#حكاية_حياة💛
20
علي.حياااااااة
"خش عليا في داري"
انا.نعم
"مسكني من شعري"
علي.شن قلتي للراجل
انا.قلتله اللي قلتا لاه دخلكش
علي.انت كيف تكسري كلمتي بالشكل هذا
انا.اطلقني راه نوريك اطلقني
علي.نطلقك؟؟تي نقتلك مش نطلقك
"وضربني كف"
نزلن دموعي ومسكت روحي.حول يدك ماتضربش حوووول
علي.لما نعطي للراجل كلمه ماتكسرهش فرخه كيفك فاهمه ولاااه فاهمه"وطوحني عالوطا وطلع"
انا.يامتخلف
علي.تو نوريك المتخلف"ورد صكر باب الدار خفت منه"
انا.شن تبي مني سيبني في حالي
علي.تدوي للراجل كلمة تانيه نقتلك وتطلعي للسوق تشري باقي حاجتك وتمشي معاه وتزوزي وتفكيني من وجهك سامعه ولالا
انا.به
علي.ماتمشيش الا بالعين الحمرة
"وطلع طبق الباب وراه"
غميت وجهي فالمخده وبكيت راسي وشعري يوجعن فيا ووجهي معلم فيه الكف حاسه روحي مخنووووقه عالاخر بكيت وبكيت نين فشيت غلي بعدها نضت ورنيت علي سالم
انا.الو
سالم.الو حيو شن جوكم
انا.كويسين طمني شن حال يوسف
سالم.كويس اول ماوصلنا داروله عمليه وحاليا جوه تمام
انا.واعي
سالم.اها واعي تو نخش نعطيه لكي
سالم.هاك تبيك حياة
يوسف.هاتها
يوسف بصوت تعبان.الو حيو
انا حاولت نمسك روحي.كي كي كيف حالك
يوسف.كويس انت كيف حالك
انا. كويسه*بصوت مخنوق*
يوسف.كنها حيوتي من مزعلها
اول ماقال حيوتي انهرت وبديت نبكي.نبييييك انا نبيييييك ليش هكي
يوسف.كنك شن صاير
انا.علي يبي يزوزني غصبا عني والعرس بعد20يوم عشان صاحبه مسافر
يوسف.اها حكالنه الراجل موفرلك حبيبتي كل حاجه ممكن ترفضي عشانها
انا نبكي.ضربني عشان قلت للراجل نبيكش
يوسف.لا معقوله الواطي هذ
سالم.كنه
يوسف.ضاربها ازح
سالم.معقوله ليش
يوسف.ماتبيش الراجل اللي جايها وعلي موافق وهيا قالت للراجل نبيكش
سالم.انته مدلعها عيب تدير هكي
يوسف.مادخلش هوا ليش يضرب فيها ازح
سالم.خلاص ادوي معاها وتو نرن نتفاهم معاه
يوسف.باهي به حيو معايا انت
انا.اها.معاك
يوسف.تو نرن عليه نتفاهم معاه علي موضوع مدة يده بس قوليلي ليش رافضه
انا جيت بندوي بعدها حسيته اللي فيه مكفيه.ربي يخليك ليا هكي بس خايفه نبيش
يوسف.تخافيش والله راجل كويس انا نعرفه
انا.ياريت
يوسف.خلاص كوني قويه لو مش عشانك عشاني انا
انا.حتى انته ابده عالج وروحلنا طيب
يوسف.باذن الله عندي عمليه اخرى فالعشيه وبعدها نبدو فالعلاج الطبيعي نين نبدا نمشي عليها كويس
انا.ان شاء الله
يوسف.يعني مش حنحضر عرس اختي الصغيرة
انا.تقول مزوز ارمله ولا مطلقه لاعرس لا شي يجي ياخدني بفيلو من حوش هلي
يوسف.ياريتني انا الارمله ولا المطلقه كان بياخدني واحد لكندا7سنين نقرو
انا ابتسمت من وسط دموعي.ههههههههههه
يوسف.عطيني امك نطمن عليها
انا.هاكها اهياه
"وخداته ماما وبدت تدوي وتبكي وبعدها صكرت"
يوسف.رنلي على علي
سالم.فكك تدويلش مش وقته
يوسف.رنلي عليه بس
سالم.هاك هه
يوسف.الو
علي.الو يوسف ناقصتكم حاجه
يوسف.لا الحمدلله انا ران علي حياة
علي.كنها
يوسف.من امتى نمدو في يدنا عليها نحنه
علي.لما تدير طروح وتكسر كلامي قدام الراجل نمد يدي عليها
يوسف.كان مش مزوزها غصبن عنها راهي مادارتش هكي والله لو اني عندك ماصار منه العرس علي مش كان الكبير خلاص والله لو تمد يدك عليها مرة اخرى نسيب العلاج ونجيك نتفاهم معاك انا راه
علي.تي احترم نفسك واعرف مع من تدوي
يوسف.اني قتلك انا*وصكر*
