تباهي بجمالك يا لورين الآسر وازهي بحبي واحيي فيني شعور كنت اجهله

بارت 55

تبتسم غيم تطلع عالمرجوحه ويدفها لؤي تضحك من الشعور الحلو يوقف المرجوحه من سقوط غيث يركضون له بخوف لؤي وهو يحمل بيدينه ويتأكد ان مافيه شي يتنهد براحه من ضحكات غيث دليل ان الطيحه ما كانت قويه ترفع يدها قلبها تتنهد براحه تاخذه من لؤي تضمه تنطق: خوفتنا يا ماما بقا قلبي يطيح
لؤي: أنا اقول ما يصير يغيب عنا ولا لحظه يمشي خطوتين ويوقف قلوبنا
تضحك غيم تمشي معه تطلعه عـالمرجوحه تدفع بخفيف وصوت ضحكاتها يخالطها تصفيقه، يتوجهون للكوفي يطلبون حلا و قهوه ينهون يومهم الحلو
غيم: شوي واجيكم بروح للحمام
يهز راسه لؤي وهو يلاعب غيث ، ترجع لهم غيم بعد دقايق تبتسم تناظرهم على وضعهم يوصل الطلب ، يناظر الصحن المكتوب فيه " مستعد تصير اب للمره الثانيه" يرفع عيونه لها بعدم استيعاب تضحك من نظراته يضحك لؤي بصدمه : احلفي
تضحك غيم تنطق: والله
يصرخ لؤي يضمها بقوه وهو يضحك ويردد: بصير ابو مره ثانيه
تضحك غيم تحاوطه بهدوء تهمس: لؤي الكل يناظرنا
يبعد عنها لؤي يحاوط ملامحها يتأكد من الكل اللي يصير تضحك غيم تنطق: لؤي!..
ابتسم لؤي بابتسامة ما قدر يخبيها يرفع ذراعه يحاوطها، و عيونه مليانه فرحه وهو يناظر غيم بحب: "ما أصدق إن الله رزقني نعمة ثانية منك الله لا يحرمني منك ولا من هالفرحة
تبتسم غيم وهي تحس بنبض قلبها يسابق الزمن تنطق: ولأمنك يا قلبي
يناظر لؤي  غيث اللي ضحك فجأه كأنه فاهم السعادة اللي حوله، يضحك لؤي:
تخيل يا بطل، بتصير أخ كبير!
تبتسم غيم تناظرهم بحب وهم كل شي بالنسبة لها وبينضاف كائن لطيف يشاركهم حياتهم..

تتوجه للسرير بروب ابيضّ بعد ما رطبت جسمها تناظره متغطي باللحاف تظنه نايم تسحب اللحاف بقوه بقصد تضايقه تتغطى فيه يكتم ضحكه عليها وهو ما كان نايم ، ترفع نفسها تاخذ المخدات تحطهم بينهم تلف عنه تتغطى باللحاف تسحبه كله تتركه بدون لحاف بتكي بكوعه يناظر المخدات بينهم يرميهم بعيد يقرّبها له تغرس أظافرها بيدينه بقوه تنتظره يبعد يدينه بس كان يشدها اكثر له تنطق بعصبيه: آسر تبعد عني
آسر: مستحيل
لورين: والله ان ما بعدت تسكت ما تكمل ينطق: كملي وش بتسوين تسوين فيني زي ما سويتي في البنت
تلف له تصير مقابله تنطق: اي واسوء كمان عيونك اشيلهم من مكانهم
يبتسم آسر: لهدرجة تغارين علي
لورين: اي أغار وان شفتك تطالع بوحده غيري اقتلك ولا يرف لي جفن
يضحك آسر تدفه عنها تنطق:اي اضحك اضحك ترا أسويها لا تفكرني ما اقدر أسويها
يسحبها له يبعد خصلات شعرها من وجهها ينطق: تسوينها
بس تدرين ان البنت اللي ضربتيها هي نفسها هيام
ترفع حواجبها تنطق: ومين هيام ذي
آسر: نسيتي المحققة الجديده
تناظره تتذكر انه حكى لها عن بنت جديده اسمها هيام تنطق: اي ومين ما كانت تكون إللى تتخطى حدودها وتقرب منك ادْبحها
يبتسم آسر ينطق: شخصيتك الغيوره حلوه
تبعد عنه تعدل شعرها تنطق: نام نام
يضحك آسر يفتح ذراعه لها ينطق: تعالي ولا ما اقدر انام بدونك
تناظره لورين تقرب تنسدح جنبه يحاوطها يدفن راسه بنحرها يهمس: أنا لا وحدك وعيني ما تشوف غيوم وقلبي ما يطوف غيرك
تبتسم بخفوت تغمض عيونها بحضنه ولا تتمنى شي غيره وما تبي كل هالأمان والحضن..