أسقطتني سقيما في فتون عيناها

Ch. 13

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 1 : ✧ أنقاضُ الهَوىٰ ✧

سمع الحس وفحال شي نسر سمع خطوات فوق اوراق الشجر المتساقطة.. مجاتش فين ضور جهتو ملقاتوش مدارش الحس مسمعاتش خطوات ركض او مشي حتى كتسمع صوت أسية :" فتوون.. فتون !"

تلفتات وهي خايفة تغوت فحضرتو تلفتات هو لول مبانش ليها عاد نطقات وبشوية:" نعام "

أسية:" شكون كان معاك ؟"

كتشوف المكان بعينيها:" شفت شي خيال "
شداتها:" هضري شكون ؟"

فتون :" لا حتى واحد"

أسية:" فتوون هااوذنيي منك"

كتقصح معاها الهضرة:" هاوذتي منك تغلطي مع شي جاردينيي ولا خدام هنااا راه حياتك ضاعت.. غيفني عمرو هناا هادو معندهم لا عائلات لا ولاد واش عقلتي على باك؟"

حركات راسها بلاا:" كان كيجي غير فالعيد الكبير "

أسية:" العيد الكبير وراه رحموه... فدار بن جلون كتربح الفلوس ولكن كتدفع الثمن ولادك كيعيشو قيااد براا ولكن كيتحرمو منك"
فتون:" خالتي ونتي واش عندك ولاد ؟"

أسية:" وعلاه نتي ماشي بنتي !"

عنقاتها فتون:" اه باغيا نكون بنتك.. اصلا نتي فحال ماما كتغسلي ليا و توكليني "

أسية بادلاتها العناق فالخلاء:" باراكة من البهتان و متعنقينيش قدام شي واحد ومنسمعش هاد خالتي قدامهم"

فتون هبطات القنينفة:" وعلاش ؟"

أسية:" غيفرقونا، غيقولو كنتهاونو فالخدمة خاصك تكوني خشبة.."
تنهدات:" غتخدمي فالقصر من اليوم"

فتون بصدمة:" ياك قلتي غتسيفطيني للكوري ا خالتي "

أسية:" ماشي بيدي ا بنتي، لالة رزان لي بغات لداخل"

فتون:" وعلاش ياك مكيخدموش لي قل من 40 عام..؟؟"

أسية شافت فيها شوفة غريبة:" نتي قلبتي موازين القصر"

فتون كضحك:" مالي زلزال "

أسية :" معرفتش علاش حاسة.."
حطات يديها فوق صدرها:" قلبي معصور عليا، كنحس بالخنقة وشي خاجة ثقيلة"

فتون بقلق شدات فيها:" خالتي خلعتيني عليك.. خاصك تشوفي طبيب"

فتون عندها خوف كبيير من يوم وفا&ة يطو كتخاف على احبائها من المرض و المو&ت...
أسية ابتاسمات:" لا الهبيلة غير خاطري مكيضرني والو"

فتون:" عافاك شوفي طبيب "

كدمع:" عافاك انا نخلص!"

أسية:" لا، فلوسك خبيهم غنشري ليك دهاز اميرة والكسوة لي كنتي تحلمي بيها"