............
الشاب.اووو ياسمحه
انا.لو سمحت بعد واحترم نفسك
الشاب.تخافيش نبي منك الشيت ابتاع المحاضرة الاخييرة بس
انا.اها ابتاع الدكتور فلان
الشاب.اها الثقيل الدبه هذ
انا.ههههههههههههههه
"ومافطنتش الا وفي يد كارتني من يدي"
انا.انته هيييييه"وبرمت بحتت فيه لقيته فارس"
الشاب.تفهمش غلط ياخونا كنك انته
لكن فارس كرني من يدي للسيارة حل الباب القدامي وطوحني جوه وسكر الباب وانا نرعش وركب وسكر البطم
فارس.هذا اللي رديتيني عشانه اللي عاساس تبي تقري وتعيشي مع امك وتبيش تزوزي عشانه هذا الشلتوت المعفن اللي تجاهلتي حبي لكي عشانه
انا.فارس شن تقول انته
فارس.ششن نقول توا مش عارفتيني شن نقول نقولك انا ترديني عشان هذا
انا.انته فهمت غلط هذا مافيش بيني وبينه شي ولانعرف حتى اسمه يبي مني الشيت بس
فارس.اها اقتنعت توا صدقتك والله
انا.شن قصدك
فارس.ليش الكذب بس كنتي قلتيلي مرتبطه بواحد غيرك ومانحبكش مش تعطيني اعذار واهيه وتصكري عليا
انا تعصبت وفقدت اعصابي كنت نبكي.ومن قالك اني مانحبكش اااه
فارس بصدمه.شنو
انا.سكوت*فطنت لروحي شن قلت*
فارس.انت تحبيني
انا بعياط وبكا.اها نحبك نحبك نحبااااااااك*وغطيت يديا وبديت نبكي*
فارس.حياة انا
اناحليت الباب وبرمت عليه.انحبك وتحبني بس مش مكتوبين لبعضنا اسفه*وصكرت الباب*
وعديت لقيت مروة مصبيه
مروة.كنه هذا
انا.رقتله عشان مصبيه مع الشاب
مروة.وشن دخله فيك هوه
انا.عاساس كيف خويا الكبير وهكي
مروة.حيو في بينكم شي
انا.ولو قتلك في
مروة.نقولك ماتنسيش سرك وتفضحي روحك وتطيحي في دوامة تانيه
انا.يعني
مروة.يعني فارس شفتي غيرته الزايدة حتى لما قلتله اني شن مواصفات اللي بتخطبها قاللها نبيها فالحوش ولا تقرا لا عندها تلفون يعني شرقي للمليييوووون
انا.صدقيني يامروة انا وفارس مابينه شي وحتى لو كان في بينه طشه انا اليوم نهيتها
مروة.حيو ماتزعليش مني انا خايفه عليك
انا.عارفه عارفه
مروة.اهو يوسف جا كان بتروحي
انا.اوكي باي
مروة.باي
"عديت انا شور سيارة يوسف وركبت مروة مع فارس"
انا.هيا ونبي للحوش بسرعه راني مرهقه وتعبانه
يوسف.كنك وجك مش عاجبني باكيه
انا.اها جانا امتحان واعر ماحليتش بكيت
يوسف.ماعندكش.امتحان انت اليوم
انا.ااه لا ما هذا هو واعر وانا كنتش نعلم بيه شوي ماحليتش
يوسف.نعرفك لما تكذبي😒لانك فالصبح قلتي عندي امتحان ومش.حنحضره ولما رنيت عليك امبدري قلتيلي فتت الامتحان نبيش نحضره تعال روح بيا
انا.😶😔فوتني
يوسف.كنك
انا.هكي مضايقه نبيش ندوي
يوسف.انت حرة تبي وكال
انا.لالا واكله
يوسف.حياة ازح انت اليوم صايمه😐
انا. انا صايمه؟؟يوسف عاااااد قلنالك مضايقه ونبيش ندوي ومش مركزة فوتني
يوسف.هههههههه تفقدي انت تقول زهايمر مش زعل لانك مش صايمه
انا.بككل
"وصلنا للحوش حطني وعدى وانا خشيت طوولل للدار
انا.ليش قلتيها لاه ياحياااة ليييش
ياربي انا ياربي
خشيت للدوش دوشت وطلعت كنت حاسه روحي ضايعه ونفكر فيه وفي شكله وهوا معصب غيرته عليا حرقته وهوا يدوي حبيتهن وهنه دليل على اني واخده قلبه كله ليش بس ربي ماكتبلش نكون حبيبته
خشيت للدار بنرقد اطوحت عالسرير حسيت بألم في يدي
مكان اللي مسكني منه فارس معلم فيها قهرتني منه تطويحتي فالسيارة والمعامله اللي دارها لكن واضح غيرته مجنونه حتى علي اخته مابالك اللي يحبها
اللي يحبها!!
