أسقطتني سقيما في فتون عيناها

Ch.15

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

جويرية سهات شوية:" جيبيها ليا "

رزان مفهمتتش:" شنو غديري بيها مقملة، خانزة"

جويرية:" شفتك باغيا تعاشري معايااا"

حمرات فيها:" جيبي ليا الخدامة غنكون فبيتي "

وناضت سبقاتها، رزان كانت كتتسنا ردة فعل مختالفة زعما جويرية كانت غترلي الخدامة ولا تجري عليها بلاما تشوفها وغتهضر حتى مع ولدها باش يزيد فاحترامو لرزان..
رزان:" غتربيها هو لول عاد تجري عليها"

حركات راسها كتبتاسم:" ختي وقلبها عليا "

خرجات لقات فتون كتجمع وتمسح الغبرة من تماتيل لي فالقصر وقفات عليها كي عزرايل :" لالة جويرية باغياك سيري لجناحها"

فتون :" عافاك الالة ماسمحي ليا الى غلطت'

رزان:' هي لي غتربيك "

فتون مشات غتبكي خايفة من جويرية حيت عمرها وقفات قدامها ولا تعاملات معاها كتسمع غير على قسوتها وبلي مكتدخل الا فالامور الكبيرة دقات فباب الجناح الملكي اكبر جناح فالقصر و اوسعهم واحسنهم غير الباب كان كيدوخ اما الدخلة عنوان اخر ...من الفخامة والرقي
وقفات عند الباب حانية راسها فالارض :"لالة سمحيليا لاغلطت راني غير خديم منستاهلش حتى نلقاك ا لالة"

جويرية:" لسانك بعدا كيقطر العسل"

مدات ليها يديها فيها واحد السنسل ديال الجوهر:" اجي ركبي ليا هادي "

قربات فتون وخداتها منها وكتترعد وهي كتحطها فوق عنقها وكتشوف مركزة

جويرية ابتاسمات ليها من المرايا:" اية فالجمال"

زادت وترات فتون حتى طاح ليها السنسل :" سمح..."

كتترعد وتتفتف:" سمحي ليا الالة"

هبطات جابتو من الارض بزربة و بغات تعاود تركبو ليها ونسات ممسحاتو عاوتاني شداتو كتمسح فيه حتى حبساتها جويرية:" شنو بينك وبين سيدي عاصي ؟"

فتون تكوانسات:" هو سيدي وانا خديمو "

حركات جويرية راسها:" خديم عزيز عليه !"
وشافت فسنسل ،:" هادي ديالك "

فتون حركات راسها بلا :" حاشا متجيش معايا الالة"

جويرية:" معلموكش بلي الخديم مكيقولش لا ؟ "
فتون:" شكرا الالة"
جويرية:" من اليوم غتولي تخدميني "