أسقطتني سقيما في فتون عيناها

Extract

من الفصل 3

حسات بيه تخشا من وراها بثقالة و كتحس بثقلو كيقرب ليها شدها بقبضة بدو من خصرها قربها ليه حتى تزدحات معاه.. كتحس بنفسو سخونة تغزو بين خصلات شعرها و معنقها بدراعو من جهة صدرها حاط يديها فوق عنقها و

مزيرها فالعناق :" نعستي ؟"

حركات راسها بلا وهي محاملاش قربو.. كتحس بريحة الحشيش كتخنقها باينة يالله طفا شي واحد كيهمس ليها وسط وذنيها:" عجبك التيراميسو ؟"

فتون بصوت ضعيف :" اه "

حسات بخشونة يديه تحت الديباردور لي لابسة وهي تشنق على يديه بيديها الصغار بزوج وصوتها مقهور:" لا "

كتحاول تركب نبرة صوتها:" ماشي اليوم ا حبيبي عيانة "

زاد خشاها فيه مزال حاط يدو فوق صدرها، كان هادشي مقنطقها بدات كتتفركل برجليها، ثقلهم بضغط رجليه حط رجيلاتها الرقاق والصغار بين رجليه ثبتها:" ريحي ولا غنغتا &صبك "

بلعات ريقها بقلق وخوف و بدات كتترخى وكتطلق راسها حطات يديها ناعمة فوق يديه وهي كتستدر جهتو.. موسدة دراعو لي قاصحة وسميكة هزات راسها فيه وحطات يديها بلطف فوق لحيتو :" واش بصح غديرها ؟"

غمض عينو حاط جبينو فوق ديالها ونطق بصوت باح :" غنديرها "

فتون بنبرة رقيقة و متأثرة:" مغترحمهاش ؟"

عاصي ببرود :" لا "

فتون ميلات شنايفها:" ولكن هي ماماك، كون بقات ليا ماما دير فيا مبغات "

عاصي حل عينيه كانو مغرغرين فحالا مراض وحمرين بالسهر وقلة النوم و محمرين :" انا غند& فنها حية "

فتون بدهشة حلات فمها حطات يديها فوق فمها :" قلبك كحل !"

هز يدو و صرفقها لفخضها حتى غوتات بصوت رقيق ونطق بصوت خشن :" لسانك طوال !"
بدات كتمرر ظفرانها فوق لحيتو و عنقو كتحاول تريحو وينعس مناعسش يوماين هادي.. وهو خاشي راسو فشاشة الحاسوب.. بدات كتغني بصوت رقيق وناعم

ونبرة ضعيفة تسرق المستمع:" أُبتليت بعشقاا عن اول صيامي ،واعشق و افنى ويزداد غرامي.. "

عشق صوتها من هاد الاغنية.. معمرها فشلات انها ترخي اعصابو بصوتها العذب ولمساتها الرقيقة.. بدات كتحاول تفك من قبضة دراعيه وثقلو لي نزل عليها قربات لوجهو بزاف كتتاكد واش ناعس.. قاست بصبيعاتها شفارو كتزيد تأمن راسها بلي نعس ناضت بشوية قاطعة النفس فيها و كتتمشى حفيانة على قرون صبيعاتها وكتتلفت جهتو كل ثانية و يديها فوق قلبها غيطيح من بين ضلوعها من كثرة خوفها الى حصلها غيقت& لها..

وصلات للحاسوب فوق المكتب و هي تخشي لـ clé USB و كتحاول تدخل كلمة السر وهي فحيرة كتعض فظفيراتها بقلق :" يكون عيد ميلادو ؟"

كتبات :" 30/08/1996"

تنهدات فاش مبغاش يدخل و تنفسات بعمق كضرب فراسها :" حلي دماغك ا فتون حلييي دماغك "

عاودات كتكتب وهي كتترعد والعرق هبط عليها:" يقدر يكون عيد ميلادي ؟"

كتبات مرة اخرى تاريخ ميلادها ومخدمش، بقات ليها فرصة وحدة وغيتكودا ليها الحاسوب، شداتها البكية مبقاتش قادرة تفكر بدماغها كلها كتترعد ورجيلاتها كيخويو بيها غطيح وقلبها كيضرب.. دقاتو تتسارع و تخربقات كتاخد نفس طويلة وتخرجها.. يديها تبللو بالعرق و بداتها الفواقة من شدة توثرها كتبات وآخر محاولة عندها بغات دير تدخيل وهي عاضة على

شنايفها :"30/12/2021"

وهو يتفتح، ابتاسمات و بدات فتحميل جميع ملفات الحاسوب و كتمشي كتجري على اطراف صباعها كتسرق الشوفة فيه وتتأكد من غرقو فنعاس كان كيتحظل الملفات 58٪ وهي متوترة كتلعب فصباعها غتهرسهم و كتكمش بين يديها الاونسومبل لي لابسة من ثوب الحرير سميطات فيها رسمات الفلامينغو فالغوز والابيض..
وصل التحميل 99٪ كانت فرحانة و قلبها مزموت عليها فنفس الوقت، قفزات و طاحت فالارض على ركابيها فاش سمعات صوتو زعزعها و البولة بين رجليها من شدة

خوفها :" شنو كديري ؟"