البداية
ماما.حياااة تعالي بحتي
انا.نعم ياماما
ماما.شوفي فالتلفزيون
انا.حييييه شنو هذا
ماما.رني علي خوتك شوفيهم وين راهو يقعدو متبعين هالكلام
انا.اوكي هي
"خديت النقال من عالطاولة وطلعت للجنان ابتاع المطبخ ورنيت علي يوسف"
يوسف.شنو ياحياة
انا.قالتللكم امي انتم وين
يوسف.فالمظاهرة
انا.هييييييه كان تصيرلكم حاجه
يوسف.مايصيرلنا شي صكري بيبان الحوش كويس راهو ابتاعي القبعات الصفر يزقبو عالحواشين وتوا نقول لسالم يقعد معاكم
انا.باهي باهي
يوسف.مافيش داعي تقولي لامك تو تخاف ولا حاجه قوليلها فالمزرعة
انا.اممممم به جيبلي شكلاطه وانته مروح
يوسف.مانيش
انا.تو نقول لامي انتم وين وخليها تمرض
يوسف.باهي باهي
انا.هههههه تمشيش الا بالتهديد
يوسف.اوكي.باي
انا.باي
"صكرت منه وبرمت علي بيبان الحوش صكرتهن وخشيت لماما"
ماما.هاا وين خوتك
انا.فالمزرعة كلهم شويه ويجي سالم يقعد معانا
ماما.اممممم اكيده مش فالمظاهرات
انا.تي وجوه مظاهرات هما علي اساس
ماما.باهي انت مش تبي تديري حلوة
انا.اها
ماما.فيش ترجي دام انه خوتك مش قاعدين عدي ديريها انا بنعدي لخالتك فتحيه جارتنا نكسد عندها
انا.امباه
ماما.اوكي بالسلامه
"طلعت ماما لجارتنا وانا كسدت شويه عالتلفزيون ورنيت علي مروة"
انا.الو ميرو شنجوك
مروة.تمام الحمدلله انت شنجوك
انا.مكسده وبندير حلوة شفتي المظاهرات والشباب
مروة.يستر الله والله خايفه
انا.باهي نتلاقو فالمدرسة
مروة.بابا قاللي مااظنش فيها مدرسة
انا.احسن بعدك ماعنديش نيه في امتحان الكيمياء
مروة.هذا ماهامك
انا.ههههههههه باي
مروة.باي
"صكرت منها وقعدت مكسدة وماعنديش ماندير بحتت لقيتها الساعه 4قلت خليني نصبي نبدا فيها🙈"
خشيت للحمام درت يديا وكرعيا وبعدها طلعت بديشمبر الحمام للكوجينه نبي ناخد ميه ورد نديرها عشان مايبقاليش حبوب.
فتحت التلاجه خديت الشيشه وقعمزت علي كرسي المطبخ وبديت ندير فيها علي كراعي بالمنديل
وفجأة بده الباب ابتاع الجنان يدق انفجعت ماعرفتش شن ندير قعدت مصبيه في مكاني ونبي نعيط شويه اللي كان يدق قفع الباب
انادغري عيطت وعديت نجري صكرت علي روحي في داري وكنت خايفه ومتوترة حسيت انها نهايتي وبعدها هدا الصوت فالحوش تميت نصنت شكله هرب وخرت من علي باب الدار وجيت يلا الدولاب
وانقفع باب الدار
انا.ووووووووووه
جا يجري غملي فمي
الراجل.اسكتي ولا حرف
انا.اممممم وخر اممممم وووووخر
الراجل.جتني وااتيه"وطوحني عالسرير"
انا.حرام عليك وخخخر حرام عل.....
"حاولت نقاوم نعيط ندير اي شي بس كان اقوى مني ومعش وعيت لشي الا قريب الساعه 6"
شكله بعد دار اللي يبيه فيا لم روحه وطلع
وسيبني.
نضت من مكاني واذكرت اللي صار فوطتي ملبزة وجسمي وبطني يوجعن فيا وشفت اثار علي رقبتي بديت نبكي بكييييت بعبرتي وقعدت خايفه لو انكشفت لو خوتي عرفو احتمال يقتلوني بس انا مادرتش شي هوا اعتدى عليا شن ندير
فكرت وفكرت وقررت اني نخفي كل شي وفالمستقبل يحلها حلال تو نلقا حل
نضت نبي نلم الحاجات وكان ظهري يوووجع فيا بشكل رهييب وبطني وصلت للحمام وبده باب الحوش يدق
حييي عليا😲هذا اكيده سالم جا
قعدت نجري حولت الفوطه طوحتها فالحمام ولميت الحوسه اللي فالدار ورفعت الحاجات الطايحات فالكوجينه وخشيت نجري للحمام غسلت عالسريع ولبست توتة كمام ومغطيه علي رقبتي والدق قعد يقوا اخرى اكيده رقتله
رفعت شعري بالمنشف وطلعت كنت نتوجع وجسمي يوجع فيا بس مانبيهمش يعرفو شي ولا يفطنو لشي
سالم.تي وينك ازح ساااعه اندق
انا.كنت نسبح
سالم.كنك انت مريضه؟
انا.اااه كني
سالم.وجهك اصفر ومخطوف وترعشي
انا حي علمه باين عليا شكله.لالا شكلي خديت برد
سالم.سلامتك تو نعدي نجيبلك بنادول برد
انا.اها باه
سالم.ردي بالك تفتحي الباب وصكري باب الكوجينه جماعت معمر راهم يزقبو عالحواشين
