Freaking Romance in Progress (Double Trouble Series #1)

POHEO 14

Chapter 14

Home

   

Tinulungan ako ni Romeo at ni Mang Chris upang maipasok sa loob si Colt.

Kino-contact naman ni Yaya Jupiter si Yaya Mars na naka-leave daw simula pa kahapon so that means walang kasama si Colt sa kanilang bahay.

Inabutan ako ng tuwalya ng isang kasambahay at pinainom ng mainit na gatas. Tinanggihan ko ang inumin at sinundan ang daan na tinahak nina Mang Chris kung saan dadalhin si Colt.

Kulang na lang ay mabaliw na ako sa mga nangyayari.

Oh, my god!

Sa isang guest room dinala si Colt. Pinahiga ito sa kama at kitang-kita ng dalawang mata ko kung gaano kaputla ang kanyang mukha. Buong katawan niya ay nanginginig.

Napasinghap ako. Nilagay ko ang aking kamay sa bibig ko. Napailing ako habang patuloy pa rin ang pagragasa ng mga luha mula sa namumugto nang mata.

"I-is he okay?" wala sa sarili kong sambit habang naglalakad patungo sa may kama.

Pagkatapos nilang mailapag si Colt ay agad na tumayo si Romeo at humarap sa akin. Maging siya ay basang-basa na rin. Pumapatak ang ilang tubig na nanggagaling pa sa kanyang buhok. Nagtangis ang kanyang panga, tila pagod na pagod niya akong tinignan.

"Don't you even try to do such stunts again! Are you out of your fucking mind?!"

Para akong batang pinapagalitan sa mga oras na iyon. Yumuko ako. Bumalik sa akin ang imahe ni Colt habang wala sa sariling nakabilad sa ulan.

Nagsimula na akong humikbi at hindi ko na kayang pigilan ang mga iyon.

Isang magaan na kamay ang humaplos sa aking likuran.

"Tama na iyan... Kailangan niyo nang maligo at magpalit ng damit. Baka pati kayo, e, magkasakit pa..." ani Yaya Jupiter na kakapasok lang din ng kuwarto.

Lumipat ang kanyang tingin kay Colt na halos magkulay lila na ang mga labi. Halos magunaw na ang buong sistema ko. Shit. What happened?

"Colt..." I cried.

"Mamaya na natin pag-usapan ang mga nangyari, Coleen. Umakyat ka na. Kami na ang bahala kay Vecinto."

I unconsciously nodded my head to Yaya Jupiter. Nauna nang lumabas si Romeo at inis pa rin.

Ilang segundo ko pang pinagmasdan si Colt bago ulit humarap kay Yaya.

"M-magiging maayos po ba siya?" I asked, hopeful.

Bakas din ang pagod sa mga mata ni Yaya ngunit nagawa niya pang ngumiti sa akin.

"Matapang iyang si Colt. Hindi iyan titiklop sa simpleng lagnat lang, hija..."

"Pero paano kung lumala pa ang lagnat na 'yon?!"

Desperado na ako. Their family is suffering a big crisis right now. He should look after himself!

Kung ayaw niyang paunlakan ang pag-aalala at tulong ko, tulungan man lang sana niya ang sarili! Heck, how could he be this reckless and childish?!

"Kailangan mo nang magpahinga. Bukas mo na lang bisitahin si Colt. Bilis na..." Yaya Jupiter pleaded more.

Sa katigasan ng ulo ko ay nagpatawag pa ng isang kasambahay para lang ihatid ako sa aking kuwarto. Kaya labag man sa kalooban ko, napilit nila akong paakyatin ilang sandali.

Medyo nagtagal ako sa loob ng bathroom dahil parang hindi ko na alam ang mga nangyayari sa paligid ko. Bahagya akong nawala sa sarili kaya mabilis kong in-off ang shower nang natauhan.