أسقطتني سقيما في فتون عيناها

Ch. 11

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

واقفة من بعيد كتراقبها من ورا الزاج ديال قاعة الاجتماعات.. كانت قاعة كبيرة بيضاء مافيها حتى نقش او زخرفة او طابلو معلق وطاولة كبيرة وعريضة فيها كتر من 20 مقعد ولفوق بروجيكتور و شاشة كبيرة قدامهم وعملاقة..

كريمة كتتحرق بمرونة و كتعبر بيديها و ملامح وجهها جدية وشي مرات تتعصب وتغوت.. وكتهز ماركور وتكتب فالسبورة لي قدامهم وكتشرح من نيتها

وقف جنبها الطاهر:" تبارك الله عليها "

جويرية:" خاصها تتزوج ولا غتبقا فوق راسنا، 29 عام باراكة"
شافت فيه:" كتعرف شي عائلة للزواج ؟"

الطاهر:" مزال ما اقتارح حتى واحد زواج"

جويرية:" نقتارحوه حنا !"

الطاهر:" انا نشوف ولاد الصفريوي "

جويرية:" خاصها تحيد من الطريق، مغتبقاش مقابلة الشركة طول عمرها"

الطاهر:" مزال كنتسنا تفسير، علاش عاصي لي غيورت وماشي كيان ياك هو الكبير "

جويرية ببرود:" ضروري نفسر ليك ؟ "

سبقاتو لمكتبها وهو تابعها:" اه خاصني نفهم شنو كتشوفي فعاصي مكاينش فكيان"

جويرية جلسات كتلعب فكرسيها وتتحرك:" عاصي كيواجه المشاكل مكيهربش منهم... واش عمر عاصي هرب من مشاكل ؟ لا..."

تنهدات:" من وعمرو سبع سنين معمرو تهرب من غلط دارو على عكس كيان و شريف"
بغا يهضر مخلاتوش رفعات صوتها باش يسكت:" كيان كلمة زوج كيقطع طيارة لسويسرا ولا كندا وكيغبر عام.. واش هذا لي غياخد المسؤولية ديال بن جلون ؟"

ضحكات بيخرية؛" ولا شريف لي تصاورو كاينين فكاع الجرائد.. يسكر ميعقل مكيدخل حتى للفجر وميفيق حتى العصر !!"

الطاهر:" ولكن كيان.."

جويرية:" كااين عاصي وعوض متوقف ضدي خاصك تقنعو "

الطاهر باستهزاء:" على اساس كيسمع لياا "
جويرية:" نت باه ضروري تلقا طريقة تقنعو، خاصك تلقا معايا حل"

الطاهر:" كيبان ليا كنضيعو الوقت عاصي راسو قاصح ونهار كيقول لا حتى حاجة متقدر تقنعو"
جويرية:" لا كان كارم غنرطبوه "
غمزاتو:" غير بالمهل كيتكال بودنجال"

تحت سماء لي مزخرفة بالوان الشفق... كان يعدو بقوة بين الشجر و بنيتو الجسدية قوية عضلات دراعو "الليبرا" مرسومة تحت الجيلي لي لابس.. خطواتو ثقيلة على الارض المكسوة بوراق الشجر والافكار كتلاحقو فحال الظل واشعة القمر كتنعاكس على عنقو تفاحة ادم ظاهرة والعرق نازل معاها.. وقف كيمسح العرق بالقبية ديالو..

• داخل القصر •

أسية فوضع لا يحسد عليه:" ولكن ا لاله فتون حطيتها فالكوري"

رزان كتغوت:" ومعامن تشاورتي ؟؟"
أسية:" لالة"
حادرة راسها ولكن مرزنة ومتبتة:"ارت مشكل كبير وغلكات فسيدي "
رزان:" انا لي كنقول شنو يدار وشنو لا ماشيي نتي ! ودابا غتمشي تجيبيها هاديك البرهوشة من اليوم غتخدم فالقصر "

أسية:" ولكن راه هي صغيرة !"

رزان:" غتوريني شنو عندير ؟"
أسية:" لا حاشا الالة رزان "

رزان بغات تجيب فتون تحت جناحها، حيت فالكوزينة مكتشوفهاش بغات تدخلها للقصر باش تجفف بيها الارض وتكون بين عينيها تقدر تدلها وتتحكم فيها وغتكون قريبة ليها اما فاش كانت فكوزينة كانت تحت رئاسة أسية...

أسية:" واخا الالة ميكون غير لي لبغيتي"

خرجات كتندب معارفة شنو دير:" الله ياربي فتون ماشي ديال القصر خفيفة... غدير شي مصيبة وهاد رزان مغتخليهاش فحالها"

خرجات كتقلب على فتون عارفاها فين كتكون ديما من وراء متسالي دوامها كتهرب للغابة لي ورا دار الخديم تما كتلقا ذاتها وكتعيش بحرية مع الطبيعة تما كتعيش مع الطيور و الشجر كتتعلق فشجيرات وتقيس فلوريدات وتغني وتشطح و تسرد افكارها للارض كترويها بقصصها ونكتها وضحكاتها لي من القلب...

شافها من بعيد كتهضر مع الوريدات فحال شي حمقة،
فتون:" هاد العميين واش مكيشوفوش شحال نتي زوينة؟ كيخليوك هنا مرمية وكيمشيو يشريو ولد من برا"
كتقصد البوكيات ديال الورد لي كيوصلوهم كل نهار..

فتون:" انا بعدا كتعجبوني "

شافت فواحد لوردة:" ونتي ا ماري واش كنعجبك !"

تنهدات:" شفتي اليوم مشاو يجريو عليا "
حطات يديها فوق راسها:" ماشي غير قلبو لي قاصح حتى ذوقو قاصح... كيفاش كيشرب قهوة بلا سكر الحماق هو هذا"

شافت فجنابها:" الله يستر كيشبه لشي مصاص دماء"

عنقات راسها مبورشة ملي سمعات نبرة صوتو وراها:" لي غيمص دمك دابا !"

ففتون وقفات بزربة كتسوس فكسوتها وكترمي الورد لي كانت معلق فوق اذنيها قرب ليها بشوية :" كنتي غتق&تليني اليوم؟"