تباهي بجمالك يا لورين الآسر وازهي بحبي واحيي فيني شعور كنت اجهله

بارت 60

يرفع نظره للي يركض بخطواته سريعه له ويردد " بابا" يبتسم لؤي اللي كان توه واصل من الشغل يرفعه يبوسه ينطق: عيون بابا
يلف لدخول غيم اللي تمشي بثقل يتقدم يقبل راسها ينطق: كيفك؟
غيم: الحمدلله
ينزل غيث من بين يدينه يناظر غيم اللي توجهت للكنبه بتعب يوضح على ملامحها وهو يدري ان الايام اللي مروا فيها مو سهله وتعبتها كثير، يتقدم لها يحاوطها تصير تحت ذراعه تبتسم غيم: جوعان اجيب لك اكل
لؤي: لا خليكي
تغمض عيونها بتعب وتفتحهم من جديد تراقب غيث اللي قدامهم ويلعب بألعابه تبتسم من سكون لؤي دليل نومه تبعد بهدوء عنه تاخذ اللحاف تغطيه ما تبي تصحيه وهي لاحظت تعبه تبتسم لغيث اللي تقدم لها وبيدها مكعب صغير تاخذه منه غيم تنطق: تعال نروح نسوي كوكيز
تمسك يده تمشيه معاها للمطبخ ترفعه بهدوء على الرخام تاخذ العصير من الثلاجة تعطيه ياه ينشغل فيه وهي تبدأ تسوي الكوكيز وتراقبه وهو يشرب العصير.

