منقووووولة
القصة للكاتبة ابتسام
و الرواية تنزل ع الفيس
و اسفة ع التأخير ..............
...............................................
قعمزت مع فارس رن نقالي"
فارس.منو
انا.رقم غريب
فارس.هاتي نرد
انا. تو انا نرد
فارس.هاتي انا تو نرد عليش ماتبيتيش نرد
انا.شن قلة الثقه هذاه درهت كبدي راك خلاص تو نرد
فارس مسكني من شعري.شن وراه الرقم نين تبينيش نرد ادوي
انا.ااااااه اطلقني
فارس طلقني وصبه.ادوي ياحياة ادوووويييي ادوي دوختيني معاك وحيرتيني وشككتيني ارقام غريبة طول الوقت يرنن وسكتت المرة الي فاتت قالي معليش هذي حياة ولالا يعني يعرفك وسكتت توا تبينيش نرد علييش شن وراه الرقم شن ورااااااه
انا عيطت.صاحبي الاخر
فارس.احترمي نفسك واعرفي شن تدوي
انا عيطت.خليت فيها احترام انت
"ورد الرقم يرن اخرى خذيت النقال وبحتت فيه كان الرقم نفسه الي هذك اليوم رد عليه فارس رديت وفتحت المايك"
انا.الو
الرقم.معليش حياة
انا.ااه تفضل من معايا
الرقم.انا عبدالحميد الي معاكم فالدفعة رنيت حبيت نقولك راهو دفعتنا تبي تبدى تمتحن لو تبي تلحقي وتبدي
انا.اهاا اهلين بيك انت رنيت من قبل صاح
عبدالحميد.اها رنيت اليومين الي فاتن لكن استغربت لانه رد راجل خفت نسببلك مشكله تراجعت
انا.لا ولايهمك زوجي راه عادي لو قتله وشكرا عالتنبيه اصلا قالتلي مروة بس منين جبته رقمي
عبد الحميد.زوجك؟ماهو انا سالت مروة عليك ليش ماتباشري وخديت منها رقمك
انا.اهاا شكرا عالاهتمام
عبدالحميد.العفو
انا.باهي بالسلاامة
عبد الحميد.بالسلامة
"وصكرت وحذفت النقال فالساس بقوتي"
انا.تفضل اختك الي عاطية رقمي
وصبيت خشيت للدار وصكرت الباب قعدت نبكي ليييييين طاب خاطري على حظي الاسود وبعدها لفيت شعري كعكه وطلعت للصالة القيته مش قاعد وحتى النقال ابتاعي بقاياه مش قاعدات درت اندومي وكليتها وقعمزت عالتيفي تفرجت لين فطنت لباب الحوش اصكر وفارس خش الساعه 12خشيت للدار شويه هكي وخش عليا
فارس.حياة
انا رفعت حاجبي وبحتت فيه
فارس.كنك تبحتي هكي
صبيت للدولاب طلعت فوطة وخذيت مخدته مديتهن لاه
انا.تفضل الصالة قدامك نبيش نشوف وجهك وبكرة الصبح تشيلني لحوش هلي
فارس.عنجد هذ نرقد في الصالة!
انا.احسن مانبات انا في حوش هلي وتعرفني لما نعاند على حاجة نديرها تو نطلعلهم على كرعيا
فارس.عنجد تعدي لهلك كنك انت
انا قعدت نعوج في صوتي.لو مديت يدي مرة اخرى عدي حوش هلك حيو انا اسف تحرمينيش منك غلطت فيك اصلا"عليت صوتي وقعدت نهزب" انا الي غلطت مفروض شعفتك عليها مدة يدك المرة الاولى وخليتك تحط فيها حق لكن عباطة وغباء الله غالب
فارس.للمرة المليون ماتعيطيش وانت تحكي معايا ووطي صوتك
انا.فارس لو تبي تقعد هنا اقعد انا تو نطلع للصالة المهم وجك نبيش نحقه
فارس.باهي اوكي خليك فالدار انا طالع
"وطلع بره الدار صفقت الباب وراه وخشيت رقدت نضت تاني يوم لقيته محوس المطبخ وطالع ضميته فكرت نرن على خوتي لكن كيف وانا دششت نقالي قعمزت عالتيفي وخلاص لين عالظهر فطنتله خش طلعتله كان جايب بيتزا من بيزا"
انا.شيلني لهلي
فارس.عليش
انا.عشان مديت يدك عليا للمرة الثانية
فارس.باهي اسف انت عصبتيني حقك عليا
انا.خلاص شيلني لهلي بيش معش نعصبك
فارس.تعالي تغدي وتو بعدها ساهل
انا.نبيش منك شي
فارس.فتلتيها كيف امس وفتيني معناها
انا.لاه ماجتنيش نية ناكل منك ومن نكددك
فارس قعد يبحت فيا
انا.فارس بلا كترت دوة شيلني لهلي ولا خليني نرن على خوتي
فارس.ياستي ازعلي في حوشك وانا نطلع ونسيبه لكي نجي فالليل بس
انا.لأ قلنا لأ شيلني لهلي راه والله نطلع بروحي
فارس صبه من كرسيا بعصبية.مشي لهلك حرجانة مافيش المرا الي بتطلع من حوشي لحوش هلها تطلع بورقتها ومن ذمتي بكل غير هكي لا افهميها هذي ياحياة ماعش بنعاودها