انا اللي يحبها
وتحبه لكن الدنيا وقفتلهم.
----
مروة ركبت للسيارة
مروة.شن اللي صار توا
فارس.شن اللي صار
مروة.كرتك لحياة للسيارة والجو هذا
فارس.كيف اختي وغرت عليها عشان مصبيه مع شاب
مروة.صدقتك
فارس.شنوه
مروة.فارس انته في شي بينك وبينها حياة بالذات ماتفكرش ترتبط بيها
فارس.كنه عليش
مروة.هك هيا تبيش تزوز وديما تقول فيها رد بااااالك تحطها في عقلك
فارس.مافيش بينه شي انت تكبريش الشطحه
#فارس
بعد شفتها مصبيه معاه وتضحك اخرى انقهرت مافطنتش لروحي الا وانا كارها للسيارة من يدها وهيا تحاول تقاوم بس ماقدرتش طوحتها فالسيارة وشكلها وهيا مطوحه وتبكي كان يهبل رغم الالم اللي في عيونها وكل شي لكن كان شكلها مذهب للعقل و دموعها اللي اسرني من اول لحظه ركبت للسيارة وبديت نعيط رغم اني متأكد انه مابينهم شي لانه حياة عارفها مش ابتاعت الكلام هذا بس كنت مرايف عليها مشتاقلها نبي نفش غلي من هذا كله ونبي ندوي معاها لكن اللي قالاته صدمني قالتلي من قالك اني نحبكش انا نحبك
اخر شي نتوقعه انها تعترف بحبها توا وبعد كل اللي صار بس نزلت قبل مانفهم منها ليش تبيش ترتبط بيا زعمك لوووووو خليني نجرب فيش مشكله.
وصلت للحوش طول للدار رقدت بدبشي وبعد نضت فتحت النقال وبديت نتفرج علي صورها كانت سمحه بكل
تمويجات شعرها تفاصيل وجها اللي مرات تحسهن مليانات انوثه وفاوقات تحسهن لطفله بريئه جسمها اللي يهز في كل الخلايا العصبيه في جسمي تعوذت من الشيطان وصبيت
#حياة
نضت لقيت ماما تدوي فالتلفون
ماما.ااه ياحنه عرس مشترك دزيتلك الكرت لكن راهو دايرين صباحيه تعالي
.....
ماما.بالسلامه سلميلي عالعيال*صكرت*
انا.عليش صباحيه فهميني عليش
ماما.كيف عليش لازم منها
انا.جايبه لروحك وجيج وتعب قسمابالله
ماما.هيا بس نوضي كان عندك استشوار ولا حاجه وتيها بيش بكرة تبقي جاهزة
انا.ماعندي مانوتي
ماما.مكلمه كوافير انا تجي تقصلي شعري
انا.خلاص كلميها تديرلي فتله
ماما.اهو طلع عندك ماتديري
انا.يي عليا ياماما كلميها بس
ماما.به تبيش تقصيه
انا.لاااا مستحيل😍الا شعري
ماما.انت حرة
انا.ييي مش كان درتيه تلاته ايام راهو حنه وزفه وجو لاقوة الا بالله
ماما.كنت نبي هكي لكن عرب العروس يبوه مشترك
انا.باهي عادي انت حرة
ماما.خشي ديري لشعرك حمام زيت
انا.باه*وصبيت بنخش للحمام*
ماما.ربي يحفظك ويبعثلك نصيبك
انا.يااااارب لانصيب لاهم اسود
ماما.استغفر الله
خشيت درت لشعري حمام وغسلته وجت الكوافير برمت عليا وعلي ماما وعدت وخشيت للدار فتحت فيس لقيت فارس منزل منشور مكتوب فيه"أخذتي عقلي سرقتي كياني جعلتيني مجنونا مدمنا لأحرفك ياأنثى ملأى بالأسرار"
قريته وعرفته يقصدني شن بنقولك بنقولك انا مغتصبه اكيده مش حتقبل بيا.
