أسقطتني سقيما في فتون عيناها

Ch. 17

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

جلسات كتشوف فالموني و راشقة ليها :" واحد قهوة ڤاني و Pain aux noix stp "

حتى شافتو داخل تحنا باسها من خدها :" كرومة صاڤا "

كريمة:" مزيان ونت ؟ ارتاحيتي من سفر !!"

جر الكرسي جلس:" توت ايي بونو " (كلشي مزيان)

كريمة:" مناويش ترجع للشركة ؟"

كيان:" ممعمرش راسي غير داير لخاطر للواليد"
كريمة ابتاسمات:" هادشي باش كتعجبني"

كيان ابتسم:" الشركة ديالك نتي "

عنقاتو:" نت بلاصتك فالفن "

كيان:" سمعت الصفريوي غيتزوج، قلت غيختاروك ولااا!"

كريمة:" انا ممعمراش راسي بزواج.. مغنضيعش كاريير باش ندير دراري ونربي ونتمى مولات دار"

ضحك:" اياه الالة"

كريمة:" وي دايرة بين عينيا الكرسي "

كيان:" الى خلاه ليك عاصي"
كريمة:" غيخليه بزز ولا بالخاطر "

وقف السيرفور كيحط الطلبات و كيان طلب واحد العصير fruit de passion...

كيان:" شفتي فلوغا شنو وقع ليها "
كريمة دايرة راسها مفراسها والو:" لا شنو واقع ؟"

كيان:" كانت فواحد الكلوب وتعداو عليها رباعة... عندك تكوني كتمشي معاها"

كريمة كتحرك راسها بالنفي:" لالا انا خاويني من هادشي "

كيان:" كاينين كلوبات نقيين ولكن هذا صوفاج ومتعرفيش شنو يوقع فيه مول الكلوب مكيتعاونش مع صحاب اللعاقة..."

كريمة بفضول:" شكون مولاه؟"

كيان:" المهدي ولد ميلود الشعبي... "

كريمة ممتيقاش مسامعها وسعات عينيها و حلات فمها:" كيفاش مهدي الشعبي ؟ هذاك الموسخ من الشعبي!"

كيان مفاهم والو:" شكون الموسخ ؟"

كريمة:" لا والو ولكن يمكن غالط"
كيان:" لا، كنعرفو شرا من عندى طابلو "

كريمة:" وصفو ليا !"

كيان ضحك:" ياكما ناوية تزوجي بيه راك عارفا ماما متخليكش تدفنك ومتزوجكش ليه "