-------
ماما.هيا نطلعو نشرو باقي حاجاتك
انا.مزااال19يوم تو نكملو خلينا اليوم
ماما.لالا صبي هيا
انا.كلمي هدى باهي تجي معانا
ماما.باهي هي
"وكلمنا هدى وطلعنا لمحلات فيكتوريا سيكرت😉"
هدى.هههههههه كملنا حاجتك كلها
انا.اها
هدى.مزال ارجي هذينه لوشنز لازم منهن
انا.مش ضروري صدقيني
هدى.وعليش
انا.شي شي حطي
"وبدينه نمشو ونحطو وانا مش مدققه واجد ماكنتش حاسه بحماس العرايس"
#بعد_أسبوع
هدى.اليوم نعدو نأجرو الفيلو
انا.اها
ماما.تعرفن محلات معينات
هدى.في واحد فالدقادوستا اسمه&&&&تو نشوفوه بضاعته عالفيس خيااااال
انا.تمام هي
"وطلعنا طبعا كان يسوق بينا علي"
وصلنا غادي خشينه بدن يقلبن وانا مش مدققه نين شفت فيلو تقدرو تقولو فيلو احلامي من عند الصدر رسمه قلب وكله دانتيل وفيه من النص حزام لؤلؤ والتنفيجة كلها دانتيل ودوائر دوائر لؤلؤ كان اروع حاجه شفتها اول ماجت عيني عليه خديته وخشيت دار القياس لبسته وبديت نبحت في شكلي فالمرايه طلقت شعري وخديت تاج من اللي فالرف وقوانتي واكسسوار ولبست الكعب برمت عالمراية وكان شكلي يهبل كنت عروس
عروس في اجمال واحلى واروع شكل لها ناقصتها بس الفرحه اذكرت فارس بشكلي هذا ممكن لانه الوحيد اللي تخيلت روحي لابستله الفيلو كنت مرايفه عليه لنا تقريبا شهرين مادوينش ماتلاقينش ولا حاجه طلعت النقال ورنيت عليه ماكنتش نفكر كنت ماشيه ورا مشاعري وخلاص
فارس.الو
انا.سكوت.
فارس.الو الووو حياة لو هذي انت ردي
صكرت عليه وبديت نبكي خلااص شنو هالعيشه هذاه شنو هذا
صورت روحي.ودسيت الصورة فالخاص
وسلحت الفيلو وكل حاجه وصورتهن وطلعت
قررت اني مش حنلبسهن في عرسي لانسان انا مغصوبه عليه يانلبسهن برضاي ياما مش هنلبسهن بكككل
ماما.لقيتي حاجه
انا.لالا شوفن انتن انا لقيتش
هدى.شوفي هذا
فقعلي عليك مزغد.اوكي كويس احجزيه ياماما
ماما.قيسيه
انا.مش لازم خلاص واضح هوا
ماما.براحتك
"وعدت حجزاته ماما ونزلنا للسيارة وانا ساكته وخلاص روحت خشيت اطوحت عالسرير ورقدت"
وهدى ركبت لشقتها رنت علي سالم سكايب
--------
فارس.مروة
مروة.نعم
فارس.كيف حال حياة
مروة.كويسه عليش تسأل
فارس.اه لا شي لها فترة مختفيه
مروة.مش فاضيه توتي لعرسها
فارس بعياط وصدمه.عرسهاااا معقوله
مروة.اها
فارس.وبرضاها مزوزة
مروة.عليش تسأل
فارس.ردي عالسؤال
مروة.لالا غاصبها علي مسكينه
فارس.ازح*وخبط الباب*
مروة.اذكر انك عندك خطيبه وحياة مالكش علاقه بيها
فارس.نسأل عليها كيف اختي بس بطلي تفكير مريض
---------
هدى.الو.
سالم.الو
هدى.حبيبي
سالم.عيونه
هدى.مرايفه عليك امتى تروح
سالم.نكملو علاج يوسف ياغلايا بس
هدى.باهي نجي نقعد معاك غادي
سالم.مايصير شي انا نبي نطلع ونخش مع يوسف تبي تجي تبي تقيديه وتقيديني فالطلوع معاه
هدى.افففف كساد بلاك
سالم.حتى انا ممرايف عليك موووت لكن الله غالب
هدى.يصبرني الله شوف هذا👚
سالم.خزي ليش الطروح توا
هدى مدت شوربها.طروح شنو
سالم.تو نطلعلك من الشاشه
هدى عضت علي شاربها.شن بتدير
سالم.هابا كان نحكي شن بندير
هدى.باهي باي نبي نسبح
سالم.باي
"وصكرت منه"
يوسف.سالم
سالم.نعم
يوسف.رنلي علي مروة
سالم.حافظ رقمها
يوسف.اها092%&$&#&
سالم.تم اهو يرن نازل نجيب في قهوة انا
يوسف.جيبلي بالله
سالم.اوكي
"نزل سالم وشويه هكي وجمع"
يوسف.الو
مروة.من معايا رقم دولي.
