Taming the Vampire

CHAPTER SIXTY-TWO

* * *

"Master, nakita na po namin ang bangkay ni Sir Bernard," pahayag ng tauhan ni Aaron sa kanya.

Ilang araw matapos na marinig ang balita tungkol sa pagsugod ni Mateo at ng Supreme para iligtas si Axel, ay tumungo na ng red light district si Aaron para linisin ang kalat na ginawa nila. Nadatnan nila ang dagat ng dugo sa paligid. Wala ng mga bangkay, dahil hindi naman talaga namatay ang mga bampira na nakalaban ni Mateo at mga tuhan niya. Tumubo lang ulit ang naputol nilang mga biyas bago umalis sa eksena.

"Bangkay?" wika ni Aaron. Buong akala niya ay ang mantsa ng dugo at nasirang mga kagamitan lang ang lilinisin nila rito. Hindi niya akalain na may bangkay pa palang naiwan ang mga ito.

"Kaninong bangkay?"

Napayuko ang tauhan niya at nag-aalinlangan na nagmutawi ng, "K-Kay Sir Bernard po, Master."

Umangat ang mga kilay ni Aaron nang marinig ang pangalan ng bangkay. Pero agad din itong kumalma at naging malamig.

"Ang malas naman talaga ng batang ito at hindi pa nagawa na tumakas."

"Bernard, ah."

"Opo, Master. Sa nakikita po namin, isang malalang internal bleeding ang naging sanhi ng kanyang pagkasawi."

Internal bleeding. Napaka-tunog lohikal ng sanhi ng pagkasawi ng Bernard, lalo na kung hindi alam ng nakadiskubre na walang nangyaring sagupaan sa pagitan ni Bernard at Maximilian.

"Internal bleeding. Uh-huh," napakamot ng kanyang baba si Aaron, "May nakita ba kayong dugo sa mata, ilong, o bibig niya?"

"Uhm, meron po." Nagtataka man sa kakaibang tanong ng kanyang master ay sumagot pa rin ng tapat ang tauhan.

Ngumisi ng masikip si Aaron na tila ba naalala niya ang kasagutan sa pinakamahirap na tanong sa exam.

"Hindi na nga talaga nakapagtataka. Imposible nga na mailigtas siya," mutawi niya sa sarili, bago tumingin ulit sa tauhan niya at nag-utos ng, "Iparating mo sa mansyon ni Lord Ronaldo na kumpirmadong binisita ng kapatid niya ang lugar ko."

"K-Kapatid?"

Napakunot ng kanyang noo si Aaron nang makita ang pagdadalawang-isip sa mga mata ng lalaki. At taas kilay niyang mandar dito ang mga kataga na, "Labas ka na kung sino 'yun. Sabihin mo na lang sa tagapamahala ang mensahe ko."

Sigurado si Aaron na mabubulabog ng mensahe niya ang estrus ni Ronaldo. Sa reaksyon pa lang nito noong narinig niya ang titulo ng kapatid noong isang araw, walang duda na mas masisira ang lagay ng loob nito sa paparating na balita.

Naglaho sa harap ni Aaron ang tauhan niya, habang tumungo naman siya sa VIP area na kinaroroonan ng silid ni Bernard.

Kay Aaron ang negosyong ito, sa kanya nakapangalan at karamihan ng mga bampirang trabahador ay mga tauhan niya rin. Pero hindi siya ang nagpatayo ng lugar. Kung mayroon man ang may hilig sa mga babae at s*x, 'yun ay si Ronaldo. Regalo raw niya ito kay Aaron, pero halata na gusto niya lang ng lugar na handang tumanggap sa kanya sa tuwing gusto niyang makipagtal*k.

Hindi nga lang niya inako ang buong lugar dahil abala siya sa ibang mga bagay.

Sa pagpasok niya sa silid ay kapansin-pansin na ito ang pinakamalinis sa lahat. Maliban sa basag na bintana at nakakalat na bubog, ay wala siyang nakita pagdanak ng dugo na sing tindi ng sa labas.

"Wala ngang mantsa pero may bangkay naman," reklamo niya nang makita ang maputlang balat ng bangkay ni Bernard.

May namumuong itim na mantsa sa may bibig at ilong ng lalaki. May tila natuyo na pulang luha rin sa loob ng kanyang mata. Pero dahil sa tagal ay nangingitim na rin ito.