#تاني_يوم
نضت فالصبح وطلعت للصاله سالم طالع مع اصحابه ويوسف لحوش صاحبه
وانا وماما بيشيلنا علي
ماما.الحمدلله اللي خدو شورهم العشا
انا.اها لانه مش جو عدي وصبي عالطباخه بكل
ماما.مش غير
قعد الوقت يمشي الكوافير استشورتلي ولماما وبعدها دارتلي منيكير وخلاص وتيت عالاخر خشيت لبست القفطان كان ابيض ومبوج وقماشته حلوة وعليه نقشه دهبيه وسير احمر فالنص وكعب احمر شكلي جا يهبببل وماما وتت روحها
ماما.هي عليوا شيلنا
انا.اها هيا
علي.بيش تشووفيلي عروس غادي
ماما.تدوي جد
علي.اها
ماما. يناعلي واخيرا تبي تزوز
علي.ان شاء الله
انا.حتظلم روحك وبنت الناس معاك
ماما.شنو
علي.شنوووه😯
انا.شي شي
ماما.هيا بس
"وطلعنا القاعه وكان مزال بدري علي جية الناس"
بدينا نوتو ونشرفوا علي كل شي وبدو الناس يجو مشا الجو عادي وبعدها جا وقت خشت العروس خشت واثقه وحلوة واللي يشيرلهاا من صحباتها ترد عليه نحب العروس الواثقه تبداش خايفه وترعش
خشت والتمن عليها صحباتها جيتها سلمت عليها وعديت
وبعدها جا وقت خشت سالم سلمت عليه وكان فرحان وضحكته مرسومه وجايب معاه باقه ورد
انا.سالم عارفتك هبل ويوسف اعقل منك فكني من طروح الهبال
سالم.ليلة فالعمر وبنفرح بينا
انا.حي علمك شن ناوي
سالم.بنوري العالم كله اني نحبها
انا.تحشم😯
سالم.حولي بس بنخش يا فريحة هاكي الباقه
انا.عطيها لها
سالم.مش توا خليها معاك يافريحه
وانت بعد نبي نطلع تعالي جنبي عشان معرفش نصرف مع الفيلو وفريحه جيبيلي الباقه اوكي
انا.هااابا مانك ميت عليها
سالم.هههههه
"خش سالم و هدى اول ماحقاته صبت في مكانها وتبحت فيه وعيونها يدمعن
سالم صبا في نص القاعه
سالم.حبيبتي انزلي هي
هدى.شنو
سالم.تعاليلي هنا
هدى نزلت ومشت لنص القاعه اول ماوصلت في سالم مسكها من نصها
هدى.شن تدير يااحلى هبل في حياتي
سالم.الحاجه اللي طول عمري نحلم بيها نرقص معاك وقدام الناس كلهم
هدى.ياعمري وروحي وقلبي وكل شي
سالم شير للديجي طفو الضي وحطو عليهم سبوتليت وبدو يرقصو برومنسيه وبشويه
وبعدها سالم حط راسه علي راسها ويرقصو ويدوو بشويه
سالم.شن رايك في راجلك ااه
هدى.قلتها بروحك راجلي يعني حبيبي وغلاي وعمري كله بس مش عيب هكي قدام الناس
سالم.هي ليلتنا نحنه نش ليلتهم وحتقعدلنا ذكرى حلوة فوتيهم
هدى.صح تعرف توقعتكش رومنسي لهدرجة
سالم.يعني متوقعه نسالك سدكم اللحم مثلا
هدى انشرطت ضحك.
