#خكاية_حياة
حلقة24
فارس.مروة كيف حال حياة
مروة.كويسة الحمدلله
فارس.رنيتي عليها بعد العرس
مروة.رنيت كم مرة ماردتش
فارس.اهاا باهي ربي يهنيها
مروة.تيالي بتسافر معاه اليومين الجايات
فارس.هيا قالتها لكي
مروة.اهاا بس مش عارف اذا سافرو ولالا اهي ترن سبحان الله
فارس.ردي عليها
مروة.بندوي معاها في داري😐*وصبت للدار وصكرتها*
#فارس
مش حنقول شي الا اني حقير ونذل وحياة ماتستاهلنيش لاني بدال مانحارب عشانها ونفهم منها تخليت عليها عشان عقدي الشرقيه ان شاء الله ربي يوفقها مع مجدي ويكون كويس ويتفهمها ويحبها💔 بس اقل شي نبي نسمع صوتها ولو مرة وحده.
انا.الو
مروة.الو طمنيني عليك شن صار عرف وشن درتي ولا ماعرفش وشن صار .
انا تنهدت.سمع كل حاجه من مكالمتنا وحكيتله كل حاجه
مروة.وشن دار
انا.قصة طويله المهم قاللي بيسترني
مروة.الحمدلله طلع كويس
انا.اها
مروة سمعت صوت دوة بعدها اصكر النقال
مروة. كنها صكرت شكله فيش تغطية
#عندي_انا
مجدي.طمنيه قوليله غلطتك تحملها غيرك وامتسحت فيه*ومسكني من شعري*
"صكرت علي مروة دغري"
مجدي.يعني راضي بيك وساتر عليك واخرى تطمني فيه تكلمي فيه وانت علي ذمتي ارجي نين نطلقك و&&&& معاه زي ماتبي*وطوحني خبطت فالساس وطحت عالوطا*
طبس عالنقال خذاه وحل عالمكالمات ومن الحاجات العبيطه اللي دايرتهن انه يوسف قايلي تسمش مروة باسمها في نقالك بيش كان راح النقال محد ياخد الرقم فمسميتها مراد
مجدي.انت حقيرة احقر انسانه شفتها في حياتي مش مقدرة اللي درته عشانك بكككل انا دايرتيني بقرووووووووونااااااي*وخبط الزيانه طيح اللي عليها كصره وطاحت المرايه*
خفت منه وخرت لصقت فالساس ولميت كرعيا وقعدت نرعش
مجدي.حرام عليييك والله حرام علييييك انت خسارة فيك كل حاجه خسارة فييييييك*ومسك الكرسي ابتاع الزيانه رفعه*
انا.لا ورس مجدي لااا والنبي لاااااا
والله راك فاهم القصه غلط والله
مجدي طوح الكرسي عالوطا تكسر لين عيطت .شن اللي غلط ها شن اللي فهمته غلط
انا نرعش ونبكي.القصه اني
مجدي.انت قصصك واجد وااااجد وانا مانتحملهنش
انا.باهي افهمني بس
مجدي.ادوي ها اكذبي اخرى نجيبلك المصحف تحلفي عليه اخرى اللي يحلف مرة يحلف ديما
انا.رن عالرقم وشوفه كان سمعت صوت راجل ادوي
مجدي.مزلت بنرن عليه سي مراد انا ونساله مراتي اللي حضرتك &&&& مزالت تكلم فيك ولالا
انا قعدت نعيط.رن علييييييييييه
مجدي.مش انا اللي نرن انت ترني
انا.بس
مجدي.بس شنو
انا.كل الموضوع انه انا كنت يوسف قاللي مرات لو انسرق النقال حد ياخد الرقم عشان هكي مسميه صحبتي مروة لانها مراته مراد والاسماء ابتاع البنات في نقالي كلهن هك
مجدي.تي نسمع فيك تقوليله ستر عليا
انا.لانها هيا الوحيدة اللي عارفه بقصتي والله
مجدي.ياعيني يعني اخرى عالاثر مخليتيني بقروني في من عارف اني بيهن هذا على افتراض انه مراد طلع مروة طبعا
انا.رن عليه وتأكد
مجدي.عدي اغسلي وجك وبطلي بكا ورني انت بصوت طبيعي
انا.ب ب به*كانت شادتني العبرة*
" صبيت للحمام غسلت وجي ورديت لقيته فالدار مقعمز عالسرير مدلي النقال"
مجدي.تفضلي رني عليه
انا خديته ورنيت.الو
---------------
فارس ضبحلها.مروة
مروة.نعم
فارس.مزلتي تدوي مع حياة
مروة.لالا صكرت
فارس.باهي ديريلي حاجه ناكلها ميت جوع
مروة.اوكي به
"وصبت طلعت من دارها للمطبخ خشيت للدار دغري خذيت النقال لقيته مرمز قعدت نحاول نفتحه بس طلعلي"
حيو تتصل بك قررت نرد نسمع صوتها ونصكر بس لما ماسمعت صوتها ماقدرتش
انا.الو
فارس.حياة
انا اول ماسمعت صوته قعدت نبكي.
