~ بيت عامر~
دخل وهو يرميها أمامه وبصوت زلزل الدنيا :سودتي وجهي الله يأخذ روحك وأخلص ،
شادن ببكي : يبه
عامر : انقلعي من أمامي لغرفتك انقلعي بكرا زواجك منه
شادن بكذب : مابي اتزوجه
عامر : مابه شيء بمزاجك رحتي برضاكِ تحملي
وقفت وهي تقول : ليت فاهد هنا ولله مايسمح لك تسوي فيني كذا ، ووقفت وهي تجري لغرفتها وسرعان ما أنفجرت ضحك وهمست: مالي نصيب مع سالم يصير مع عزيز ،
~ القصور ~
تجمعوا كلهم بقصر الجد وماحد فاهم السالفة الوحيدة الي عايشه بقلق وخوف وتوتر هي نوف ربطت الأحداث بمخها إن فيه أحد صابه بلاء من خروج عزيز السريع وجية السواق لها تلخبطت أفكارها،
دخلوا الرجال القصور وهدأ الكل وهم يشوفوا لون الجد يميل للسواد وعزيز ملامحه توحي بالغضب الشديد والبقية ملامحهم ماتتفسر،
جلسوا بهدوء و الكل ساكت ،مافي الا صوت أنفاسهم الغاضبه
لمياء : عسى ماشر يا خالد
زفر الجد أنفاسه بعصبيه وقال: ومن وين يجي خير وبحياتنا بنت عامر
غاليه بصدمة : شادن سوت شيء ،
زفر الجد أنفاسه بحذر وحكى لهم كل شيء وهو يحاول قدر الإمكان يتجاهل حفيدته الي أمتلت عيونها بالدموع ،
جميلة ببكي : ليه يايمه ليه بأيش قصرت عليك نوف بنت كامله ماينقصها شيء ليه ياعزيز سويت كذا تترك الخير وتروح تبي الشر تروح تبي تتزوج شادن
عزيز بحده: يممه ماسويت شيء ولله ماسويت شيء
ملاك بصدمه : الله لا يبيحها الحيوانه ، رفعت أنظارها لعزيز بهدوء وتأملت فيه لثواني ونزلت دمعتها أول ماتلاقت عيونهم ببعض ونزلتها للأرض بقهر، كان يتمنى باللحظة هذي بالذات يبرد قلبه بشادن الي قدرت تلعب عليهم ، وفز من هواجيسه على صوت عمّه محمد : بنتي عندي ياعزيز وانا ما أرضى تجي عليها واحده نوف باقي صغيرة على أنها تعيش مع ضره لها
لمياء بحده: خلها عندك يامحمد لين يفهم انه لو حفر الأرض مالقى مثل نوف ابد
نوف بهدوء : بس انا رايحه معاه
لمياء : نوف
نوف : ياجده عزيز زوجي وأبو بنتي وانا مستحيل أسمح لبيتي يخرب عشان واحدة كذابه مثل شادن أكيد انها خططت لإن لو فكرنا بالمنطق عزيز خرج من عندي ووصل وانتم وصلتوا وراه مباشرة وشفتوه طالع مت الشقة حسب كلامكم يعني مايمدي حتى يلمسها وانا عندي ثقة بإن عزيز مايسوي كذا لإنه رجال ولو يبيها بيتزوجها ما اهتم لأحد
نايف : فعلا ياجدي عزيز انا أكثر انسان يعرفه لو عنده ذرة خوف منكم كان تزوجها بالسر إحنا أحفادك ياجدي ونراقب الله بكل شيء نسويه غير حبه لنوف
أوس : بحسب كلام نوف عزيز ما بيلحق يلمسها عندك كاميرا ببيتك ياعزيز !!
عزيز : عندي أكيد
أوس: نأخذ التسجيلات والوقت ونعطيه للعميد
عبدلله بسخريه : حضرة الاستخباراتي دليلك ضعيف جداً ويمكن يقول إنك تلاعبت بالتوقيت عشان تبرأ ولد اخوك
سلمى : الله يأخذ روحها ياجماعه خلوني أروح أرنها لين تعض الأرض ولله لأخليها تعترف بالحقيقه
جمان وغاليه: ونحن نساعدك ياسلوم
وقف الجد ينهي النقاش : بكره يايكون عندك الدليل القطعي او تملك عليها
نوف : حتى لو ملك عليها انا مستحيل أتخلى عنه يكون بعلمكم
ملاك بعقلانية: كفو يابنتي لا تخربي بيتك عشان سبب تافهه
وانسحبت نوف بهدوء: انا انتظرك بالسيارة
ملاك : سحاب خليها عندي
نوف : اساسا تعبانه يمه خليها عندك ، وخرجت تنتظر عزيز بالسيارة وتفرقوا الجميع وهم ساكتين وبعضهم مذهولين كيف تجرأت تسوي كذا