يوسف.عرفتينيش
مروة.يووووسف حبيبي وينك ياعمري معقوله ماترنش بكككل نقعد مشغوله عليك هكي قهرتني والله متت قهر
يوسف.ليش مارنيتي انت انا المصاب راه
مروة.كيف بنجيب الرقم حياة قالت مش عندها
يوسف.اها باهي اهو رنيت عليك
مروة.رايفت عليييك😭😭😭شن حالك توا تاكل كويس ولالا صحتك كويسه كراعك تحس فيها
يوسف.الحمدلله لكن مرايف عليك مووت
مروة.حتى انا والله وكل ليلة نقعد نفكر فيك ونبكي نقول كنه مارنش كان مايقعد صايرتله حاجه
يوسف.خفتي عليا
مروة.اها
يوسف.نحبببك
مروة.وانا اشر منك
يوسف.شن جوكم غادي
مروة.نحنه تمام طمني شن جوك انته
يوسف.درت عمليتين وامس اول جلسه علاج خلاص قريب المرواحه العلاج الطبيعي حنكمله هن
مروة.اهاا باهي تروح طيب العرس نأجلوه
يوسف.لالا فيش داعي مزال هوا في6 يعني نكون روحت وكملت العلاج وكل شي
مروة.باهي الحمدلله
يوسف.خلاص سالم جا تبي حاجه
مروة.سلامتك حبيبي باي
يوسف.بايات ياقلبي
"وصكر"
سالم.شن جوها
يوسف.كويسه كنت مضايق عشان مارنتش عليا طلعت حياة ماتبيش تعطيها الرقم
سالم.هههههههه
يوسف.والله مش عارف كيف تبي تمشي حياتهن لما نزوزو هذين حياة حاسه انه مروة خاطفتني منها ومروة حاسه انه حياة مقاسمتها فيا رغم انه لو هنه الاثنين كل وحده تسيب الاخرى في حالها مش حيحسن ببعضهن بكل لكن هك
سالم.هذي اسمها غيرة صبايا
يوسف.هههههه بس فيها جو
سالم.اها مانحكيلك تعال شوف هدى فالعمل نقعد ندوي مع السكرتيرة تجي تجري تقعمز اي انثى ندوي معاها نلقاها مصبيتلي
يوسف.ههههه وراك وراك فالحوش والعمل
سالم.تي مره داراته نهار اسود عشان لقت الكسرتيرة رانه عليا الساعه11وبعدها السكرتيرة جت واعتذرت وقالت انها رايح منها النقال واللي لقاه كانت اخر مكالمه ليا فرن عليا
يوسف.تي باهي حولها وحط هدى
سالم.هدى مجالها محاسبه يصيرش منها سكرتاريه بكلل
يوسف.اهااا لالا نشتغلش مع مروة في نفس المكان مستحيل
سالم.هههههههه فيها جو راه
يوسف.مااظنش
سالم.وجهة نظرك
يوسف.خلاااص مليت نبي نمشي
سالم.تو اليوم جلسة العلاج الطبيعي
اكيده حيقيمو حالة الكراع ويشوفو تقدر تبدا تمشي ولالا
يوسف.اان شاء الله
#عند_علي
علي.الو
سهى.الو
علي.كيف حالك
سهى.الحمدلله وانته
علي.الحمدلله
سهى.تبي حاجه
علي.اه لا شي غير
سهى.اها ران تبي تهدرز
علي.لا خلاص صكري
سهى.هههههه عقد وحق ربي قولي نبي نهدرز معاك عادي يعني مش حتموت
علي.نبيش نهدرز معاك
سهى.انا اللي ميته عليك عاساس صكر هي
علي*صكر عليها*
علي.تو معقوله من ضربت يوسف مارنيتش عليها ولما نرن نعجن هكي استغفر الله
#تاني_يوم
نضت فالصبح وعديت للكوافير انا وهدى دارتلي ميش جا حلو علي شعري وقصت لهدى شعرها ودارتله صبغة
وروحت وفطنت لعلي وهوا مروح بينه تكا علي محل هدايا بس مدققتش حطنا فالحوش وعدى.
