أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 2 : ✧ اغْدَقَتْنِـي صَبْــوَةً ✧
• Flashback من سنـة 2006 •
جويرية كتمسح على راسو كتقاد ليه الكويبة :" خاصك تجي نت لول "
كضحك :" Al Pacino ديالي "
شدات فيديه:" خاصك تقرا وتجي نت لول.. نت لول فكلشي"
كان طفل فعمر التسع سنين.. بشرة بين الابيض والحنطي وعيون خضراء.. تلمع بتوهج و فم مرسوم وردي و لابس طقم كامل مرتب وانيق فالابيض والازرق غامق و حامل محفظة الظهر ولكن.. تحت عينيه سواد و لونو تمسخ تخلط بالاصفرار
الطاهر:" باراكة على الولد واش باغيا تطلعيه للڨمرة على عشر سنين"
جويرية:" بغيتو يوصل دغيا.. ينقز عتبات الليسي للدراسات العليا"
الطاهر:" بزاف خلي لولد يعيش السن بسنو بحالو عندو هواية... وباغي يخرج ويحضر لاعياد ميلاد.. شوفي كريمة كل نهار بيك نيك وهو سادة عليه فديك المكتبة"
جويرية حمرات فيه:" ماشي كريمة لي غتهز بن جلون"
شافت فيه بحزم وحب:" ولدي عاصي "
عاصي ابتسم بزز من شدة التعب:" غنخليك فرحانة ا ماما"
جويرية:" يالله اولدي سير راه الشيفور كيتسناك برا "
وطلعات قبلة فوق خدو و خرج :" متبقاش تدخل فتربيتي"
الطاهر:" راك كتخرجي عليه ماشي تربيه.. ولد عشر سنين عندو عقل 18 العام.. مبقاش ولد صغير مباغي يلعب مباغي يضحك وينشط"
جويرية:" نت لي نشطتي فاش نفعك؟ انا لي عارفة مصلاحة ولدي "
بازدراء:" نت ماشي بن جلون مغتفهمش هادشي "
عاصي خرج تلقا ليه الشيفور فتح ليه الباب الخلفي طلع وجر بوحدو الباب بلا تعب الشيفور :" عمي عمر قلتي ليا مرتك كتولد البارح ؟"
ضحك عمر:" اه ا سيدي ولدات وراها لاباس هي و البنية"
عاصي :" ولدات بنت ؟"
عمر :" اه ا سيدي "
بحماس جبد تصويرتها واعطاها ليه:" هاهيا "
عاصي فتح فمو مفتون بجمالها:" عينيها كبااار ومشفرين"
عمر ابتسم:" زوينة وريحتها مسخيتش بيها"
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
