أسقطتني سقيما في فتون عيناها

Ch. 52

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

قربات ليه مدار والو متحرك ما والو قاستو مادار حتى ردة فعل ، تلفتات وهوا يبان ليها باقي واقف عند لباب حيت الخيل ميقدرش يدير شي حاجة غالطة فحضرة السيد مسيطر عليه لهاد درجة... جراتو وطاعها بسهولة دخلاتو وسدات عليه من ورا ماعمرات ليه لما...

بقات كتجمع فداكشي سالات مسحات فوق جبينها كتشوف راسها توسخات وخنازت بداك ريحة دلكوري خرجات كتجر فلخناشي ديال الفضلات كانت الشمس غربات

ومشات تجري للقصر حيت خاصها توجد العشا لي بوقتو تاهوا رجليها كانو كيوزوزو عليها...

دخلات لقات اسية كتوجد العشا:" سيري تحممي ووجدي راسك"

فتون :" علاش ؟"

اسية :" طالبك سي عاصي فجناحو "

فتون ضربات فحنوكها :"واش مكفاهش هادشي من صباح كنحرث كي الكلبة دابا باغيني نتحمم ونتزوق ؟"

اسية ببرود :" نتي اختاري تحممي وتتزوقي ولا غيعاود يزوق ليك لحمك "

خرجات غاديا للحمام و الخدامات جالسين مقابلين معاهم كيخنزرو فيها حيت سمعوه فاش آمر اسية تجيب فتون قدام كلشي...

فنفس اللحظة كان جاي بخطواتو الثابتة جهة المطبخ كيقلب عليها حيت شافها تعطلات وطال الحال وصبرو نفذ ، هبط يتاكد واش دخلات للقصر ولا باقيا برا وهابط بلا حس، خطواتو ثقيلة حتى واحد مكيحس بيهم، كيسمع فيهم كيهضرو :" ما جات بشطيح ما جات برديح، جات غير بالسعد المليح"

نطقو :" وياه نضلو نشطحو ونكوزو و شكون داها فيك ا العصيدة نهار لعيد "

نطقات وحدة :" بنت الهم عندها لساان ، حديتها معنى تغود العمى وتوريه الطريق فالظلمة "

-" بعداا بردت سمي فيها غطست لها راسها كنت باغيا منعاود نجبدو نخليها جيفة فلحمام "

نطقات لاخرة :" واش نتي حماقيتي بغيتيه يشعل فينا العافية وحنا حالين عينينا "

ردات عليها:" عندهااا الزهر هربات لبارح بفوطتها "

ساهية :" باقي عينو فيها "

قربو ليها :" و علاش منشوفوش اش نديرو معاها ماحدو نافرها وعاطيها تمارة "

جات اسية وراه :" سيدي "

لقاتو جامع يدو على شكل قبضة مزير عليها ، هما غا سمعو سيرتو ناضو قافزين مخلوعين مخافة يكون سمعهم :" سمح لينا لعشا دابا يكون عندك "