هدى ركبت للشقه وانا خشيت كالعاده رقدت
"هدى لبست كت ورقدت عالسرير ورنت علي سالم سكايب"
هدى بجعونه.حبيبي
سالم.غطا عيونه بيديه شنو
هدى.شوف شعري درته عند الكوافير
سالم.نبيش نشوف
هدى.شوفه كيف يتموج شوف
سالم.حرام عليك
هدى.ودايرة روج24ساعه غالي عليك
سالم.هههههه نصكر عليك راه
هدى.صكر عادي
سالم.يهونش عليا
هدى.👿👿
سالم.شن جو العمل
هدى.ضغط خييااالي ماسكه مكانك ومكاني ونروح نرضع اسو ونطلع مع حياة للسوق ولا كوافير ولا اي مكان نروح فالمغرب تااالفه نرن عليك وبعدها نرقد
سالم.ربي يعاونك كله في ميزان حسناتك حبيبتي
هدى.خلاص انا بنحضن مخدتي*حضنت مخدتها* ونرقد باهي
سالم غطه عيونه.استغفر الله
هدى.ههههههههههه
"صكر منها وعدى بيرقد"
يوسف.الو
مروة.الو حبيبي
يوسف.شن تديري
مروة.نوتو في حاجات عرس فارس
يوسف.اهاا ربي يتمم عليه بالخير
مروة.تبي حاجه نبي نصكر الشغل لفوق راسي
يوسف لالا سلامتك
"صكر منها شويه هكي وطلعله اشعار"
"رساله من *حبيبتي* على فايبر"
حلها طلعتله صورت مروة فخطوبة فارس لابسه فستان وردي قصير وميكاب ودايرة شعرها فلو
يوسف دزلها.💔😭
مروة.😌😌
"وصكر منها ورقد"
-----
علي.الو
سهى.الو😡
علي.انا جايكم فالطريق
سهى.تفضل😑
علي.تمام
"شويه هكي ودق الباب خش سلم علي باتها وشويه هكي وخست سهى سلمت وقعمزت وباتها طلع"
علي.تفضلي
سهى.حي محلاها تهبببل شكرا بجد
علي.سهى بنقولك
سهى.نعم
علي.انا كنت نحب وحده من قبل
سهى.😯
علي.وماتت وحاليا منسيتهاش لكن بجد بديت نتعلق بيك نبيك تخليني نحبك انا بجد معجب بشخصيتك وتفكيرك وكل شي لكن مشاعري نعرفش نعبر عنها خليني نحبك
سهى.اا ا اوكي فهمت عليك
علي.فهمتيني لاني نعرفش ندوي حتى فالتليفون مع بنت
سهى.وحبيبتك الاولى دويتش معاها
علي. قتلها السرطان قبل مانلحق نخطبها وندوي معاها
سهى.ربي يرحمها😯😳😢
علي.تبي حاجه انا طالع
سهى.سلامتك
"طلع علي من عندها وعدى شور البحر"
علي.شن نقول ولا نقول ولا نقول نبي ندوي علي اسيل اللي حاس روحي نخون فيها ولا سهى اللي مرة نقرب ومرة نبعد نعذب فيها معايا ولا حياة اللي رافضه الزواج وانا خايف عليها وفي نفس الوقت خايف نكون بهالقرار ظلمتها ولا امي اللي قلبها ضعف بكل ولا يوسف اللي حطيت اللي قدامي واللي ورايا عشان نسلك عمليته وعلاجه الطبيعي وقاعد نخدم ليل نهار بيش يرد المحل يصبي علي كرعيه ياربي خفف عليا راهو حملي كبييييير وشايله برووحي
"وصبى روح للحوش"
#ومرن_الايام
انا نوتي في روحي ومرة مرة نعيش دور العروسة بعدها نرد نذكر الواقع نتألم
علي يقرب من سهى ويبعد وهيا صابرة عليه وتحاول تحببه فيها
يوسف ومروة علي حالتهم ويوسف بدا فالمشي بالكروسه
وسالم وهدى نفس ماهما وهدى راقيتلها من السكرتيرة عشان تسال علي سالم واجد
#يوم_عرسي
فتحت عيوني فالصبح وادركت خلاص هذا اليوم المنتظر بديت ندكر في كلشي من البدايه هه قصتي يصير منها رواية فطنت للباب يدق.
انا.مننن
ماما.هيا يابنتي كان بتعدي للكوافير اطلعي
انا.نبيش نزوووااااااز قتلك نبيش
ماما.راه والله نكلملك علي توا بطلي دلع
انا.اضربوني اضربوني ودزوني لراجلي مضروبه باهي اصلا هذا ماناقص
ماما.يابنيتي خلاص بلا عناد والله راجل كويس
انا.باهي ياماما اني طالعه
ماما.اوكي هيا.
طلعت وشالني علي للكوافير وبعدها روح بيا لما جيت بننزل
علي.حياة نبيك تعرفي اني ندير في هذا كله عشان مصلحتك صدقيني وانت توا صغيرة تو تكبري وتفهمي وتعرفي اني نبي مصلحتك
انا.شكرا😊
"وخشيت للحوش قعمزت وكانن في صبايا وعشا وحاله زغاريت واغاني وانا مش معاهم بكككل قعدت نرجا علي نار نين قالو العريس جا طلعت ولبستني ماما ومروة وهدى البرنوس وبدن الصبايا يشتن اجعل ليلتها ضاويه كيف طريق الزاويه هههههههه ضاويه خرفن هنا عندكن.
