أسقطتني سقيما في فتون عيناها

Ch. 27

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

فتون خرجات من القصر حيت دورتها سالات و هازة فيديها هاداك الدفتر وستيلو معنقاهم ومحنكة بيهم فقمة سعادتها ونشاطها..

وأسية واقفة فشرجم ديال غرفتهم فدار الخديم ببينوار طويل لاوياه عليها وحاضياها فحال بنتها كتخاف وتقلق فاول خمس دقايق كتتعطل فيهم.. عقلها كيتشوش والوساوس كيدخلوها لوحات ليها فتون بيديها من تحت ومع نعنقة داك الدفتر كتبان فحال شي بنت صغير راجعة من الروض
دخلات لدار الخديم كانت دنيا عامرة بالفوج لي دخل من الخدمة الغواتات.. والصداع وكاين دباز بين الخدامات
تجاوزاتهم و طلعات كتجري لغرفتها مع اسية حلات وتلاحت عليها عنقاتها و كتسول بحماس:" شنو دايرين العشا اليوم اخالتي "

اسية عينيها على الدفتر:" الشعرية "
فتون:" واش بمطيشة و دجاج ؟"

اسية:" لا شعرية بالحليب "

فتون مفقوصة:" بغيتي تقولي شعرية بالماء اما الخليب كاعما كنشوفو "
ربعات يديها مقلقة :" خالتي بزاف بزااف.. "

اسية دوزات يديها فوق شعرها:" هاد المرة فسوق نشري ليك شي بوكاديوس صافي !"

حركات راسها باه فرحانة، واسية كتهضر:" معرفت اشنو كيعجبك فيه كاع خانز كيديرو مطيشة حامضة"

فتون:" مكاين شي حموضة قد هاد الشعرية لي كيعطيونا"
اسية جرات من يديها الدفتر:" شنو هذا ؟"

فتون خافت حيت نبهتتها اسية من احتكاك بعاصي:" سي عاصي لي اعطاه ليا "

اسية رماتو فالارض:" شنو كنقوليك انا"
كتعلي صوتها بعصبية:" بعدي من الحرااام "

فتون هبطات لمستوى الدفتر خايفة يتقطع:" خالتي راه ماشي انا لي مشيت لالة جويرية... لي سيفطاتني "

اسية سكتات موسعة عينيها:" كيفاش لالة جويرية سيفطاتك عندو ؟"

حركات راسها باه:" قالت ليا.."

بلعات ريقها و تا لسانها تسرط فاش تفكرات بلي هذا سر بينها وبين جويرية وسرعان مبدلات اقاويلها :" قالت ليا نوصل ليه القهوة " 

اسية:" اه واعطاك دفتر في سبيل الله "

فتون كتبعد عينيها من عين اسية:" اه "

اسية:" فتون "

بنبرة جدية:" جلسي نشرح ليك شي حوايج مفاهماهاش "