When Will You Start Bending Your Own Rule (kilig luha at saya ng umiibig book 2)

Second Meeting (part 3)

"Guys, allow me introduce Jensen, regular din sya dito tulad ninyo," pakilala ni Elias sa binatang katabi ni Charley. "Jensen meet my friends Bobby and Charley."

Tumayo si Jensen at ini-abot ang kanang kamay kay Bobby, nakipagkamay naman si Bobby sabay sabing: "Pleasure meeting you, Sir." Nang iabot ni Jensen ang palad kay Charley ay hindi sinagot ng dalaga ang pakikipag-kamay nya. Jensen clears his throat at muling naupo sa upuang inookupa nya kanina.

"I'm Jared." Tumayo ang isa pang lalake na medyo mas bata kay Jensen. Naka-upo si Jared katabi rin ni Jensen na nasa kabilang bahagi. Ini-abot din ni Jared ang kanang palad kay Bobby.

"Bobby Dominguez," pakilala naman ni Bobby sa sarili.

Magsasalita pa sana si Jared at kaka-usapin si Charley ng umentra si Jensen.

"Bobby Domiguez, People of the Philippines versus Allan Dimalanta?" Parang na-i-excite na sabi ni Jensen sabay turo kay Bobby. "You won the case, binangga mo ang napaka-laking kumpanya ng gamot, they had to pull out their products sa buong Pilipinas at pagkatapos ay nagbayad ang kompanya ng milyon-milyong charges." Naka-ngiting sabi ni Jensen kay Bobby.

"I gathered you're a fan." Mayabang na biro ni Bobby.

"Well, I am!" nagmamalaki namang sabi ni Jensen.

Iwinasiwas ni Bobby ang kamay sa hangin para sabihing, 'I was just joking' pagkatapos ay ipina-kilala nito ang kaibigang si Charley. "Meet my beautiful best friend Charley Mendoza."

Si Jared naman ang umentra sa usapan, "you're Charley Mendoza?" Parang nagulat na sabi nito. "Jensen that's Charley Mendoza!"

"What? Should it ring a bell?" Preskong sabi ni Jensen.

"Are you friggin kidding me?" Parang naasar na sabi ni Jared. "Dude, sya yung nagpanalo ng Professor nya sa college sa UP. Remember that Professor who suffered from Aids tapos gustong alisin ng eskwelahan? She fought for that professor and she won the case! Actually pinag-aaralan namin yung kaso mo sa eskwelahan." Sabi ni Jared kay Charley.

"So, you're taking up law sa UP?" Na-a-amazed namang sabi ni Charley kay Jared.

"Yes I am?" proud na sagot ni Jared. "I'm a graduating student, and gosh! I'm a fan of your work." Sabi nito kay Charley.

"It's nice to meet a fan." Biro ni Charley kay Jared sabay abot ng kamay nya dito.

"The pleasure is mine, and this is my brother, Kuya actually, Jensen, and I am Jared, we are Jensen and Jared Winchester." Nagmamalaking sabi ni Jared.

"Winchester?" Gulat na sabi ni Bobby. "Are you related to Sebastian Winchester?" tanong ni Bobby sa magkapatid.

"He's our father." Kimi ang ngiti ngunit proud na sagot ni Jensen.

"Unbelievable," sabi ni Bobby. "We used to work with him, dati syang nasa Ventura-Drillon until he decided na humiwalay. And from what I've heard kasama ka ng father mo sa law firm and I presumed pag naka-graduate itong si Jared sa law firm din ng father mo ikaw magwo-work."

"Well, the answer is pretty obvious." Sagot ni Jared sabay inom sa bote ng kanyang beer.

"Wow!" Sabi ulit ni Bobby na parang di maka-paniwala. "Your firm Winchester and Sons, sumisikat na din kayo, actually karamihan sa mga kalaban ng firm namin came from your firm."

"And we are both being lucky somehow." Sagot naman ni Jensen.

"Don't you recognize him?" Tanong ni Bobby kay Charley.

"I do actually," sagot ni Charley. Hinarap nya si Jensen sabay sabing: "You're Jensen Wichester, graduated top of your class, Summa Cum Laude, I think.  Number two sa bar exams sa buong Pilipinas six years ago. And from what I've heard hindi ka lang matalino, gwapo ka rin. And you dated woman once at wala kang sineseryosong babae." 

Bahagyang natigilan sina Bobby, Elias, Jared at Jensen sa sinabi ni Charley. Ano ang kinalaman ng "personal life" at "dating history" ni Jensen sa usapan? Pero nagpatuloy pa sa pagsasalita si Charley, "The famous Jensen Winchester is also well known with his cynical and conceited behavior, and of course, arrogant dahil wala ka pang natatalong kaso until Marack versus Delgado."

"Wow! That sounds like a bell," sabi ni Jensen. "And wait---" kunot ang noo ng gwapong binata nang tumingin kay Charley, "I won the case of Marack versus Delgado."

"Oh no, you didn't!" Mataray na sabi ni Charley. "You paid for Delgado para i-urong ang kaso, and for me that is not winning."

"Yes it is." Nagpakawala ng ngiti si Jensen, medyo pinapungay pa nito ang mga matang nakatingin kay Charley. "Paying the opponent is a grand way of winning the case, hindi ko na kasalanan kung pumayag si Delgado."

"And you didn't put up a fair fight." Mataray na sabi ni Charley. "You never gave my client a chance and I was not there when you offered Delgado the money."

"Wait . . ." nalilitong sabi ni Jensen, "that was you?"

"Uhm-hmm," tumango-tango si Charley. "If you played fair, you won't win that case Mr. Winchester." Mataray ulit na sabi ni Charley.