ركبت للسيارة خايفه ومتوترة
مجدي.مبروك
انا.ساكته
مسك يدي كريتها منه ودسيتها في كمي
مجدي.مافيش داعي للخوف راجلك انا
انا.ساكته
مجدي.ردي قولي حاجه ولا متحشمه
انا.ساكته
"وصلنا للأوتيل نزلت منه للغرفه دغري صكرت علي روحي شويه هكي وبده يدق"
مجدي.حياة حلي حياااة تخافيش كل شي حيكون برضاك حلي نبي ناخد دبشي بس حياااة
"انا كنت فالغرفه نبكي وخايفه خلاص حننفضح كل شي حينعرف انا ليش وافقت شن درت في روووحي شن درت ياربي استغفر الله انا مش حنسمحله يمسني بس لأ انا بديت في شي لازم نكمل فيه فتحت باب الدار وووو
#يتبع
21
فتحت باب الدار
مجدي.اهو حليتي الباب
انا.مجدي أنا*وخديت نفس وغمضت عيوني*أنا
مجدي.اسسس*وحط يده علي فمي*
نحنه توا نتعشوا ونتفرجوا عالتلفزيون وبعدها ساهل
انا.بس
مجدي.فاهمك فاهمك حنخليك علي راحتك تخافيش
ابتسمت بنوع من الرضا وزفرت.أوكي شكرا
مجدي.غيري دبشك واطلعي هي
انا.حاضر
"خش هوا للدار خذا توته وطلع وانا مصبية فم الباب"
مجدي.نراجي فيك فالمطبخ
انا.😊😊😊
"خشيت لبست توتة ورديه كم ظابطه بكل بس كانت أستر حاجه فالشنطه اللي وتتها هدى"
مجدي.قمر طالعه قعمزي هي*ووخرلي الكرسي اللي جنبه*
زمطت ريقي.شكرا
وقعمزت يلاه وأعصاب المعدة يقطعن فيا عالأخر ناكل بالشويه
مجدي.صار شويه تأخير حنقعدوا هنا أسبوعين وبعدين نسافروا
انا.اها به
مجدي.احكيلي عليك
انا.شن نحكي
مجدي.يعني شن هواياتك
انا.الكتابة والقراءة
مجدي.قوليلي حاجة من كتاباتك
انا.جايبة معايا كتاب مكتوبات فيه مانطلعش بلاه
مجدي.صبي جيبيه نشوفه
انا.اوكي
*صبيت للدار طلعت المذكرة اللي اللي ديما نكتب فيها وجبتها*
مجدي.نقرا ولا تقريلي انت
انا.اقرا انته
بدى يبحت فالكراس ويقرا وتعابير وجهه تتغير
مجدي.جاك فارس
انا.شنوو😳
مجدي.هنا كتبتي وقعت في حب فارس ذلك الفارس
انا.وين
مجدي.اهو
انا.اهااا لالا نقصد يعني فارس الاحلام ابتاع البنات وهكي
مجدي.يعني مش واقعيه
انا.لالا مش لازم كل شي نكتبه يكون واقعي الموضوع خواطر ممكن تعبر عن حالة انا شفتها
مجدي. اهااااا وشن هالشي اللي مكدر حياتك ومخليك متنكده
انا.كيف
مجدي.هنا وهنا وهنا السر اللي دويتي عليه واليوم اللي سلبت فيه منك الحياة والحاجات هذينه شن تقصدي
انا.تبي تعرف
مجدي.اكيد انا راجلك توا ونبي نعرف لو الشي يأثر فالمستقبل
انا.حاجه من الماضي هيا وت
مجدي.طالما من الماضي يبقا نبيش نسمعها فوتي
انا.لالازم
مجدي.خلااص فوتي مش لازم
انا.بس
مجدي.صبي نتفرجوا
انا.باهي نضم الحوسه هذي بس
مجدي.اوكي علي ماوتيت فلم
انا.تمام
"طلع وانا بديت نحوس ياربي كيف بنقولها لاه كل مانلم شجاعتي ونجي بنعترف يوقفني شنو هذا بس مزال قدامنا اسبوعين هنا تو نعترفله اكيد مش حيصبر اكثر من اسبوعين"
طلعت لقيته جايب بطانية ورديه وحاط فلم رومنسي ومطفي الضي اسبوعين هه هذا ماصبرش ساعتين
مجدي.قعمزي علي ماجيت هي
انا.اوكي
"قعمزت وتغطيت بالبطانيه رغم أني فاهمته شن قصده بس مشيته شويه هكي وجا رفع البطانيه وخش جنبي زر بطمة التشغيل وبدينه نتفرجو طبعا أنا كنت أجمد من أي كائن حي حط يده علي كتفي ماعدلتش جن لقطات رومنسيه نتفرج ببرود كانه سبونج بوب كمل الفلم ولع اللي بعده كان رعب
*نذكركم عراس 2015نهار يعني هنا توا الساعه9فالليل*
انا.فوتهن نحبهنش افلام الرعب
مجدي.لالا خلي سمح
انا ياواطي عاساس نمسك فيك وجو والله ماتحلم.به خليه عادي
*في نص الفلم*
