أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 4 : ✧ عَــاشِـقٌ بلاَ رحْمَــة ✧
شاف فالساعة اليدوية..
Graff Diamonds Hallucination
ساعة رجالية بتصميم خاص و نذرة لاصحاب الذوق فالجيب و الوفرة فالاورو يقدر ثمن الواحد بما يقارب 75.000 اورو
كان جالس ثقيل، مرزن و حكيم ولكن فحالا جالس على الشوك.. نطق بهمس:" طريق ساعة داير فيها نص نهار ؟"
الحيسن:" سمح ليا ا سيدي الشتاء قوية وخايف تزلق بينا طوموبيل"
كان داير الضغط على سائق باش يزيد فالسرعة مكرهش كون دار جنحين و طار طوالو السوايع و بردو الليالي فبعدو عليها مد يدو لجيبو و جبد واحد السنسلة محجرة كومنداها من التايلاند من حرايفي يدوي معروف خصيصا ليها كتقول الاساطير بلي مصنوعة من دموع تنين و فعلا شكل حجيرات الماس فحال دموع كيبريو بزاف حتى فالظلام...
هبط كتافو عراض ووقفتو همة خطوتو هبة و نظرتو خوف و رهبة الخدم كلهم مستفين باب الباب كيستقبلوه وعلى رأسهم جويرية لي من عينيها تقدر تقرا التوثر لي كان فيهم
هو كان كيقلب عليها وسط داك الوجوه مبانتش ليه عيا يمد عنقو ورا الخدم ووالو واش هادي جرأة ولا قلة احترام خاصها تكون اول ما تنظر عينو.. كان كيتخل مشهد اخر صورتها بين عينيه وهي فثوب راقي و شعرها كيشوف خصلاتو نازلة فوق عويناتها
تقدم دخل و علامات الغضب على محياه مخلطة بتعابير قلق و خوف حيت تقدر تكون مريضة عمرها فوتات استقبالو واخا تكون كتمو &ت كتكون اول واحد
يتحنا على يدو وغير شوفة فيها كتخليه ينسا تعب السفر شاف فاسية :" فيناهيا ؟"
اسية معرفات متقول حنات راسها وبزرية تدخلات جويرية :" حمامك را واجد "
طلع و بان لو دانينو غادي هربان باغي يتخبا خايف منو هو متسوقش واش خدام عندو ولا ضيف بن جلون باغي غير لي يوصلو ليها :" عيط عليها تجي عندي دابا "
دانينو قرب يدوب اما حتى لبولة را كيحس بيها هابطة حيت عارف بموضوع اختفاء فتون ولكن فظروف غامضة معارفش كيفاش.. ولا علاش فحالو فحال اسية :" اياه ا سيدي "
ومشا كيجري كيحك رجليه ببعضياتهم بالخوف :" لالة لااالة "
جويرية :" شنو كاين ؟"
كيعض فظفارو :" طلبهاا طلبها دابا "
جويرية بضجر شادة فراسها :" واش هادي بزولة واش مقدرش ينساها واحد ساعة؟ "
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
