Taming the Vampire

CHAPTER ONE HUNDRED-FOUR

* * *

Water Grande ang pangalan sa kumpanya ng tiyahin ni Logan. Nagmula sa mayaman at malaking pamilya ang binata, at hati ang opinyon ng pamilya nito sa isyu ni Ronaldo at ng Supreme.

Suportado ng ama ni Logan si Ronaldo, kaya naman ay hindi ito nagrereklamo sa tuwing naririnig nito na may misyon na naman na pinapagawa ang kanyang amo sa anak. Ito ang kanyang paraan para makapag-secure ng maayos na posisyon ang kanyang pamilya kung sakaling manalo si Ronaldo sa laban. Nais din niya na matapos na ang pangunguna ng mga Lorenvetti sa mundo ng mga bampira.

Sa kabilang banda ay nanatiling tapat naman ang iba nitong mga kapatid sa Supreme. Kaya ang ilan sa kanila ay naninirahan malapit sa Red Mansion. Nag-iinvest sila sa mga proyekto na mayroon ang kumpanya ng Supreme at ng iba pang bampira na may negosyo.

At ang natitira sa kanilang kamag-anak ay ang mga neutral o mga walang kinakampihan na partido. Isa rito ang tiyahin ni Logan at ilan pang mga pinsan ng kanyang ama. Madalas ay mga beta at gamma ang mga ito. Mahina ang pisikal at kapangyarihan nila bilang bampira, kaya mas pinipili nila na manatili at makibilang sa mga mortal.

Subalit, mukhang napilitan ang nagmamay-ari ng Water Grande na ibigay sa mag-ama ang proyekto nito. Dahil nga suportado ito ni Ronaldo, ayaw masangkot ng tiyahin ni Logan sa gulo at maging tampulan pa ng karahasan mula dito.

Samantala ay tama rin ang hula ni Mateo na hindi lang negosyo ang sadya ni Logan sa i-lalaunch nilang water supply system.

"What are you doing here so early in the morning? Are you not supposed to sleep when the sun is out?" tanong ni Logan sa mga kasama.

Nasa isang malapad at malaki na conference table sila nagtipon-tipon. Parihaba ito. Magkatapat sa magkabilaang kabisera si Ronaldo at Aaron, habang nasa kabilang sulok naman si Paolo at Logan.

Abala si Paolo sa pagbabasa ng makapal na libro at nasa silid lang dahil sa utos ni Ronaldo. Hindi talaga siya interesado sa pag-uusapan nila. Habang si Logan naman ay tila kagigising lang ang itsura. Magulo ang kanyang buhok, at nakapantulog pa ito. Puting maluwag at manipis na damit, at boxer shorts.

"Huwag kang magpa-kampante. Hindi ibig sabihin ay tapos na ang trabaho natin," paalala sa kanya ni Aaron.

Nagbuntong-hininga si Logan sabay irap sa matanda. Inilipan niya ang tingin kay Ronaldo at nagtanong ng, "Lord Ronaldo, are we really going to mix vampire fluid into that water supply system?"

"Hoy!" sabad ni Aaron, "Hindi ka ba nakinig sa sinabi ko noong isang araw?"

"W-What is it again?"

"Ang sabi ko patibong lang ang water supply project."

"Hm? Isn't it much better if we do it for real? The more vampirized, the larger the battalion. The more, the marrier!"

Nahinto sa pagbabasa si Paolo nang marinig ang suhestiyon ng binata. Inilapag niya ang kanyang binabasang libro at isinara ito habang naka-ipit sa pahinang kanyang binabasa ang kanyang daliri. Ito ay para hindi niya mawala ang pahina.

"Hey, kid. Don't make any useless idea," saway niya rito.

"What now? Isn't it a great idea?"

Umiling-iling si Aaron. "Hindi, dahil wala tayong kasiguraduhan kung ilan ang magiging alpha sa mga nakainom ng tubig na may vampire fluid. Maliban pa rito ay magiging sakit lang sa ulo ang mga vampirized na beta at gamma ang ranggo. Idagdag pa ang maaaring masasawing mortal dahil hindi kaya ng katawan nila ang vampire essence."

Iniisip pa lang ni Aaron ang maaaring idudulot nito na trabaho sa kanya ay kinikilabutan na siya.

"Haaay~ Who do you think will clean up the mess? It's me right here," bumuga ng hangin si Paolo habang binabalik ang atensyon niya sa libro sabay dagdag sabi ng, "Look at you with all those young hormones. Tsk. Tsk. Tsk. A waste of time."