ماسكه في مجدي بيديا الاثنين وراسي في صدره.مجددييي والنبي غير يخوف غيييااااااار
مجدي.ههههههه خوافه اهو وقفته تمثيل راه
انا.نحبهنش الرعب
مجدي.ههههههههه وقفته شن نحطوا
فطنت لروحي وخرت وقعمزت كويس
انا.نبي نرقد
مجدي.نعستي
انا.اها
مجدي.اوكي خشي للسرير أنا مزال
انا في عقلي شن دراني بيه شن يدير.وين بترقد
مجدي.ههههههههههه قتلك كل شي برضاك خشي بلا هبال
انا وطيت راسي وتحشمت.به
"خشيت للسرير رفعت الورغان خشيت تحته وبديت نتقلب الافكار محاصراتني من كل جيهه مش عارفه شن ندير كنت عابيه اني نقوله كل حاجه من اول ليلة وخليه يطلقني ويشيلني لهلي وينهي كل شي لكن هذا يماطل فيا عاساس خايفه
ياربي خطر بين عيوني فارس اكيد علم انه اليوم عرسي زعمك حس نفس احساسي لما سمعت بخطوبته ياربتني دويتله ولا وافقت عليه اقل شي هذكي يحبني يعني في امل ولو1فالميه انه يقبل بيا بس مجدي زعمك يقبل بيا ولا يطلقني ولا شن يدير بالظبط حسيت التعب ابتاع النهار والظغط كله رد عليا رخيت راسي عالمخده فكيت المساكه ورقدت
"مجدي"
خشيت وكانت راقدة وشعرها لاصق في وجها ومطلوق عالمخده يلاها تعابير وجها مرتخية بطريقة طفوليه بكل ولافة روحها بالورغان شكلها يضحك كيف السندوتش لفيتها من الورغان وفكيته من عليها وصقمتها عالسرير وغطيتها وتغطيت معاها ورقدت الحق ماجانيش نوم بديت نتأمل في شكلها وخلاص بدت تبرم وتلف مرة يمين مرة يسار وفالاخير بكل دنيت علي حافة السرير وهيا التفت زي العيل الصغير لمت كرعيها وحطت يديها قدامها ونزلت راسها وسكنت معش تحركت بكل
مجدي.وانا كيف بنرقد ياهمي.
وصبيت جيت من السرير من لوطه ورقدت
#أنا
نضت فالصبح وانا ملتفه في نص السرير زي الجنين بس كراعي كانت علي حاجة رطبه رفعت راسي وو حي علمه لقيت مجدي راقد من غادي وكراعي علي بطنه كريتها ولفيت الورغان عليا وقعمزت وسط السرير تي شن جابه مفروض رقد برة نضت خشيت للحمام وطلعت وجعني حاله راقد بين الفراش ولوحة السرير
انا.فار مجدي مجدي
مجدي فتح عيونه بشويه.نعم
انا.صبي اسقم عالسرير نضت انا
مجدي.لا خلاص اصلا بننوض
انا.باهي نوض علي ماوتيت الفطور
مجدي.تمام
"خشيت للمطبخ وبديت ندير فالفطور حطيت بريوش وقشطه ونوتيلا ومربى وصبيت عالمرمرة نقصص فالبريوش
مجدي لصق فيا من لاورة و باسني علي خدي.صباح الخير
انا وجهي سخن وانحمر مرة وحده.ص ص صباح النور
مجدي حط يديه في وسطي.شن دايرتيلنا الفطور
انا.حاجات حلوة
مجدي.بتقعمزي انت فالتبسي يعني
انا.ممكن توخر نبي نحط الحاجات
مجدي كرني من وسطي للسفرة.حطي هي
حطيته.اوكي تمام قعمز هي نفطرو
مجدي وخر بيا وقعمز عالكرسي وحطني في كتره
.انا. حول نبي نقعمز نفطر
مجدي.تو نفطرك خليك في مكانك
انا.م ما مانعرفش
مجدي.انا نعرف هه*وغمس بريوش فالنوتيلا وحطلي في فمي*وخذا وحده حطها في فمه
مجدي.شفتي كيف نعرف
انا.اها شبعت خلاص
مجدي.أوكي يعني طروح الكيوت اول ايام العرس بس مش لدرجة قرمة نوتيلا تشبعك مش مزوز فارة انا
انا ضحكتني من جدي بديت نضحك
مجدي.شكلهم قايليلك ديري طروح الرقي وهكي
انا.هههههههه
مجدي.ضحكتك تهببل كأنك طفله
انا.شكرا
مجدي رفعني من وسطي وبده يبرم بيا فالحوش وانا ماسكه فيه ونبحت في عيونه ومبتسمه قعد ويقول.عيونك يهبلن شعرك يهبل جسمك ضحكتك فمك*وباسني علي فمي*ووثقافتك وكتاباتك وشخصيتك كلك علي بعضك تهبببلي*وخش بيا للدار حطني عالسرير
