أسقطتني سقيما في فتون عيناها

Ch. 10

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

أسية:" فتون مدرتيش فقهوة سكر ياك ؟"

فتون فرحانة فحالا دايرة حاجة زوينة وعينيها كيبريو بالبراءة:" درت 3 معالق وشوية "

أسية بفزع غوتات:" اويلي "

خرجات كتجري بلاما تتردد وقفات عليهم فوق طاولة الافطار وهي كتشوف عاصي غياخد الكاس لفمو غوتات بجهد:" سيديييي !!"

وقف بالعرض البطيء بلاما يشوف فيها عينيه على جويرية..
جويرية شافت فرزان لي ناضت طافجة كتغوت:" شنو هاد البسالة والوقااحة ؟ "

اسية حادة راسها:" سمحي ليا الالة ولكن..."

بصوت واضح:" قهوة سيدي مصالحاش "
جويرية هزات راسها:" كيفاش مصالحاش"

أسية:" الخدامة غلطات ودارت فيها السكر بلاما تنوي الخديعة ولا الضر لسيدي"

جويرية:" غنبداو دابا نحفظوكم كي كيشرب سيدكم قهوتو؟"

بشك شافت فيها:" باغيين تقت&لوه، شكون هادي ؟"

أسية:" لالة منواتش"

قاطعاتها بواحد صوت قوي :" جيبيها"
اسية دخلات وقفات قدام فتون شداتها من كتافها:"الى سولوك شكون قالك ديري السكر قولي كبيرة أسية، صافي ؟"

فتون ببراءة:" ولكن نتي مقلتيليا والو!"
أسية بجدية:" ديري لي كنقولك "

خرجات أسية ووراها فتون مهبطة الراس وقفات رزان قدامها و فحالا كتستقوا عليها :" دابا غنعاود نعلمك ترابي الخديم ولا ؟؟"

كلشي ضور عينيه فاش سمع صوت احتكاك كرسيه مع الارض، نطق بصوت جشء غارق:" حتى نتي غيتعاودو ليك ترابي معاها"
و داز من بينها وبين فتون عمدا باش تتراجع هي اللور:" حيت نتي من خديم بن جلون"

خلاها كتترعد بالسم فبلاصتها، مقادراش تجاوب ولا تنطق حادرة راسها حتى هي بكلامو رجع حطها فبلاصتها.. حيت لافرق بينها وبين الخديم بزوجهم كيخدمو بن جلون...
جويرية :" وشنو عرفنا هاداك سكر ولا سم "

دار اشارة لأسية باش تعطيه الكاس و مدو لفتون:" شربي !"

فتون من الخوف والرعدة لي فيها قريب تسخف قدامو... من اخر حاجة وقعات بيناتهم وفنفس الوقت عمرها وقفات بهاد القرب من العائلة... وزيد عرفات جدية الموضوع مكمشة كفوفها على طابلية لي لابسة ديال الكوزينة وكتجمع وطلقهم من كثرة التوثر وكتشوف فالارض وصوتها مرعود فيه نبرة رقيقة فحال الماعز:" منق.."
واحد الصوت مكيتسمعش حتى قرب لمستواها محني لعندها:" منقدرش نشرب من كاس سيدي"