أسقطتني سقيما في فتون عيناها

Ch. 37

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

فتون كانت ساكنة نطقات بضعف وصدق:" منقدرش نبعد عليك "

كانت فعلا صادقة فكل كلمة تحكيها مكانتش قادرة تبعد عليه ولا تخليه.. كانت مجبرة على البقاء بجنبو.. مجبرة تستنشق ريحة الحشيش لي كتتستوطن ريتها، ريحة خانزة وكتخنق كتخلي الابدان تقشعر و الاذهان تدوخ كانت معدتها كتتروع عليها، فاش سمع كلماتها تكى على شنايفها كيلتاهمهم بقبلة حارة وطويلة وهي كتتجرع مرارة فمو كان عاد شارب قهوة كحلة مسوسة ومرة سمع الشيفور كيدق فالباب :" سيدي الطوموبيل واجدة"

خرج عاصي عندو ساد على فتون الباب ديال الغرفة.. و جبد من جيبو بزطام جلدي اسود من ماركة Hermès و اعطاه التضويرة ديالو جبد بلاما يحسب و خلصو بالاورو حيت معندوش الدرهم.. نطق بصوتو الخشن والرجولي:" رجع معاك الخدامة.. لي جات معانا"

شاف جهة اسية لي حادرة عينيها :" فتون غتبقا معايا "

الحيسن حرك راسو :" واخا ا سيدي محتاج شي حاجة نقضيها قبل منمشي "

عاصي حرك يدو بلا و ربط فوق دراع الحيسن برضى حيت كيغيز ليه كاع البلانات.. و اسية غير كتقلب فعينيها ولكن متقدرش لاتهضر لا تمنعو خايفة منو على فتون.. يمشي يدف& نها هنا
اسية بخوف نطقات:" سيدي نقدر نعطي لفتون شي حوايج قبل منمشي "

عاصي :" دخلي !"

اسية دخلات بالجرا عندها :" فتون شنو درتي ؟ واش مقلق عليك ياكما تعصب ؟"

فتون هزات كتيفاتها بطفولية:" معرفتش "

اسية كتشوف جعة الباب:" شنو قاليك ؟"

فتون:" والو.. مقاليا والو"

اسية اعطاتها واحد ساروت كمشاتو فيديها... و اعطاتها فاليد الاخرى شي صرف :" هذا ساروت الفيلا وهادو فلوس خبيهم.. لا شفتيه غيآذيك دافعي على راسك ضربيه.."

ضورات راسها فالغرفة:" ضربيه بلي جا قدامك قرعة لراسو.. موس لكرشو مهم نتي تهربي "

فتون خلعاتها هضرتها:" خالتي علاش غيآذيني "

تغرغرو عويناتها و اسية كتمسح على وجهها:" الوصية ماكت& قتل مكتحيي انا غير كنوصيك دافعي على راسك"

حركات راسها باه :" ونتي فين غاديا.. علاش كتهضري فحالا غتمشي "

اسية :" حيت سي عاصي سيفطني انا و الحيسن نرجعو للقصر بغاك تبقاي معاه بوحدك "
فتون بذهول :" بوحدي ؟"