تمسح على بطنها تتنهد تمنت يكون معاها بكل لحظة بحملها تمنته جنبها يسندها ويداريها تنهدت تلبس عبايتها تطلع من غرفتها تناظرهم قاعدين يشربون قهوه بالصاله
تبتسم منيره: لورين تعالي يمه اقعدي معنا
تبتسم لورين: مره ثانيه لجين تنتظرني برا
محمد: وش عندكم؟
لورين: عندي موعد في المستشفى
يقوم محمد من مكانه ينطق: ليه ما تقولين لي أنا أوديك
لورين: ما كان ودي أتعبك معي ولجين اصرت تروحي معي
محمد: تتعبيني معك لا تنسين اني ابوك
تبتسم منيره تمسك يد محمد تنطق: خلها تروح بتأخرها المرات الثانيه تروح معاها
يهز راسه محمد تطلع لورين تركب السياره تبستم لجين تضمها: وحشتيني
تبتسم لورين: تعبتك معي لجين
لجين: بزعل ترى مافيها تعب وانا كمان ودي اشوف حبيب خالته
تبتسم لورين تحرك بعدها لجين عالمستشفى، تلف للشباك تناظر الطريق بشرود تفكر فيه تنزل دموعها المفروض اليوم يكون معها هو جنبها وماسك يدها تمسح دموعها تتنهد بصوت مسموع تلف لها لجين تنطق: لورين فيك شي؟
تهز راسها بالنفي تبتسم لها تبتسم لجين تدري بكل شي تحس فيه ولو حاولت تخفي حزنها عن الكل دموعها تفضحها ولو حاولت تخفيها، يوصلون المستشفى تنزل لورين وبجنبها لجين اللي متحمسه وتحاول تغير من نفسية لورين تدخل للمستشفى يقعدون على كراسي الانتظار تبتسم لجين: وش شعورك؟
ترفع كتوفها لورين: مدري عادي
لجين: عادي ولا كأنك بتشوفي البيبي اللي فبطنك لأول مره
تنزل عيونها تلمح عيونها من دموعها: بشوفه أنا بس هو
تتنهد لجين: هو اللي اختار فراقكم لا تتعبين نفسك واللي فبطنك عشان واحد ما يستاهلك
ترفع كفوفها لملامحها تهز راسها بالنفي: ما اقدر بدونه لجين
تتنهد لجين تهمس: الله ياخذه
تمسح دموعها لورين تنطق: لجين لا تدعين عليه
تضحك لجين: طلعت بالغلط
تناظر لجين اللي واقف ويناظرهم تنطق: شرف الخاين
لورين بإستغراب: مين؟
تناظر لورين لمكان ما تناظر لجين تبلع ريقها من وجوده وكيف جاء تشد على قبضة يدها تناظره متوجه لهم
لجين: وش جابك أنت ما تستحتي جاي بكل عين وقحه
يتنهد آسر يصد عنها ينطق: ليه ما تقولين لي ان عندك موعد اليوم
لجين: وليه تقول لك ان شاءالله بصفتك مين
آسر بحده: بصفتي زوجها
تميل لورين شفتها بسخريه تنطق: ليه جيت؟
آسر: اتطمن عليك وعلى ولدي
تغمض عيونها تنطق بعصبيه: تطمن على مين؟ هاه مين؟ لا أنا ولا ابني نحتاجك تفهم ما ابيك
يمسك كتوفها ينطق: لورين انتِ مو فأهمه شي أنا مستحيل اتركم
تدفه عنها تبدأ دموعها بالنزول من جديد تنطق: تكفى روح أتعبتني
تضمها لجين تنطق بحده: ما فهمت انت يلا ورني عرض أكتافك
يشد على قبضة يده يلف يمشي من عندهم يتذكر كلمتها بـ " تكفى " وهو التمس بنظراتها كمية التعب اللي فيها ومستحيل بيوم تقدر تسامحه، تمسح دموعها من جاء دورها تدخل لغرفة الدكتوره ، تتقدم لورين للسرير بعد ما قالت لها الدكتوره ، تاخذ الدكتوره الجل تضع كمية على بطن لورين تبدأ تحرك جهاز السونار وتناظر للشاشة، تشد على يدها لورين تنطق بتوتر: دكتورة طمنيني كل شي بخير؟
تبتسم الدكتوره: لا تخافي ، كل شي بخير شوفي هنا
تبتسم لورين تناظر للشاشه تسمع صوت نبضات طفلها تنطق الدكتوره: والنبض واضح لسا صغير بس كل شي تمام
تبتسم تناظر الشاشه بعيونه مليانة دموع، تمسح الجل من على بطنها بعد ما انتهت الدكتوره تنزل بلوزتها ،
تبتسم لجين تنطق: دكتوره كل شي تمام صح
الدكتورة: إيه، بس لازم تنتبهه لصحّتها ، وتاخذ الفيتامينات اللي وصفتها لها واهم شي تهتم لاكلها تلف للورين تنطق: جسمك الحين يمر بتغيرات كبيرة، والراحة مهمة جداً لك خصوصاً بإنه اول طفل لك
تهز راسها لورين بتفهم تاخد شنطتها تطلع مع لجين تسمع كلام لجين اللي كله نصايح عشان تهتم بصحتها
لورين: فهمت لجين خلاص
لجين: لورين انتِ ما سمعتي الدكتوره وش قالت لازم تهتمين بصحتك وتاكلين زين
لورين: ايه سمعت
لجين: وفهمتي
تهز راسها لورين تمشي مع لجين، تلف لها لجين تنطق:
وين ودك نروح
لورين: البيت
تناظرها لجين تنطق: لا خلينا نروح المول
لورين: مو اليوم تعبانه
لجين وهي تسوق: مافيك شي أعرفك بترجعين تبكين لحالك
تتنهد لورين تناظر للطريق بشرود وتفكير، يوصلون للمول
تنزل لجين بعد ما عدلت حجابها توقف قدام شباك لورين تطقه بتكرار تفز لورين بخوف، تنزل من السياره تنطق: بشويش خوفتيني
لجين: وش شاغل بالك هاه لا تقولين لي مع هذاك الخاين
تتنهد لورين تسكت تمشي لجين جنبها تنطق: ابتسمي شوي عشاني أنا جيت معك للمول عشان أغير نفسيتك
تبتسم لورين لها تمشي معها ولجين تسولف معها، يلفت انتباها لجين أسواره باللون الفضي تبستم تلف للورين: تعالي
تمشي معها لورين تناظر لجين اللي تتكلم مع صاحب المحل ينزل لها الاسواره تنزلها على يدها تبتسم تلف للورين تنطق: حلوه صح
تبتسم لورين: تجنن
تبتسم لجين تنطق: باخذها
تهز راسها لورين يطلعون من المحل بعد ما اخذوا الاسواره
يلفت انتباه لورين محل للأطفال تلف للجين تنطق: انتظريني شوي واجيك
تهز راسها لجين اللي كانت تعدل اسوارتها على يدها وواقفه في الممر بالقرب من المحل ومركزه بالأسواره ما تنتبه للشخص اللي اصطدم بها وهو يكلم بالجوال بحكم انها واقفه بنص الطريق ،يختل توازنها لجين من كتفه اللي ضرب فيها تلف له بعصبيه تنطق: اعمى انت ما تشوف؟
نزل الجوال من أذنه ينطق: سمي اختي قلتِ شي ؟
لجين: سم يسم بدنك ان شاء الله على شوي كنت خلعت كتفي ما تشوف انت ما عندك عيون اعمى
يناظرها يوسف يتكتف: و انتِ وين كان عقلك يوم انك واقفه بنص الطريق
لجين: صدق ما تستحي بدال ما تعتذر قاعد تقول أنا الغلطانه
يستغفر يوسف ينطق: اختي اللي يستر عليك توكلي
لجين: ماني متحركه من هنا لين تعتذر يا ابو نظاره
يرفع يده يوسف لنظارته يلف عنها بيمشي تمد رجلها قدامه تتركه يتعرقل بثوبه و يطيح عالارض تشهق لورين اللي كانت جايه وبيدها كيس من محل الأطفال تناظر لجين اللي مبتسمه وتناظره تنطق: لجين وش تسوين انتِ
لجين: يستاهل ابو نظاره
تناظره لورين من وقف وهو ينزل نظارته اللي انكسرت ينطق بعصبيه: وش فيك انتِ مريضه صدق
لجين: والله مافي احد غيرك مريض قلت لك اعتذر وما اعتذرت
يوسف: وليه اعتذر إذا انتِ الغلطانه
لورين: اسفين اخوي هي ما كانت تقصد
تلف لها لجين تنطق: إلا كنت اقصد ويحمد ربه هالمره بس انكسرت نظارته المره الثانيه بكسر راسه
يشد على قبضة يده ما يبي ينفجر عليها خصوصاً انها بنت ولا وده يرفع يده عليها ويعصب، تسحبها لورين تجرها معاها لخارج المول تفلت يدها لجين تنطق: شفيك انتِ خليني أربيه ابو نظاره
لورين: خبله انتِ وبعدين ليه تقولي له ابو نظاره
تضحك لجين بصوت عالي : كان لابسه نظاره وشكله مره يضحك ما شفتيه انتِ فاتك والله تكمل ضحك لجين وهي تتذكر شكله تهز راسها لورين بأسى منها تمشي وراها للسياره