فارس.اسف والله ماكانش لازم نرد علي نقال مروة بس كنت نبي نسمع صوتك انا عارف اني قهرتك وقهرت روحي لما سيبتك بس في وقتها انعميت وماكنتش عارف شن قاعد ندير يوم عرسك بس عرفت عرفت اني خسرتك نتمنا انك تحبي راجلك ويتقبلك وتتفاهمو وتقدري تكملي معاه وتنسيني اما انا فعارف روحي مش حننساك لانه وحدة زيك ماتتعوضش اسف*وصكر*
ماكنتش عارفه علي شن نبكي ولا نبكي ولانبكي علي راجلي ولا حياتي ولاحبيبي ولاحظي ولا شنو بالظبط
مجدي.انا توا فهمت هذا طبعا صاحبك القديم اللي$$$واخته ستي مروة تعلم وزوزتيها لخوك بيش تستر عليك وتاخدك لخوها ولما ضمنت انها خدت خوك فاتاتك هيا وخوها وخدتله وحده تانيه وانت خديتيني بيش تمسحي عارك وتوا داير طروح النادم بلكي ترديله ويكسد معاك لعند يجي وقت عرسه ويزوز صااح ردي عليا صاااااااح
انا بحتت فيه تبحيته ابتاعت ملل اكثر منها خوف.تبي تضرب تفضل تبي تعيط وتكسر الجناح قدامك وانته بتدفع فلوس للسيرفز وغصبا عنك تبي تسمعني وتصدقني اهلا وسهلا ماتبيش وتبي تطلقني كويس برضو انا معش فارقه معايا معش فارقه معاياااااااااااااا
وقعدت نعيط علي صوتي وصارلي انهيار عصبي
#مجدي
رنت عالرقم وانا اشر منها نتمنى انه ترد صحبتها لكن اللي رد واللي سمعته كان كارثة صح وضحلي انه الرقم والنقال نقال صاحبتها لكن خوها اللي رد قال كلام دليل على انه كان في شي بينهم ومن كلامه فهمت كل شي وفهمت قصتها كلها وقلته لها واللي داراته انها قالت كلام بلا مبالاة وعصبني وبعدها بدت تندب وتعيط وجاها انهيار عصبي واغمى عليها معش عرفت شن نديرلها كرهتها خلااص بس مش قادر نشيلها لهلها ونفضحها مش هاينه عليا رغم انه فعلتها تستحقش شفقه بس استغفر الله وخلاص طبست عليها شمرتها حطيتها عالسرير وقعمزت يلاها نبحت فيها امتى نبي نتخلص من حبي لها انسانه زي هذي ماتنحبش ماضيها اسود لكن بلكي كلامها صح مستحيل اصلا مفش اغتصابات في بنغازي وبعدين المكالمات وكل حاجه كلهن يدلن علي شي واحد انا لازم نشيلها لهلها ونتريح بس انا عذبتها وضربتها وتعبت نفسيتها اللي درته فيها سادها بزيادة يعني وخوتها مش حيديروا خير وهيا مش ناقصها بحتت فيها كانت تتمتم وبعدها بدت تبكي وتعيط شكلها غريب وتقول في كلام مش مفهوم وكانها تجري صوابعها مغروسات فالغطا وتضغط عليهن وجسمها كله يعرق خفت عليها بعدها نطت بروحها وعيطت وبحتت يلاها لقتني متربع جنبها عالسرير ونبحت فيها واللي داراته توقعتش بكل
