UNCONDITIONALLY (Spiker Series: season 3)

Kailangan

CAMILLE'S POV

Binisita kami ni mama. Hindi ko rin alam kung matutuwa ba ako o malulungkot sa gusto niya. Pareho kaming hindi nakaimik ni Cienne nung sinabi niyang susunod kami sa America.

"Ma, Bakit? Kung may kasalanan ako willing naman akong tanggapin ang consequences. Huwag lang tayong umalis" Si cienne yan.

"Hindi na magbabago ang isip ko."mariing sabi ni Mama. "Ayusin ninyo na ang mga requirements ninyo nang makaalis na tayo sa susunod na buwan."

Nagwalk out si Cienne. Sa aming dalawa, hindi ba't ako yung dapat naghihimutok dahil ako yung may maiiwang girlfriend dito?

Napabuntong hininga ako.

"May problema Camille?"

Umiling ako. "Miss ko na rin si Ate. Siguro okay lang to para magchill muna si Cienne."

Umakyat na ako sa kwarot ko.

Ngayon na mag-isa ko na lang sa kwarto ay saka lang nagsisink in sa akin ang mga pangyayari. Anniversary namin ni Carol next week. Nagplan kami na sa November na lang magcelebrate after ng pre-season games. Tapos heto.

Hay.

What to do?

Pinapunta ako ni Tito sa office niya. Nandun din si mama.

"Can you finish your modules until next month?" tanong ni Tito.

"Siguro po. Pwede namang e-mail na yung mga hindi ko matatapos."

"Kakausapin ko bukas ang admin para sa units ni Cienne."dagdag niya. "Is she okay?"

"Sino namang magiging okay sa sitwasyon."sagot ko. "Pero hindi naman kayo magdedesisyon ng hindi makakabuti para sa kanya. Damay lang ako. diba?"

"you are so clever."natatawang sabi ni Tito. "Pero I admit, masyado akong naging maluwag sa inyong magkapatid. You need your mom's guidance. Lalo si Cienne."

"Hindi naman kayo nagkulang Tito. Nagiging self-centered lang kami madalas."

 

--

"Kasalanan ko to lahat no?"humihikbing sabi ni Cienne. "Kung hindi ko kaya ginustong magkaroon ng pamilya, ibibreak ako ni Kim? Aalis kaya tayo?"

"Malay ko. Huwag mo nang sisihin ang sarili mo. Kasi sa tingin ko matagal na din gustong sundan ni mama si Ate. Hindi lang siya nagsasabi sa atin dahil alam niyang masaya tayo dito."

"Si Kim. Siguro magiging mas okay siya kapag wala na ako. Siguro kung hindi niya ako minahal mas napabuti siya. Hindi siya nasaktan."

"Ewan. Puro ka siguro. Naging masaya din naman kayo diba? Itreasure mo na lang mga memories niyo."

"Nasasabi mo yan kasi masaya kayo ni Carol."

"Hindi sa ganun. Pero kasi Cienne, wala ka nang magagawa e. Kung babalikan mo man siya sa tingin mo tatanggapin ka ulit niya? Knowing na baka isang araw maisipan mo ulit na gusto mo ng lalaki? Papaasahin mo lang siya e."

Natahimik siya. " Iba yung security na nararamdaman ko kapag kasama ko siya."

Wala na akong maisip na pwedeng magpagaan sa loob niya. Kasi ang bottomline, Kim can't give her the family that she wanted.

"Gusto mo bang mag-usap kayo ni Kim? Closure lang."

Umiling siya. "Hindi ko kaya."

"Bahala ka. Huwag kang mag-iinarte kung isang araw ipakilala ni Denise si Kim na girlfriend niya. Baka dumating yung panahong hihintayin lang niyang bitawan ni Kim ang feelings niya sayo."