أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 1 : ✧ أنقاضُ الهَوىٰ ✧
خلاها تحنات فالارض كتمسح فالارض وكتجمع فالزاج وتعاير فيه فلداخل ديالها...
وكتجمع السناسل من الارض وكترة الخواتم.. عالم غريب كانت وسط منو مفهمات والو ولكن باغيا غير تكمل دغيا وتخرج من هاد الغرفة فاسرع وقت ممكن..
وقبل ميسالي الدوش ديالو خرجات مبغاتش تشوفو مرة اخرى كملات الدورة على الغرف كاملة سالات مهدودة كملات ساعات خدمتها و مشات كتجري باش تدخل لدار الخديم لقات اسية واقفة عند الباب كتطل عليها كتتسنا تشوف خيالها غير شافتها زاحت الهم مع يديها من فوق صدرها عنقاتها وفتون طاح عليها الضيم وانهارت بالبكاء...
أسية:" صافي، متتحاكيش معاها كلشي غيدوز... غنخرجك من هنا"
دخلاتها وكانت موجدة فوق الطبلة باش تداويها ولكن شافت فيها البيداتين:" شكون دار لك هادشي ؟"
فتون بحماس وفرح بدات كتعاود ليها كلشي:" ضريف بزاف كي..."
حطات يديها فوق فمها بعجالة مدركة لحروفها:" سيدي كيان"
اسية ضغطات بالقطن فوق جرحها:" اخر مرة غدخلي لهاداك الجناح، انا لي غنتكلف بيه..."
فتون غوتات وشدات فيديها مقصحة:" قصحتيني... خودي جناح هاداك معرفناه بنادم ولا معلقة كلو نحاس"
كتقصد السناسل لي كيعلق بزاف..
اسية بغضب:" اخر مرة غتدخلي لجناح سي كيان انا لي غنتكلف بيه... نفضل يدلك على يرطاب ليك"
شافت فيها بنظرة جدية ونبرة جافة:" فتون متيقي فحتى واحد.. غيضحكو عليك "
فتون خافت من نظرتها ماشي ديما كتكون هاكا:" صافي غنسمع كلامك اخالتي لي بغيتي غنديرو"
عاد تهدنات ودوزات يديها فوق راسها:" متيقي فحتى واحد كلهم طين غيوسخوك "
فتون كتخاف من كلامها:" صافي ا خالتي بغيت ننعس نرتاح"
جبدات ليها من شونها طرف خبز فيه المرقة:" كولي بعدا "
فرحات فتون:" يصحابليا غنبات بجوع حيت مساليتش مع العشا"
أسية:" وعرفتيني غنخليك بلا عشا ؟"
باستها فتون:" خالتي لهلا يخطيك عليا"
كلات بجهالة كتسرط بلاما تمضغ. اسية كضحك عليها:" بشوية عليك الجاهلة، دابا توحل ليك"
كلات و نعسات ولكن هاد اىليلة نعسات فسرير اسية معانقة معاها الليل كلو... كتستمد منها الحنان و السخونية
ومع 5 الصباح كانت وسط القصر كتنظف الصالة... ومع 8 بداو كيوجدو الطبلة اول واحد كان فطبلة قبل الجميع كان "سليم" حيت كياكل قبل منهم باش ميعيفهمش وسط الطبلة... كانت فتون كتتسنا ماكلتو توجد باش تاخدها ليه للمائدة
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
