أسقطتني سقيما في فتون عيناها

Ch. 33

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

نهايـة الفصل 2 : ✧ اغْدَقَتْنِـي صَبْــوَةً ✧

فتون خرجات كتجري هابطة بهاداك الشكل مع دروج القصر.. كتبان فحال اميرة وسط قصر بن جلون.. وهي هابطة بان قدامها.. بابتسامتو الساحرة و اناقتو و بساطتو فاللبس و تسريحة شعر من التسعينات :" ااا "

مندنش من جمالها :" سندريلا !"

فتون حشمات حدرات راسها :" شكرا ا سيدي "

كيقرب ليها طالع مع الدرج :" كيان "

رددها :" كيان ماشي سيدي "

فتون الحشمة غتاكلها نطقات بصوت هامس :" كيان "

كيان :" كتباني فحالا خارجة من ديزني "

كيتأمل حتى فاحمرار وجنتيها:" تبغي نرسمك بهاد الكسيوة ؟"

فتون :" بصاااح "

فرحانة كتحرك راسها :" اه بغيت "

كيان :" اجي معايا لجناحي "

فتون مترددة وخايفة من موقف امير يتكرر :" تفكرت خاصني.. ندير شي حوايج تابعيني "

كيان :" ترجعي عندي من بعد ؟"

فتون حركات راسها :" واخا "

و شد يديها برفق و باسها من يديها بكل نبالة حسسها انها فعلا اميرة كانت غتذوب فبلاصتها من الخجل :" شكرا ا سيدي "

معرفتش شنو دير واش ترجع تعاود تبوس ليه على يديه ولا غير تشكرو ولا ياكما حتى هو غيطلب شي شكر خاص.. منها هبطات كتجي متابعة كريقها تماما فحال سندريلا فحكايتها مع الامير غير هي مطاحش منها الصباط ولكن عندهم معاناة متشابهة ويمكن فتون كثر منها حيت مزال مشافتش اميرها ومزال متمسكاتش بيه خرجات كترفرف بجناحاتها فحال شي ريشة ديال الحمام

و اسية كتشوفها ولكن معارفاهاش حيت كانت فقمة اىاناقة والجمال كانت وردة وماشي بشرية عادية حيت عمرها شافتها فهاديك الحلة

فتون كتضحك:" تسيفت عليك ا خالتي !"

اسية مبتاسمة وفرحانة:" واش انا كنحلم كتباني فحال الى مالكة القصر "

فتون كتضور قدامها:" اعطاها ليا سي عاصي "

اسية بصدمة :" عاصي ؟ "