بحتت فيا وهيا تبكي وبعدها حطت راسهل في صدري لمت كرعيها لصدرها وبدت تبكي ماقدرتش ندير اي ردة فعل تميت مستك ونبحت فيها وخلاص منظرها طريقتها البنت هذي غريبه حتى دموعها مغريات لقيت روحي ماسكها ونمشي في يدي علي ظهرها وماسك شعرها اللي كان خيالي رغم اني كنت ديما نقول نبي مرا شعرها ناعم لكن شعر حياة خيالي اللون الطول الكثافه السواد كانه غابه حاجه خياليه بستها علي راسها زادت تبكي اخرى
مجدي زفر.خلاص بس
انا.انته والله
مجدي.اسكتي ماتدويش وتعصبيني خلينا هاديين وخلي هالليله تمشي
انا.سكتت وخداني النوم
نضت ولقيته راقد عالسرير وانا علي صدره ويديه ورايا هه اللي يحقنا يحسابنا اثنين متزوجين وسعداء وحياتنا تهبل لكن شن جابني هنا انا اصلا اخر شي نتذكرة عركتنا ياربي شنو هذا وفارس ااااه يافارس ليش بس ليش قهرتني وقهرت روحك لكن انا اللي قهرتك وبهدلتك الاول ياربي شن دايرة في عمري نين يصيرلي هكي بس💔
جيت بنصبي كان شاد عليا
مجدي.ردي ارقدي
انا.نبي نصبي
مجدي.نبيش ننوض مزال وما نفتحوش قصة امس اخرى خليك في مكانك احسن لك وليا
انا.يعني راقيتلك مني وضاربني لكن تبيني نرقد علي صدرك
مجدي.خير من ترقدي فالشارع صدقيني
انا تنهدت وسكتت وهوا معش تحرك رد خداني النوم اخرى نضت لقيت روحي بروحي وهوا طالع قعدت نلف فالشقه رن نقالي ماكنتش حنعاود الغلطه مرة اخرى تأكدت انه باب الشقه مصكر ورديت علي مروة
مروة.كنك صكرتي
انا.فيش تغطيه ماجاتكش مني رنه
مروة.لالا
انا.صكري
مروة.باي😕
"صكرت منها وانا مش عارفه شن اخرتها معاه"
الجناح دمرناه مش عارف كيف بيدفع حقه بس الدار تدششت والصاله"
ملل بكل فتحت النقال وحليت فيس باليبيانا كسدت عليه وبعدها فطنت لمكتبة في وسط الشقه فتحتها لقيت فيها كتب واااجد بديت نقرا ونقرا ونقرا حبيت القراءة كانت عاالم تاني عالم جديد وحلو
#عند_سالم
السكرتيرةفالفون.أ.هدى يبيك سالم في مكتبه
هدى.غريبه قبل ديمه يرن عليا لما يبيني
السكرتيرة.قاللي كلميلي أ.هدى مري عليه
هدى.تمام راكبتله
"صكرت وعدت للأصنصير ركبت3دقايق كانت فم المكتب حلت الباب ولقت السكرتيرة ورا سالم ومطبسه عالاوراق اللي قدامه وباساته صكرت الباب بسرعه ونزلت مش عارفه شن تدير روحت للحوش خدت بنتها ولمت دبشها وعدت لحوش هلها
فالليل
سالم ركب للشقه فتحها.حبيبتي
اوو
وينها هذي روحت من الشركة بدري ومش قاعدة
&رن عليها&
سالم.هودي وينك
هدى.ورقتي بكرة توصلني والبنت تبقى عندي لاني ليا حق الحضانه
سالم.شنو😕
هدى.اللي سمعته ورقتي بكرة توصلني وعدي تحبحب عالسكرتيرة زين
سالم.شن تقولي انت؟؟
هدى صكرت عليه
---------
مجدي حل باب الشقه خش لقاني مقعمزة في وسط الحوش ونقرا
مجدي.صبي لمي دبشك هي
انا.بنسافرو؟؟
مجدي.انا نسافر بيك لهدرجة مستهينه بيا بعد اللي صار امس انت طالق
#يتبع
