أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 1 : ✧ أنقاضُ الهَوىٰ ✧
بقات مشوكية ومصدومة... مقادراش تتحرك معارفاش واش تعيط على شي واحد خايبة تحركو وتقلق راحتو.. خايفة من اي حركة تقدر ديرها وترجع عليها السوء..
كتستنشق ريحتو نفس ريحة الراجل لي قبلها ورا دار الخديم ريحة الكارو خانزة مخلطه مع الشراب الاحمر و منكهة بعطرو الرجولي
كان ثقيل عليها بزاف كتحس بظهرها غيتقسم عليها هي لي بحجم رجل وحدة منو رشيقة و قصيرة كتبان قطعة صغيرة مقارنة مع ضخامة قامتو.. حطاتو على كرسي لي وراها وتكاتو فوق سطح العمل فين كيخدمو الاطباق الهاصة بالاسياد
ومدات يديها يجيبو بتردد وهي خايفة منو.. كانت كتشوف عيونو مفتوحة ولكن كأنه غايب مكيتحركش ولكن صوت انفاسو مجهدة وكتسمع صوت احتكاك اسنانو فحالا جالي فألاسكا قاست يديه بالغلط حيت باغيا تقادو فالوضعية كانو بباردين قريب يتجمدو تصدمات ومن صدمتها شهقات حاطة يديها فوق فمها.. ولون فمو تغير رجع رزق وناشف بانو تشققات فحالا مشربش الماء لايام... ولون بشرتو شاحب
حطات يديها فوق سروال كان وسطو بريكة و طرف مغلف من فضولها هزاتو كتشوف فيه :"سلُّو !"
بإستغراب:" شنو كيدير سلو فجيبو ؟"
كان شكل محتوى الغلاف لي شفاف مادة لينة ومعلكة كتشبه فاللون والشكل لسلو ولكن فاش قرباتها لنيفها معجباتهاش الريحة، عاودات دخلات يديها وهي كتشوف الرعشة لي جاتو... خرجات واحد العلبة بيضاء وفيها كتابة بنفسجية " أولانزابين (Zyprexa)" حلاتها حيت شبهات ليها فعلبة دواء وكان لداخد بلاكيطات فيها حبات صغيرة جبدات وحدة بسرعة كبيرة و فيد الثانية كأس بالتلفة عمراتو من روبيني ومعروف حسب البروتوكول العائلة كيشربو غير الماء المعدني... خشات الحبة بين فمو وحطات الكاس فوق منهم كيتجرع الماء رشفة برشفة ببطء...
واستمرت فالتحديق به وهي فحيرة من امرها واش تعيط عليهم ولااااالا.. ترددات وهي كتسبق خطوة وتنقصها فنفس الوقت ولكن كانت كتشوف حالتو مكتتحسنش وانما فتراجع وقررات تعلم رزان حتى حسات براسها مبلوكية فاش لوا يديه على كوعهاوجررها بشوية من الجرة حسات بمرضو حيت كانت خفيفة و ثقيلة ونطق بصوت غير مسموع اضطرات تقرب ليه باش تسمعو:" لا "
فهمات من كلمة "لا" مباغيها تعلم حتى واحد بقات واقفة على راسو ورجعات قاست يديه باقي باردة مثلجة سولاتو بتردد :" سيدي تسمح ليا !"
و قربات جمعات يديه وسط يديها وكانو يديه كبار على يدياتها لي صغارين ومدفكين من يديها وثقال عليها قربات وجهها مزيرة على يديه ضاماهم وجامعاهم ما امكن دايرة كاع جهدها و كتسوط بفمها جامعاه على شكل "O" وكتخرج صوت "F" كتسوط بشوية وهي قريبة منو شعيرات من تحت البوني لي كتلبس فالكوزينة كيلامسو بشرة وجهو.. كتنفخ فيديه باش تدفيهم ومركزة عينيها فيديه مكتهزش فيه الشوفة
يديه كيدفاو شوية بشوية كتحس بحرارة فيهم.. كانت درجة حرارة عادية و عينيه تغمضو وهو مكيتحركش كتحاول ترصد حركات صدرو كيتنفس ولكن مشافت والو.. تخلعات
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
