أسقطتني سقيما في فتون عيناها

Ch. 53

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

بلعات ريقها والصمت تملكها، لسانها تقبض وهي حادرة عويناتها حاولات تجاوب بزز وبصوت ضعيف:" كان باغي غي.."

عاصي بنبرة جافة وتهديد واضح.. هز سبابتو جهتها و عينو فيها:" متكذبيش !"

زاد خوفها فكل مرة كتحسو عارف عليها كثر من اللازم كتشوفو كيشوف جانبها المظلم.. ومن حسن الحظ مكانتش عندها نية تكذب.. :" ق..قاليا ج"

بتردد:" جيتي زوينة "

حرك راسو وهو كيدير يدو فجيابو:" ونتي عجبك الحال !"

فتون كتحرك راسها بنفي وعويناتها كيبريو بالخوف:" لا انا قلتلو.. جيتي بوقوص من صواب "

كان راضي عليها الواليدين اما كان غيدفنها حيت عارف الحديث لي ضار بيناتهم كان كيرمقها بنظرات باردة كيتسنا غلط واحد منها.. عاصي موهوب فقراءة لغة الشفاه بدون ميسمع صوت قادر يعرف.. تعلم هادشي تحت ظروف خلاتو مجبر يقرا لغة الشفاه باش ينقذ راسو !

العصبية كانت كتزداد والغيرة تقتات من ذاتو.. الكلمة الوحيدة لي كيعرف يقولها "زوينة" قالها ليها شريف

نطق والسم كيتطاير من عينيه كانو قادرين يقت& لوها:" شنو هاد الطعارج لي دايرة فوجهك ؟"

ـ هذا كان تعبير مجازي لـ "نت اجمل ماشافت عينيا"ـ

فتون نزلات عويناتها بحزن و خذلان حيت كانت فرحانة براسها بزاف.. مد ليها منديل الخاص بالطقم لي لابس، فهمات المقصود و بدات كتمسح فوجهها بلاما تحتاج مزيا مكياج حيت دموعها لي غسلو وجهها مسحات و مداتو ليه حتى كتتفاجئ بيه شدها من خلف الرقبة ورجع حط المنديل فوق شنايفها كيمسح فيهم حيت نسات العكر فوق منهم..

فتون بارتجاف:" سيدي غنمشي لالة نسرين كتتسناني "

شاف بنص عين شريف من بعيد خارج يكمي برا القاعة حيت لداخل ممنوع التدخين.. و هو يلوي عليها دراعو فحال الافعى فاش كتنقض على فريستها وهي فغاية اللهفة، قرب يخشيها بين ضلوعو و كتحس برجيلاتها بداو كيلعبو فالهواء..

نطق بصوت غارق وثقيل و نيران الغيرة بين عينيه:" ديري شي حاجة !"

هزات عويناتها تقابلو مع عينيه كتشوفهم حاديين حتى فرسمتهم.. نظراتو كانت باردة حطات يديها فوق صدرو و علات راسها حتى عنقها تمطط ويالله وصلات لذقنو.. طبعات قبلة تحت شفاهو تماما.. فوق هاديك اللحية المفرقة خفيفة و كتددق فلحمة شنينفاتها الرطبين بمرطب لي حطو ليها قبل الماكياج