أسقطتني سقيما في فتون عيناها

Ch. 46

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 3 : ✧ عِـشقٌ تحـتَ وطأةِ الإكـْـراه  ✧

فتون كانت خايفة، اجتاحوها مشاعر غريبة من الخوف والقلق بغات تنساحب بشوية.. حتى وقفها دراعو لي حبسات عليها الممر:" دخلي تركني !"

و شاف فاسية لي كانت غدوب بالخلعة بلاصتها و لسانها تسرط :" اخر مرة يدق عليا شي واحد هاد الوقت "

و سد ليها الباب وسط وجهها.. فتون بهمس:" سيدي، سمحليا باقي عندي مندير فالكوزينة"

وتحنات هزات الشيفون بزربة جرو منها بقوة:" مرات بن جلون مكتخدمش "

شافت فيه :" ولكن انا موافقتش على زواج"

غطس صباعو وسط خصلات شعرها:" علاش انا كنتشاور معاك ؟"

و قرب باسها من فمها بقوة حسات بيه لصقها وكهربها بهاديك البوسة لدرجة مقدراتش تقاوم ولا تبعد و جلسها فوق السرير وهبط لمستواها محني على ركابيه كيحيد ليها الصباط لي لابسة محرشف بزاف من كثرة الشقاء والجراء كاع محرود و ملبسينها فوق منو واحد تقاشر عراض باش متوسخش القصر.. كيلبسوه جميع الخدم داخل القصر خلاهم فالارض و خدا رجيلاتها بين يديه كانو صغار و مقشرين من القدام بكثرة الوقفة و هز راسو فيها.. كانو فوضعية معكوسة هي لي كتشوف من الفوق وهو لي كيشوف من تحت جا فبالها صورتهم اعوام هادي.. نهار طاحت ليها العملة تحت صباطو وتحنات وشافت فيه نفس النظرة

كتشوف فيه نظرة القوة، التمرد و الخشونة واحد رجولة ملموسة حتى فعيونو الحادة

فتون جمعات رجيلاتها مسرعة مبعدة منو..:" سيدي انا ماشي من مقامك "

كتوريه حالتها:" انا غير خديم، وضيع موسخ و دليل مقاري ممعلم.."

سكتات منين طلعات معاها تبوريشة ديال ملمس خشونة يديه طالعة من تحت الصايا على فخيضاتها مع ملابساش سروال مصيفة حيت الصهد:" شششت..."

و ناض تدريجيا جاي فوق منها هو كيقرب وهي كترجع للور حتى تكاها فوق السرير وهو فوق منها نطقو كان ثقيل ومسكر:" عقلي مداتو لا متعلمة ولا قاريا"

كانو عينيه على شنايفها، شافت تفاحة ادم تنزلق ببطء:" عقلي ديتيه نتي"

وتحنى على شنايفها كيقبل فيهم بشراهة...

كانت شاطرة.. مجبدة وقافزة كتقول لطير جلس انا ندير جناح ونطير بلاصتك.. حتى من النملة كتعرفها منين كتبيض ولكن كتومة و حشومية.. ومعندهاش دراية بالجانب الجنسي معمرها عاشرات رجل ولا تعرفات على رجل تزادت.. وكبرات باش تكون الوذن واليد ديالو وسط القصر منين تعلمات النطق ومن وراء كلماتها الاولى