أسقطتني سقيما في فتون عيناها

Ch. 34

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

نهايـة الفصل 2 : ✧ اغْدَقَتْنِـي صَبْــوَةً ✧

بعدما كان عاقد حجبانو فكهم و رجع وجهو بارد من جديد بدون تعابير او ظهور اي عاطفة، صعيب تتنبأ بافكارو ولا ردود افعالو..

فتون قربات ليا شوية فيديها الكاس بقا من الشاي غير شوية حيت من صباح وهي تترعد ويتكفح وهي حانية

راسها :"جبت ليك معايا اتاي باش ترتاح من السفر "

خدا من يديها الكاس كيشوف فيه.. :" باغيا تشربيني شي سم ؟"

فتون لقات راسها فورطة كبر :" لا لا "

هز الكاس مزال كيشوف فيه و كيشوف كيفاش كتترعد من خوف كتثير الشكوك عليها.. اعطاها الكاس :" شربيه "

شداتو من بين يديه و شرباتو كامل قدامو.. وهو مراقب وجهها كيفاش كيتغبن حيت الشاي كان بلا سكر مر.. بمذاق اعشاب وهي كتكره الاعشاب بأنواعها.. و حط مؤخرة ذقنها بين زوج صباع سباب والابهام مطلع راسها، ونطق بصوت جدي و خشونة :" شنو كنتي كتقولي ؟"

فتون توترات:"و... ووو والو "

و جات تتلفت باغيا تهرب منو حتى، حسات براسها كتطير فالسماء و معدتها مضغوطة بدراعو عنقها من اللور محاوط خصرها بدراعو العريض وسميك و مزيرها شعرها مشا وجا تحرك بطريقة فاتنة و هي لصقات معاه.. نطق وهو خاشي نيفو فشعرها، بصوت هادء و عميق :" كتلعبي مع قدك؟"

كان الكلام بصيغة سؤال، حيت صباح مبغاتوش دابا بغاتو حبيبها.. شوية هربانة منو كان جامعها فيه، خاشيها فيه ومزيرها هي خرجات عويناتها بدهشة و هي كتستشعر بمتعة فهاد العناق وهادشي مموالفش ليها تحس بهاد المشاعر اتجاه عاصي.. ارخات راسها بين دراعو وهو حس بهادشي فاش نزل عليه ثقل جسدها لي فحال ريشة رقيقة وخفيفة.. وفاش حسات بنفسو فوق عنقها متكمشاتش فراسها كيف ديما.. هاد مرة سرحات وميلات عنقها لجنة الاخرة فحالا كتعطيه الموافقة يقيسها.. كانت ذاتها كتشعب الحرارة و جاها صهد باغيا تقطع عليها الحوايج لي لابسة ممنعاتوش يقيسها حتى هو كان متفاجئ باستسلامها بين يديه.. ولكن عجبو الحال فنفس الوقت

وهما فنفس الوضعية حنا راسو عندها كثر وكلع دراعو لوجهها قالبو جهتو وحط فمو فوق شفايفها وقبل ميتحرك كانت هي لي ضاغطة بشنايفها فوق دياولو باغيا تتجاوب ولكن معارفاش معندهاش خبرة..

زاد زير عليها غرس يديو فشعرها مستمر فتقبيلها.. وهي باغياه مسايراه مكتمنعوش.. كتحس برجولتو من الخلال العناق لي داير ليها حار شوية غيوليو واحد بهاد القرب همس ليها فوسط وذنيها بصوت زاد من حرارة جسمها:" شنو كديري ؟"