أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
الفصل 4 : ✧ عَــاشِـقٌ بلاَ رحْمَــة ✧
ـوسط ارض الرحيمي..ـ
رمى عليها واحد الورقة مزدوجة ولكن فارغة:" هادشي باش باغيا تنجحي ؟"
بصوت عالي شوية:" مضيعة ليا المداد !"
نسرين :" ونت مالك شنو معصبك ؟ مفهمتش انا مباغياش ننجح.."
زين :" متحمقينيش مباغياش تقرااي جلسي تركني "
نسرين هزات كتافها:" عاجبني الحال ندي ونجيب الطريق للافاك ولا غتحبسوني هناا "
زين :" وتجلسي فلبوفي مع البراهش !"
نسرين :" عادي ياك قلنا تاواحد ميتدخل فلاخر "
وقبل ميهضر قاطعاتو:" الى على سمعتك للمصونة فلافاك حتى واحد معارفنا مزوجين.. انا ناشطة ونت مستور !"
زين بعصبية:" نسرين !"
وقفات من بعد مكانت جالسة فوق الفوتوي وهو واقف جهة دريسينغ كتتمايل بشوية يمين وشمال و كضرب بشعرها بجنب وعينيها مرسومين حادين كيجيبو فالشبه لعيون عاصي.. شوية غير فحدتهم قربات ليه لدرجة مابقا يفصل بيناتهم غير اصبعين ديال الفرق و مطلعة راسها فيه شوية نطقات بنبرة تجفي:" ياكما كتغير عليا ؟"
عضات على شنايفها فاش حسات بصباعو اختارقو خصرها فوضعية لي جارها بقوة وخابطها معاه و مركز عينيه فعينيها وهي مقوص ليها ظهرها وملاصقة مع زين
نطق بنبرة ممثالة لنظرتها:" علاش غنغير ؟"
كيمرر يديه فوق كتفها العاري باستفزاز خلاها معارفاش واش تغرق فملامحو الرجولية لي اول مرة تلحظهم عن قرب ولا فالاعصاب لي كيركب فيها ونجح :" خاصني ندير علاش نغير !"
ضربات يديه بيديها محيداهم من فوق كتفها:" متقربش ليا بديتي تخرج على الهضرة لي قلنا نهار لول "
زين :" مابيناتنا تا كونطرا من غير عقد زواج !!"
نسرين :" الراجل هو الكلمة وانا بعدا راجل فكلمتي شوف غير نت "
زين :" عاودي الامتحان هاد ليلة غتعطيه ليا نعاود نصححو"
- الشعبي ـ
مهدي دخل.. كيصفر وهادي من عاداتو و مشيتو كانت متمخترة وكتافو كينزلو ويطلعو باس فوق راس نعيمة :" الله يرضي عليك اولدي"
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
