أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 3 : ✧ عِـشقٌ تحـتَ وطأةِ الإكـْـراه ✧
ـ عودة الى الحاضر 28/08/2024 ـ
ناضت بين دراعو وهو طلع من الماء كلو كيتقاطر هي غاديا تتمشى وهو تابعها لاصقها ساترها من اي عين ممكن تترصدها من بعيد.. وهي بهاد الفصالة كلشي اللباس لاصق عليها هزات الحمامة بين يديها كتقلب فجناحاتها المكسورين ودم سايل منها و مع قاست جناحها الحمامة خافت بغات تدافع على راسها و نقباتها فيديها غوتات فتون مرافقة صرختها قفزة عاصي بغا يشير هاديك الحمامة ولكن فتون حماتها تحت دراعها مخبياها منو :" انا لي قستها هي غير دافعات على راسها"
عاصي بنفااذ صبر زفر بقوة كيشوف فيها ممسوقاش لجريحتها لي كتسيل بشوية تاع الد& م تركيزها كامل مع الحمامة
فتون لأول مرة كتنسا راسها وكتآمرو عوضا عن طاعته:" جيب ليا باش نداويها "
شافت جهتو ونطقات بلطف ورقة:" عافاك "
عوض ميمشي يجيب ليها الدواء ليبغات شاف من بعيد خدامة دار ليها اشارة غير بزوج صباع فهماتو وجات كتجري فيديها مناشف وفوطات ليه
فتون كأنها خدات دور صاحبة القصر و هضرات مع الخدامة من ورا ظهر عاصي:" جيبي معاك دواء"
و الخدامة تحركات امتثالا لاوامر فتون تلفت جهتها ولوا عليها الفوطة وفوطة تانية كيمسح ليها شعرها كينشفو وهي جرات الفوطة لي فوق منها لواتها على الحمامة باش ميضربهاش البرد وهو حيد فوطة ديالو لواها عليها باش يحميها هي من البرد وهو بقا بالحوايج ساردين عليه جابت الخدامة شنطة صغيرة فيها مسائل لعلاج الجروح الخفيفة ودوليبران.. سباسفون الخ...
جلس وهي حداه فوق كراسي البيسين لي كيتبرونزاو فيهم تحت شميسة و هي متمسكة بالحمامة خايفة عليها من عاصي وهو ساكت و مركز فعلاج جناح الحمامة الاول كان مجروح وتاني كان مكسور دار ليه جبيرة بخشب صغير حزمو بضماضة غير ديپاناج علاما شافو طبيب بيطري
فتون كانت كتتفرن ودموع جايينها :" واش غيعيش ياك ؟"
شافت فوسط عين عاصي لاول مرة كانو متحجرين.. مانعينها تشوف برود نظرتو:" واش غيمو &ت ؟"
عاصي :" لا "
حطو فالارض و مد يدو لطبلة لي كان فيها شيبس "رقائق البطاطا" و الحمامة كتاكل و فتون مشات للبيسين محشماتش من اخر مرة غرقات تحنات حالسة على ركيباتها فالارض الخشنة وغطسات يديها فوسط الماء، دايرة يديها كاس واخا كيسيل من بين صبيعاتها الماء بقاو غير رشفات قليلة حطااهم قدام الحمامة لي بدات تشرب عطشانة وشافتو هزها وهي تقفز شداتو من يديه:" شنوو ..؟"
أنت تقرأ
أسقطتني سقيما في فتون عيناها
عاطفيةكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
