أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 3 : ✧ عِـشقٌ تحـتَ وطأةِ الإكـْـراه ✧
فتون كتبعدو من يديه :" واش نقدر.."
بتردد:" نسالي هادشي لي بيناتنا ؟"
ضغط برفق فوق صدرها :" بغيتي تسالي ؟"
مجاوباتش كانت خايفة خلاتو كتاسنا جوابو.. نطق وهو كيزيد فعن& ف شدة قبضتو :" خاص يتسالا ليك العمر معاها"
بلعات ريقها :" غير كنضحك معاك "
حطات يديها فوق يديه:" ونت درتيها بصح "
تملصات منو بشوية، وحتى هو فك منها فاش شاف خدامة دخلات نطق بنبرة حادة:" قهوتي !"
فتون مشات تجري لجهة القطارة:" هي لولا ا سيدي "
سبقها بهدوء للجناح و هي تبعاتو بالقهوة دخلات حطاتها ونطق بدون ميهز راسو فيها:" شعلي imprimante"
توجهات بدون تردد ولا حيرة ليها و ضغطات على زر التشغيل.. قرن حواجبو بشك :" كتعرفي تشعليها ؟"
ضحكات وهي غير فاطنة بالموقف:" باينة مكتوب عليها "
زعزعها بنبرة صوتو العميقة :" عرفتي تقرايها ؟"
حركات راسها بدهشة بلا و تعتلمات فالاول:" لا، غير علموني فالكوزينة فالماكن ديال القهوة و العجينة"
حطات صبعها فوقها:" مكتوب نفس الحاجة "
حرك راسو وهي كتحدق فيه بنص عين كتتاكد واحد نظرات الشك غادرو عينيه..
وجبدات منديل من حيب طابلية الخدم، بقات كتمسح فوق طابلة و الديكورات لي فيها كيهضر بالايطالية وهي مكتفهم والو غير كتخرج فعينيها سمعات صوت ديال اطراف صباعو فوق المكتب منين تلفتات دار لها اشارة بيدو وهو باقي وسط مكالمة كيقصدها تخرج وهي
كتتمشا ببطئ وكتسد الباب بشوية :"Non lo voglio"
هادي الجملة الوحيدة لي قدرات ترسخها فدماغها خارجة وكترددها مبغاتش تنساها.. بصوت خافث و نظرة سهو
• داخل مطبـخ القصـر •
كانت رزان واقفة عليهم، و هما واقفين صف واحد ورا الاخر على حسب الرتبة والوضع ديالهم داخل القصر، وهي كتضور عليهم وكتهضر:" غذا نهار مهم فين جلون.. غذا عارضين على عائلة وازنة و غيكونو نسابنا خاص كلشي يكون متول مخاص حتى حاجة تنقص ولا غننقص من عمركم"
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
