان عارف ردود افعالها.. وعارف حتى مشاعرها ولكن كيستفزها:" مبغيتيش تتزوجينني ؟"
فتون حصلات راسها الى قالت لا مشكل ولا قالت اه مشكل:" منستاهلكش ا سيدي"
غمضات عويناتها معرفات شنو تدير فاش قرب ليها فحالا غيعنقها مد يديه وراها معنقها وهز الشبكة لي وراها كلبها ليها حيت صدرها كلو كان مكشوف وهي كتهبط الشبكة وهو كيطلعها فتون بنفاد صبر:" راه هاكا كيلبسوها فمسلسلات "
