أسقطتني سقيما في فتون عيناها

Ch. 21

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

كانت خايفة حتى من النطق.. كتختار الاجابة بعناية:" ل...لا اسيدي"

عاصي قرب ليها حط يديه فوق المرايا لي واراها ولات محاصرة بين المرايا وبين بنيتو الجسدية الصلبة طويل عليها داير ليها ظل بجسمو:" شوفي فيا !"

متحركاتش ومع هو كيشوف فيها من الفوق غير راسها لي محني وهي لابسة البوني فوق راسها شاف فمرايا لمح... شي خيال من تحت الشرويط لي رابطة فوق عنقها قرب يديه وهي تقفز كتلصق فالحيط قربات تختارقو وكتترعد:" متقيسنيش"

برجفة:" عافاك "

غمض عينيه بشرارة كتزيد تشعل فتيلة الغضب:" باغيا تجهليني ؟"

قرب ليها يديه غمضات عويناتها وضورات راسها لجهة لاخرة هو يجر الشرويط لي فوق عنقها حتى تفضح لحمها كلو مزوق بالزروقية اثر الشغف والشهوة..
هز حاجب و هبط الثاني وشاد رقبتها بين يديه بعصبية و غضب:" مالك مطبعة بحال الهيضورة ؟"

خرجات عينيها مصدومة.. :" نن.. ن... ناموس اسيدي كيقرص "

عاصي :" هاد ناموس شرب د&م !"

كتحاول تبعد منو وغير شافت السانسور تفتح فالمرآب خرجات كتجري هربانة منو.. حط رجليه باغي يتبعها قبل ميسمع تيليفون كيصوني :" عاصي كلشي كيتسناك"

نطق بملل كيدوز صبعو فوق شواربو:" نهار غندخل لشركة غنشعل فيها العافية "

جويرية:" الله يرضي عليك، الصحافة وناس كلشي كيتسناك"

قطع لابيل ديالها فاش شاف مكالمة ثانية :" المايسترو "

عاصي نطق بالايطالية حيت تكلم المخاطب بالايطالية:" شكون معايا ؟"

- " معاك ماثيو من فيراتشي للازياء بخصوص القضية"

عاصي:" كاين شي جديد ؟"

ماثيو: " الجلسة الثانية بعد شهرين وجدت الفريق كيفما طلبتي "
عاصي:" والفاكتورات ؟"

ماثيو:" كلشي كاين "
وسولو بقلق:" ياك القضية مربوحة !"

وقفز قبل ميجاوبو عاصي:" صراحة حنا ثايقين فيك وعارفينك غتخرج رابح معمرك خسىرتي شي افير.. نت هو المايسترو ديال القانون.. شكرا حيت خديتي القضية مباشرة من ورا مرجعتي "