You are not my brother
Part46
ងាកមកមើលឡានដែលកំពុងបើកបរអមដំណើរឡានពេទ្យជាមួយនិងឡានប៉ូលីសដែរ។ ដែលក្នុងឡាននោះមាននាយខេននិងនាយហាន ទឹកមុខម្នាក់ៗ មិនសូវជាស្រស់បស់ប៉ុន្មានទេ ត្បិតអីនាយខេនក៏ចេះតែមានរឿងនិយាយជាមួយមិត្ត ព្រោះយ៉ាងណារឿងរបស់ចៅហ្វាយក៏បានចប់សព្វគ្រប់ដែរ គេពិតជាចង់ឃើញមិត្តរបស់គេញញឹមនៅពេលនេះ តែផ្ទុយទៅវិញ នាយហានបែរជាអង្គុយស្រងូតស្រងាត់ ទុកឲ្យគេនិយាយតែម្នាក់ឯងទៅវិញ
«ហាន! ឯងមានស្តាប់យើងនិយាយឬអត់?» ដោយឃើញថាមិត្តគេ គ្មានសូម្បីតែឆ្លើយតបជាមួយគេ ឬនិយាយជាមួយគេវិញ ទើបនាយខេនដាក់សំណួរនេះទៅកាន់នាយហានតែម្តង
«អឹម ស្តាប់តើស៎»
«ហេតុអីមិនឆ្លើយជាមួយយើង?ឯងអង្គុយអីភ្លឹកៗនឹង?រឿងចៅហ្វាយក៏ដោះស្រាយហើយដែរ នៅមានរឿងអីពិបាកចិត្តទៀត?»
«យើងមិនអស់ចិត្ត...»
«មិនអស់ចិត្តរឿងអី?»
«រឿងមិត្តរបស់ចៅហ្វាយនោះហើយ»
«អ្នកនាងម៉ាប៊ែលហ្អេស?»
«អឹម»
«ក្រែងឯងមិនដែលទុកចិត្តនាងផងមិនអញ្ចឹង?យើងទេ ដែលគួរតែអង្គុយដូចជាឯងពេលនេះនោះ!»
«យើងនិយាយអញ្ចឹងពិតមែន ប៉ុន្តែយើងដឹងថាអ្នកនាងម៉ាប៊ែលមានសារៈសំខាន់យ៉ាងណាចំពោះចៅហ្វាយ គាត់មានមិត្តតែម្នាក់ទេ គឺជានាង ឯងស្រម៉ៃមើលទៅ បើមានមិត្តតែម្នាក់ ហើយថែមទាំងក្បត់យើងទៀតនោះ តើអារម្មណ៍មួយនោះឈឺចិត្តយ៉ាងណា?»
«ហ្អឹម ក៏បែបនោះហើយ យើងឃើញចៅហ្វាយស្រក់ទឹកភ្នែកជាលើកដំបូង យើងអាចម៉ៃដឹងថាគាត់ឈឺចិត្តប៉ុណ្ណាហើយ» នឹកស្រម៉ៃដល់ប៉ុន្មាននាទីមុន ដែលពួកគេបានឃើញចៅហ្វាយ ទទូចសួរហើយសួរទៀត ព្រោះគេមិនជឿថាម៉ាប៊ែលនឹងក្បត់គេនោះឡើយនោះ គឺកាន់តែអាណិតពន់ពេក ព្រោះចៅហ្វាយទុកចិត្តនាងខ្លាំងណាស់ មិនគួរនាងមានទឹកចិត្តក្បត់ចៅហ្វាយបែបនឹងទេ
«តែណ្ហើយ យ៉ាងណារឿងគ្រប់យ៉ាងត្រូវបានដោះស្រាយហើយ ក៏សង្ឃឹមថាចៅហ្វាយនឹងរស់នៅដោយមានក្តីសុខផងចុះ»
YOU ARE READING
You're not my brother(✅)
Любовные романыស្នេហាដែលគ្រប់គ្នាគិតថាមិនអាចទៅរួច តើចុងក្រោយនឹងទៅជាយ៉ាងណា? lysin
