أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 3 : ✧ عِـشقٌ تحـتَ وطأةِ الإكـْـراه ✧
• 2006, فـ النخيـل - مراكـش •
منطقة الثراء، بنايات الاغنياء ڤيلات الخليج.. وقصور الامراء و فنادق فاخرة و غالية
وسط ڤيلا تقليدية مليئة بالثرات المغربي.. فوسط غرفة تحتية كانت كتصارع الالم و الحريق :" زحمي.. زحمي "
كانت كلها تتصبب عرقا، كتقطر فحالا خواو عليها سطل ديال الماء و كتبكي و كتغوت، رمات عليها واحد شال:" كنتي تبكي فاش اعطيتي زكك.. زحمي نخرجو الويل الكحل دغيا "
عظات بقوة على داك الشال و دايرة قبضة مزيرة عليها:" ك... غير خليوني نمو& ت منقدرش.. رحميني اختي جليلة"
كتبكي و جليلة كتزيد طلع ليها رجليها بالوسايد:" تعصري فكي راسك وفكي داكشي لي فكرشك "
كانت كتتنفس بزز :" مبقيتش قادرة "
سمعو دقان :" مزاال مزااال "
كتعلمهم بلي مزال مولداتش وهي باقي كتزحم.. الالم كان صعيب و قاصح كتحس براسها كتتعذب وولات تطلب المو &ت ارحم من هاد العذاب مبقاتش عارفة حتى كيفاش تتنفس من البارح وهي معذبة ذاقت المرار فليلة كثر من ستة الساعات وهي باقي مرهونة و متقدر دير حتى حاجة.. متقدرش تمشي للسبيطار معلقة حبل امالها بامراة كبيرة وعندها خبرة باش تعاونها تولد (القابلة)
حتى انفججر صوت المولود كيغوت.. اول صرخة مقاومة فالدنيا
جليلة ابتاسمات:" ماشاء الله بنية "
حطاتها فوق صدرها ولكن ضورات راسها و دفعاتها بيديها:" مبغيتش نشوفها"
جليلة:" شوفي بنتك ورضعيها.. هزيتيها 9 شهور واش مبغيتيش تشوفيها ؟"
حركات راسها بلا تنهدات جليلة:" الله يهديك ا بنتي حنان، شوفيها تشفي جروحك "
حنان بلوم :" هي سباب فعذابي من نهار عرفتها فكرشي وانا معذبة"
جليلة تعصبات عليها:" واش هي لي قالت لك حلي رجليكك.. لا حول ولا قوة الا بالله "
كلكمات البنت فواحد الطرف من الثوب وخراجتها كان كيتسناهم قدام الباب مبتاسم:" ما شاء الله، سبحان لي صورها"
جليلة تنهدات:" فرحتي بيها اسي عمر كثر من مها "
عمر مد يديه يشدها:" كنت كنتسناها من نهار عرفناها حاملة"
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