انا دغري وخرت وصبيت
مجدي.مزلتي مش متقبلتيني
انا.لا مش هكي بس
مجدي.اوكي عادي فاهم عليك براحتك
"وطلع من الدار"
قعمزت عالسرير وبديت نبكي علي هالحظ شنو هذا عليك حياة والله كويس ويهبل ومايستاهل نرده بهالطريقه
مجدي خش.خلاص حيو مافش داعي للبكا نرجاك حتى سنه انت صغيرة وطبيعي تخافي اهدي خلاص ووعد معش نظغط عليك ولا نديرك انت لما تريحيلي وتحسي روحك حبيتيني قوليلي
انا.انته تحبني
مجدي.تقدري تقولي ااه كنت معجب بيك وتوا بديت نحبك
انا.اها😊
مجدي.نطلعوا ندهورا
انا.مش مفروض نعدوا لهلك
مجدي.لالا مش دايرين شي هما
انا.اوكي معناته نلبس ونطلع
مجدي.تمام*وفتح الشنطه طلع سروال أمريكي وسورية سودة ونظارات*
ماكانش طرف زي فارس بس كان شيك عالاخر ييي عليا ليش نقارن فيه بفارس
انا.ستايلك فاللبس حلو
مجدي.من جد
انا.اها والله حلو
مجدي.باهي طلعي دبشك هي
انا.نعدي نضم حوسة الفطور قبل
*وطلعت نجري*
مجدي.هههههههههه
قعدت نلم فالسفرة فطنتله خش من عطره
مجدي.كملتي
أنا.اهاا كملت وبرمت عليه الشعر النظارة اللحية العطر اللبسه ذبت بمعنا الكلمة
مجدي.ايييي وين رحتي
انا.ااه معاك معاك
مجدي.طرف راجلك
انا.ههههههه حلوة طرف ماشيه معاك
مجدي.طبعا مش مجدي
انا.ههههههه ياواثق
مجدي.لا مش واثق مجدي
انا.معش تعاودها سامطه
مجدي.بت راجلك انا مش صاحبتك
انا.ماهو عشان راجلي*وسكتت شويه نتأمل فالكلمة أول مرة نقولها*
مجدي.كملي ليش سكتي عجباتك
انا.قتلك ماهو عشان راجلي قتلك معش تعاودها عشان مستقبلك مايريحش
مجدي.ههههههههههه الحناطه هذي نهايتها مش حتكون طيبه
انا.😳😳
مجدي.عدي البسي علي ماسخنت السيارة
انا.اوكي
مجدي.نرجا فيك
*نزل هوا وانا خشيت للدار متلخبطه وافكاري متخبطه بس كردت كل شي من بالي وقلت خليني نستمتع شويه نين يجي وقت الجد نقوله*
لبست سروال جينز امريكي وبلوزة طويلة ورديه وعليها جاكه زرقة ووشاح بيج وقبال بيج وحطيت قلوس وايلاينر خفيف وطلعت من الدار بخيت عطر ونزلت من الاوتيل للسيارة دغري
مجدي.كيف صار انت من والمشفشفه اللي فالحوش وين
انا.قصدك نضحك توا*بتعابير مشمئزة*
مجدي.هههههههههه طرف طالعه
انا.☺☺☺
مجدي.تو كانهي تشفيطه راه لسانك7متر
انا.هههههههههه وين بنعدوا
مجدي.مش عارف نلفوا طشة ونروحوا ماعندنا وين نعدوا
انا.اوكي
"قعدنا نلفوا وبعدها درس بينا عالبحر نزلنا"
انا.منظر يهببل
مجدي.اها قعمزي خلينا نهدرزو
انا.بس صقع
مجدي.لو تبي ندفيك مافيش مشكله
انا.هههههههه
رقد علي ظهره وانا مقعمزة جنبه ونبحت فيه برمت ورايا لقيت سيارة مدرسة ورانا عرفتها سيارة من اسفه ياحبيبي اسفه ياروحي اسفه ياالي قهرتني وقهرتك اسفه ياللي كسرت قلبك اسفه ياللي خليت سوء تفاهم يخرب علاقتنا اللي مابدتش اصلا اسفه ياللي بسبب حبنا تعبت جسمي بقلة الوكال واعصاب المعدة ولما جيت بنعترفلك ونبدوا حياتنا من جديد جسمي انتقم مني ومنك باقصى طريقه
مجدي.وين ساهيه ياسمحه
انا.ولا حاجه نبحت فالطريق فاضيه بكككل وين شايلنه انته
مجدي.منطقه هذاه مازال ماوصلنش فيها الشاليهات
انا.اهااا
مجدي.ارقدي مافيش حد يجي هنا راه عادي
انا.به*ورقدت عالرمله وهوا مزال ماسك يدي سمعت تمتيع سيارة ورانا*
مجدي.شنو هذا
انا.شكله واحد مخطم
مجدي.شكله
*وقعدنا ساكتين انا نخمم في فارس وهوا مش عارف فيش يفكر*
انا.مليت هيا نروحو
مجدي.نوضي هي
"ركبنا للسيارة وطلعنا نين وصلنا لمطعم"
مجدي.نطلبوا وناكلو فالحوش ولا ناكلو هنا
