أسقطتني سقيما في فتون عيناها

Ch. 30

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

فتون دازت لطواليت الاسياد لي كاينة فالهول.. على اساس غتنظفها ولكن هي غرضها فالمرايا غسلات يديها و بللات واحد زغيبات مشنتفين من شعرها و حلات صدايف القميجة تماما كيفما علماتها مونيا.. و تا شعرها حاولات تنفخو كان صعيب عليها حيت شعرها حريري.. و بللات شنايفها بريقها باش يلمعو و غمضات عويناتها بجهد وهي كتقرص حناكها بقوة حتى شداتها البكية و نيفها حتى هو قرصاتو باش يتورد وهي تخرج من طواليت كتجري هابطة فدرج لي كيمشي للمرآب.. تم فين كاينة مساحة غير لسيارات امير كانت كتقلب عليه..

سمع حس صباطها البالي كيتحك مع الارض تلفت شافها.. شعرها مطلوق بجنب و صديفات محلولين وكيبان شزية من كتافها و عنقها بيض كيلمع..

ابتسم ووقف:" جيتي تشوفيني ؟"

فتون حركات راسها باه و هي كتعوج شنايفها:" خليت ليك حتى رسالة مشفتيهاش "

امير :" رسالة !"
كيستعقل :" امتى مشفت والو"

هي كتقصظ الرسالة لي فيها "كنبغيك" لي خلات فبيتو ولكن وصلات للشخص الغلط :" انا خدامة هنا"

امير :" قلتيها ليا مرة فاتت ، وسكيتك فتون ياك ؟ كنسمع خالتي رزان كتعيط ليك"

فتون برقة ونعومة :" اه فتون، ونت امير "

امير :" اه "

فتون كتلعب بصبيعاتها قدامها وكتنطق بنفس نبرة الصوت لي علماتها بغنج مبالغ فيه وحتى حركات رجليها وعنقها كتجر للاثاررة والرغبة:" صراحة بغيت نقولك شي حاجة"

امير كيتبع حركاتها:" حتى انا عندي منقول ليك"

فتون بحجل :" بدا نت لول "

امير :" كنت باغي ناخد نمرة ديالك "

فتون :" معنديش تيليفون "

امير :" وايلي ماشي مشكل شنو باغيا تقولي نتي ؟"

فتون مترددة و كتعض فشنايفها بطريقة مغرية ولكن من دون قصد وترددات وهي كتعافر باش تنطق وتخرج حروفها:" انا كنبغيك "

امير ابتسم:" بصح حتى انا كتعجبيني "

قربات ليه بلا استأذان وحطات يديها فوق صدرو و تعلات شوية على قرون صبيعاتها فحالا غتبوسو قريبة ليه غرف فعويناتها:" واش بصح"