أسقطتني سقيما في فتون عيناها

Ch. 57

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 4 : ✧ عَــاشِـقٌ بلاَ رحْمَــة ✧

خرجات من داك المجمع للغرفة المجاورة و سدات عليها وبعدات من باب مخافة شي واحد يكون كيسرق السمع للباب و صونات على ديك النمرة الوحيدة لي حافظة:" الو بابا "

مسرورة :" تقدر تجي تديني دابا، درت لي وصيتيني و حطيت الجهاز تحت المكتب"

بغضب :" فينك وشنوو كديري ؟"

كان منفاعل دابا:" فينما كنتي غترجعي دابا للقصر"

حركات راسها بلا:" بابا منقدرش نرجع انا.."

برقة:" كنتسناك تخرجني "

بعصبية:" يا غترجعييي للقصر يا غتمو& تي فزنقة بالجوع فحال الجروة"

فتون تغرغرو عويناتها مسولهاش حتى على حالها و على فين عايشة:" رجعي ا فتون !"

غوتات :" نت كذاب "

وقطعات عليه و انهامرات دموعها.. كتنخصص بصوت مسسموع:" حتى نت خليتيني !"

سمعات دقان و فتح الباب طل عليها:" فتون مالك ؟"

هي غير شافتو هزات وسادة كتخبي راسها، كتسترو حيت لباسها فاضح:" والو "

كتمسح دموعها.. وهو كيقرب ليها:" سمعتك كتقولي خليتيني شكون خلاك؟"

فتون :" والو مكاين والو"

جلس حداها و حط يديه فوق كتفها:" متبكيش لاخلاك انا مغنخليكش"

ابتاسمات:" شكرا بزاف غير نجمع راسي غنمشي"

فؤاد:" هاني غنتقلق منك معندك فين تمشي حنا عندنا تواسع فالفيرمة"

فتون بقلق:" نت عارف "

بهمس حدرات راسها:" القصر..."

داز اسبوع كامل كأنها اعوام وسنين على سيد القصر لي الشيب بدا فيه... و خسر وزنو هبط من 105 كيلو "مبايناش فيه مع طولتو غير كتافو هازين نص الوزن.." لـ 94 كيلو

وزادت عصبيتو وحدتو و جبروتو و ظلمو ماخلا مادار فيهم عمر الخدم ولا الحرس فهاد الاسبوع ماتهناو ولا شافوه ، حتى نعاس مكانتش تغمض عينيهم ، وهوا مكانش فحالة حسن مكانش كينعس ولا كياكل و هادشي باين تحت عينيه غامق و نظارة غادرات وجهو بشرتو جفات و شعرو خسر هندامو ممقادش ، مكيخلي حتى واحد يدخل لجناحو من نهار مشات خدات معاها كلشي فيه...