انا.لالا فالحوش
مجدي.تمام معناته تو ننزل نجيب تبي حاجه معينه
انا.فوت حاجة الدجاج نحبش زفرتها لحم خير
مجدي.باهي تمام
"نزل شويه وركب"
مجدي.جبتلك همبورغة وشاورما لحم
انا.تمام به😃
*ولع السيارة وبده يمشي*
مجدي.تعرفي تسوي
انا.ههههههه نوعا ما اها
مجدي.اها يعني
انا.يعني حاجة الطبيخه والمكرونة وهكي لكن مبوخ وبازين لا
مجدي.وكنك ماتعلمتي ياحنه
انا.امتى بنتعلم فال20يوم الخت فت هذين*جت بطريقة تهزيبه*
مجدي.راقيتلك عشان مادرنش عرس وهكي انا والله لو نعلم انهم حيأجلوها المشيه اسبوعين اخرى كنت عطيتك وقتك ودرنا عرس لكن الله غالب ماعلمتهش الا يوم الزفه فالصبح
انا.عادي مش مهم
مجدي.وعد بعد نوصلو لكندا نديرلك عرس غادي
انا.ههههههههه بتجيب علي العريبي. لكندا
مجدي.وعليش علي العريبي
انا.كان خاطري في عرسي نجيبوه هوا و نادية ستار فيهام جو
مجدي.ههههههههه جو بيئه بكل هذا
انا. بنسالك هلك ليش ماشفتهمش بكل
مجدي.ماما مريضه وخوات ماعندش وخوتي اصغر مني مش متزوزين
انا.يناااري وامك من يعاني فيها توا
مجدي.دايرلها ممرضه وشغاله ويشرفو عليهن خوتي
انا.مش قلت صغار
مجدي.صغار مش واجد يعني فرق بيني وبينهم واحد سنتين وواحد 4سنين
انا.وامك بشن مريضه
مجدي.ماما جايها شلل رباعي
انا.تيالي لو يوسف سمعك تقول ماما كان حيلغي الزيزة بكل
مجدي.هههههههههه وليش
انا.هكي مايحبوهش الكلمة هذذي حتى انا يعلقوا عليا لما نقولها
مجدي.شن فيها يعني ماما
انا.حتى انا منحبهش لعلمك
مجدي.عليش
انا.حسيه سحنون ودلوع اللي يقول فيها ومرخي.
مجدي.وتحسي فيا هكي انا
انا.لالا الحق عشان هكي استغربت
مجدي.تبديش جاهله وتربطي.فالرجولة بالكلمات
انا.بشويه بس راهو نبصر نقصدش.يعني
مجدي.اوكي وصلنا انزلي هي
"نزلت وخشيت للاوتيل وركبنا"
مجدي.ندوش انا وتي العشا باهي
انا.أوكي
"خش للدوش وانا خطر عليا نقالي فتحته لقيت36مكالمه من مروة رنيت عليها"
انا.الو
مروة.باهي اللي رديتي من اول ماطلعتي وانا نرعش عليك نقول شن يصير فيها البنت بنموت بالخوف
انا.مزال ماصار شي كل مابنقوله مانقدرش
مروة.وهوا ماقربكش ولا قرب
انا.قرب شوي انا وخرت قاللي براحتك
مروة.باهي بعدها
انا.مش عارف
مروة.نقولك حاجه ماطليه علي قددد ماتقدري نين تسافروا اقل حاجه يمشن حتى شهر ولا اتنين وادويله بلكي تلتم عليه الغربه والبعد والمدة يستر عليك ويصدقك وحتى كان طلقك تروحي هوا بعيد مش.حيدوي.وانت هنا قولي ماتفاهمنش وخلاص
انا.هكي حقارة
مروة.العالم كله حقير ياحيو تعلمي منه وكوني زيه بيش تعيشي
انا.شن اخبارك انت ويوسف وشن اخبار فارس
مروة.هههههههههه تي اول امس كنتي معانا
انا.بس لنا فترة مادوينش وهدرزنا
مروة.انا ويوسف ندقو مع بعضنا نرجو فهالايام يمشن وخلاص بيش نديرو العرس وكله فارس عرسه معش مزال عليه واجد اسبوعين ولا تلاته
انا.ربي يهنيه
مروة.ويهنيك ياااارب والله امس واليوم نصلي وندعيلك
انا.رايحة طيبه
مروة.كيف يعني
انا.من قبل كلامك يسم فيا سم
مروة.حيو حرام عليك انت انسانه عاطفيه لو اني ماكنتش نعطي فيك هالكلام السم راكي سرحتي وحصلتي
انا.بس اني توا حاصله
مروة.ماكنتش متوقعه انك تزوزي غصب
انا.بس والله كويس وطيب ويهبل حبيته
زعمك يرضا بيا
مروة.حاولي تحببيه فيك انت فهالفترة
انا.مهما كان يحبني مستحييل واحد يرضا بوحده*وبرمت لقيت مجدي لابس الديشنمبر ومصبي فم باب المطبخ ويبحت فيا*
#يتبع
