أسقطتني سقيما في فتون عيناها

Ch. 26

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

زكية شداتها الرعدة:" سكتي واش نتي هبيلة ؟"

كتشوف فجنابها :" شنو كتقولي ؟"

فتون:" كيقت&ل الطيور.. مساكن كيتم وحدين صغار "

بحزن:" وكون غير باش ياكل ولا يقتات هو كيقت&لهم باش ينشط وكيخليهم فالارض فحال زبل "

زكية كتسكتها بيديها :" سكتي شنو بغيتيه مهم يفوتك نتي "

فتون شافت فيها بنظرة بائسة:" معندكش القلب أ زكية "

زكية كتشوف فيها بشفقة:" باقي صغيرة معارفاش الوحوش لي عايشين فهاد القصر مكيحنو مكيرحمو"

فتون:" الله يستر "

كتلعب برجيلاتها فوق واحد حشيش الربيع الخفيف و القصير كيهرها وكتضحك باعلى صوت..

هي البريئة، النقية.. عالمها وردي و ودي، مسالم مكتفكرش بطريقة حقودة او انتقامية.. معندهاش افكار مظلمة يغلطو فيها وتنسا من بعد ساعة.. مكتعرفش تحقد ولا تهز فقلبها.. افكارها ومشاعرها مزال متطوروش حيت مزال معاشت والو طول حياتها تواصلها كان مع ناس معدودين تحركات من الطفولة و من التعلم والدراسة لي كانو شغفها وحلمها.. وطموحها

شافتها من بعيد كتعيط:" فتون، اجي "

جمعات شعرها و دارت البوني فوق راسها ومشات كتحري عند اسية :" نعام اخالتي"

اسية شداتها من وذنيها:" شنو درتي عاوتاني الموصيبة ؟"

فتون كتبعد حيت حرقانها فوذنيها:" اييي "

مغمضة عوينة وحالة وحدة:" قصحتيني اخالتي والله مدرت شي حاجة سالييت شغالي"

اسية بتعجب :" وشنو بغاتك لالة جويرية "
بشك:" ياكما هرستي ولا قستي شي حاجة فجناحها"

فتون:" لا بالعمااا "

اسية:" دوزي قدامي "
كتسوس لبها فحوايجها:" سيري شوفي شنو بغاتك وتقلي شوية باراكة من المشاكيل "

و دخلات معاها وصلاتها حتى لجناح جويرية ومن فصولها وقلقها على فتون بغات تدخل معاها ولكن جويرية حبساتها بصوتها:" سدي من وراك الباب "

دخلات فتون بوحدها وسدات الباب بشوية و بلعات ريقها وقربتت جنة جويرية منزلة راسها و مهذبة طالقة وذيناتها:" سمحي ليا الالة الى غلطت "