أسقطتني سقيما في فتون عيناها

Ch. 18

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

خرجات من الجناح حتى زلزلها صوت رزان من وراها:" اش هاد تعطييلة كاملة ساعة ونتي لداخل ؟"

فتون كتمتم حيت مكتعرفش تكذب:" م... ك...سيدي كان باغيني "

رزان كتقرب ليها وتشوف بشك:" فاش محتاجك ؟ "

فتون:" تهرسو شي قراعي كنت كنجمعهم من حدا رجلو الالة"

وقف عليهم كيان كيبتاسم:" حتى انا محتاجك"

رزان تكرزات وحمارت بغضب:" فاش غتحتاجها "

هز عينو باردة فرزان:" ماشي سوقك !"

فتون حدرات راسها تابعة كيان غير حتى غبرات من قدام رزان وهو باغي يفتح الباب ديال جناح
فتون:" سمح ليا ا سيدي خاصني نقضي شغال سيدي شريف"

كيان:" وعلاش ماشي نتي لي جيتي تجمعي جناحي هاد اليوماين ؟"

فتون كتتهرب من الجواب:" غير كبيرتي كتعاوني حيت باقي الخدمة جديدة عليا وكنغلط"

كيان:" مكتغلطيش فجناح لالة جويرية كتغلطي غير فيا !"

فتون توترات:" نت ا سيدي فنان غيكون ذوقك صعيب"

كيان:" كتعرفيني ؟"

فتون ضورات راسها كتبتاسم:" رسمات ديالك فكاع القصر.. سبحان لي وهبك هادشي"

كيان:" على هاد لحساب غنهديك وحدة !"

فتون:" لالا حاشاا واش نستاهلها اسيدي ما انا من مقامها ولا حالتي فمقامها "

كيان:" سيري قضي شغالك مع سيدك"

تراجعات لور كملات طريقها للمطبخ التحت... و رزان باقي واقفة مراقباها من بعيد كتتحرك... جابت الشوربة بالخضر و الدجاج مطحون و العصير دخلاتهم للجناح وخرجات..

المسـاء ، تتعانق النجوم مع الغسق وتنساب نسائم الليل برقة عبر الأفق، بينما يهمس السكون بأسرارٍ دفينة بين طيات الظلام...

العائـلة مجموعة على جويرية :" شفتي ا سي الطاهر شريف لي بغيتيه يحكم !!"

كتشير لحالة وجهو:" شوف حالتو كي مززوقة من الماطر للدبااز "

كتغوت:" مكيسااليش من الفضايح والمشاكيل دابا واش هذا وجه يتلاقا مع الاعلام ؟"

كريمة كانت معصبة:" شنو كيعرف عااصي على الشركة ؟ شنوو جاب مجالو للشركة..."

جويرية:" نتي لي شنو عرفك فالشركة؟ بلاصتك مع ولادك.. كتنساي راسك وباغيا تحطي راسك من راس الرجال ولانسيتي نفكرك بلي عاصي كان المحامي الاول فايطاليا "

الطاهر:" معمرو بغا المحاماة نتي لي خشيتيه فيها صحة"

جويرية:" حيت انا لي عارفة مصلحتو ومصلحة الشركة"

وشافت فيهم كلهم:" وهو لي كيفهم وغيعرف يحكم"

الطاهر:" هو حتى دابا مكاينش !"
جويرية:" غيفهم مسؤوليتو كيفما غتفهمو بلي المنصب ديالو"

شريف:" انا متافق "

كريمة شافت فيه غطيرو :" علاش متافق "

شريف:" نتي تاخدي الشركة ولا عاصي مهم ماشي انا "

امير:" انا مزال كنقرا "

كيان:" انا مع ماما فاي حاجة عينها حكيمة"

كريمة كتشوف فيه بعين ثاقبة ورجعات شافت فمها:" ولا دار لينا شي فضيحة جديدة !!"

كتضغط على حروفها:" شي فضيحة متخليهش يقدر يبان قدام الاعلام "

جويرية:" نتي عارفة هذا عاصي ماشي شريف لي كيدير الفضايح"

ابتاسمات كريمة:" واخا ا ماما "

كلشي تفرق لجناحو الا هي كانت كتتسناه جالسة.. بوقار واحترام شعيراتها كيلمعو فالابيض... اثر الزمن و العقود بان عليها:" عاصي "

كان داخل شاف جهتها:" كتسنايني ؟"

جويرية:" ولدي خاصنا نهضرو "

عاصي:" معندنا فاش نهضرو هاديك الشركة نهار ندخل ليها غنشعل فيها العاافية..."

شاف فيها بنظرة جاحضة:" عيطي ليا عاصي"

جويرية بنظرة لينة:" اه عاصي ولدي "

زاد وخلاها كتستفزو غير كتنطق كيحس بالضغط كيطلع صوتها كيخنقو اما وجودها كيقت&لو شوية بشوية فحال شمعة كذوب تدريجيا..

• فالجردة... •

جالسة ومقابل معاها كيان :" فاش كتفكري "

كريمة شافت فيه:" كنت قلت لك غنحيد كل واحد غيوقف فطريقتي "

كيان:" اه "

كريمة:" عاصي غيساالي زمانو "

كيان كيضحك:" ياكما غتق&تليه !!"
كريمة ابتاسمات ليه بجدية:" لا، غنخليه يتمنى يمو&ت"