تباهي بجمالك يا لورين الآسر وازهي بحبي واحيي فيني شعور كنت اجهله

بارت 56

عند ساره وزياد بعد ما طلعوا الطياره وهي متحمسه اكثر منه لهذي السفره،تهبط الطيار بـ مطار برشلونه تبتسم تبعد الحزام توقف معه يطلعون يأخذون شنطهم ويتوجهون للفندق ، بعد ما اخذ كرت الغرفه يطلعون للغرفه تركض للستاير تفتحهم تناظر الاطلاله تنطق: ودي نلف فيها لف
زياد وهو طالع من الحمام بعد ما غير ملابسه ينطق: زين ارتاحي بعدين نقوم ونلفها
تبتسم ساره تاخذ ملابس لها وتغير لبسها ،تنسدح بجنبه تناظره نايم تبتسم تقرب يدها لشاربه وتلعب فيه يفتح عيونه بنعاس: نامي
تبعد يدها عنه بربكه وهي ظنته نايم تسحب اللحاف تنام جنبه وهي متحمسه لهذي السفره وودها تروح كل مكان حلو بـ اسبانيا

الساعه 7:00م
تفرك عيونها تناظره جالس عالكنبه وبيده كوب قهوته و يطقطق بجواله ، تقوم تتوجه للحمام " الله يكرمكم" تطلع بعد دقايق وهي لابسه بنطلون ابيض وبلوزه باللون الكحلي يناظرها زياد ينطق: ما طلبت اكل نطلع و ناكل بـ اي مطعم
تبتسم ساره: على ذوقي
يهز راسه زياد ، تناظره لثواني بثوبه وشماغه وهي ما تنكر انها تحبه بهذا الشكل بس ودها تشوفه بشي غير عن المعتاد تنطق: زياد!
زياد وهو يرتشف من قهوته: سمي
تقعد جنبه تبتسم تحاوط يده يناظرها زياد وليدها المحاوطه يده: وش عندك كل هالحركات ما وراها إلا سالفه
تبتسم ساره: ولا مره طلبت منك شي تدري صح
يهز راسه زياد يبيها تكمل اللي تبي تقوله تنطق: شرايك اختار لك أنا لبسك لطلعه
يهز راسه بالنفي تشد على يده تنطق: تكفى زياد ودي أشوفك بشي غير تكفى
تبوز شفتها من ناظرت الرفض بملامحه تلف عنه تنطق: فكرت لو طلبت منك بتوافق وما بترفض عشاني
يتنهد زياد ينطق: وش ودك البس

تبتسم تطلع له الملابس اللي أخذتهم له،ترفع الملابس له  يهز راسه برضا ياخذهم ،وهي توجهت للتسريحه تحط ميك اب خفيف وتمشط شعرها
تناظره من المرايه من تقدم لها تبتسم تناظر شكله اللي غير عن المعتاد وتحس يناسبه وكثير ، يبتسم زياد من ابتسامتها ينطق: عجبك!
ساره: الصراحه ما توقعت أقولها بس طالع مره حلو
يبتسم بهدوء ينطق: نطلع
تاخذ عبايتها الكحليه تلبسها تاخذ شنطتها تطلع معه ، تشبك يدها بيدها يمشون بوسط شوارع برشلونه وهي طلبت انه يمشون ما ودها يفوتهم شي من جمال المكان وهم في السياره ..

~السعودية~

رتيل: ودي نطلع ونأخذ علوم الديره
تضحك ضي: تموتيني فسوالف الناس
يلفون لابتهاج اللي تناظر من الشباك وتأشر بيدينها تهمس رتيل: وش تسوي هالخبله
تضحك لورين: وتتبوسم كمان
رتيل: جنت خلاص
تاخذ المخده رتيل ترميها عليها تفز تسكر الشباك تنطق: شفيكم؟
رتيل: انتِ وش فيك مين تكلمين
تضحك غيم اللي دخلت ولمحت زايد برا ويأشر لابتهاج تنطق: اخوي الخبل جايب لها شوكولاته من اللي تحبها
يناظرون ابتهاج اللي طلعت تهرب منهم تطلع تعدل حجابها تبتسم تفتح الباب تناظره واقف وبيده كيس مليان شوكولاته يلف لها زايد ينطق: جبت لك نفس الشوكولاتة اللي كنتي تأخذيها مني وأنتِ صغيرة.. تذكرين؟
تبتسم ابتهاج بخجل تهز راسها تتذكر لما كانوا صغار وتتهاوش معه عشان يعطيها الشوكولاته وبكل مره تاخذها منه يروح يشتري غيرها ويجيب لها كيس لحالها
يبتسم زايد يناظر ابتسامتها يمد لها الكيس تاخده منه تنطق: شكراً
يبتسم زايد: العفو، ودك كل يوم اجيب لك منها
لؤي من وراه: وجيب لاخوها كمان دامك فاضي تروح كل يوم تجيب شوكولاته
تسكر الباب بوجهه من وجود لؤي يلف له ينطق: ياخي مخرب اللحظات انت
يضحك لؤي:  أحمد ربك أنا اللي شفتك لو شافك فارس و مصعب كان انت الحين مفروش بالأرض
يضحك زايد ينطق: متى راجع للخبر
لؤي: بكره
يهز راسه زايد ينطق: كان ودي أكلمك بموضوع
لؤي : قول أسمعك
زايد: ودي تشوف لي شغل بالخبر اذا فاضي
يبتسم لؤي: اعتبر الشغل جاهز
زايد: كيف
لؤي: عندنا بالبنك نقص بالموظفين ولو تبي اكلمهم عليك كلمتهم
يبتسم زايد ينطق: كلمهم وانا اجيك بعد ما تكلمهم
يهز راسه لؤي يبتسم زايد بارتياح وهو وده يشتغل ويجهز اموره لزواجه