سالم.طح سعدك فضحتيني تو يقولو انظر شن قاللها اسكتي.
هدى.تخيلتك قايلها ليا والله نقتلك بعدها
سالم.ههههههههه نطلعو معش نصبر خلاص
هدى.😳
سالم.ههههههههه شكلك يهبل معش نقدر نصبببببر
هدى.خلاص عاد
سالم.هههههههه هيا نركبو للمسرح نقعمزوا
هدى.هيا
"ركبو همه الاثنين وانا طبعا قطعت وجهي وشوربي وانا نشير لسالم المطيور الخفيف وهوا في عالم تاني يحبها بكل💖على طاري الحب وين اخت الحب
انا.ميمي
مروة.نعم
انا.وين عاللبسه السمحه
مروة.ههههه فكك مني كنه خوك
انا.عشقان ياحنه
مروة.زعمك يوسف يدير كيفه
انا.لالا يوسف عاقل
مروة.ههههههه تحكي
انا.شن ماسكه عليه
مروة.تي يدير في جو مرات خيالي
انا.ربي يهنيكم ببعضكم
مروة.ان شاء الله يارب
"وقعدنا نلفو ونهدرزو ونصورو والعرسان يصورو في تصويرات يحشمن خويا واخد وضعه وهدى عاجبها الجو بس تدير في طروح حشم وبعدها صبو بيطلعوا جيته انا وفريحه"
سالم خدا من فريحه الباقه
انا.طبعا الباقه للمزموزيل هيا بس عطيها لها
سالم.تي اسكتي بس*ومدلي الباقه وسلم عليا وباسني علي راسي
سالم.وهذي لكي واذكري ديما انه انت اختي وحبيبتي وديما غلاوتك عندي مايسواهش حد باهي
طبعا كنت ماسكه روحي بالسيف وهوا خلاص معش خلا فيا عزم قعدت نبكي من جدي وحظنته
سالم.خلاص ياهبله
انا.اطلع هيا
سالم.باهي هي
"ومسك يد هدى وطلعو للريسبشن ومعاه انا"
لبسها البرنوس وسلم علي ماما اللي حضناته وتمت تبكي
سالم.خلاص ياامي مزوز مش مهاجر وشهر في تركيا ومروح بنسكن فوقك عليش هالقصه
ماما.ربي يربحك ويعطيك علي قصاد نيتك
سالم.ان شاء الله
"وطلعو هما الاثنين للسيارة"
هدى.متعلق بيهن واجد حسيتك
سالم.اكيده امي واختي
هدى.ربي يخليهن لكي توا انا خوتي عكسك بكل
سالم.عادي حبيبتي الموضوع اطباع لا اكثر ولا اقل
هدى.بس هذوما كانو يضربو ويحرمو ويديرو في جو شين بكل
سالم.فكينه منهم توا شن السماحه هذي*وعضها في خدها*
هدى.سالم اصبر للفندق
سالم.ليش شن بيصير فالفندق
هدى.سااالم
سالم.هههه
"وشويه هكي ووصلو الفندق"
سالم.تفضلي هي
خدى.زيد فضلك
"خشو للشقه ورفعها شور الدار طووول"
هدى.سالم اصبر بس سااالم ساااالم اصبر شويه تي غير ارجى نغير الفيلو سمح حرام عليك وووووووووو
#الساعه2
هدى.متوحش
سالم.عاساس مش عاجبك الجو يامدام هدى
هدى.قصدك
سالم.اها
هدى.خزي حرام عليك معقوله الفيلو هكي محمسته
سالم.صبرتش الله غالب
هدى.تي كيف نبي نغسله والله مانقدر ندزه للغسيل حشمه
سالم.باهي نقولك تو نشوفله حل صبي توا غيريه والبسي حاجه وخلينا ناكلو
هدى.اها نبي شكولاطه
سالم.باهي نوضي هي
"ناضت وكرت الفوطه وخشت للدوش دوشت ولبست روب وطلعت
سالم.اووووو حي عالسماحه
هدى.سالم خلينا خوت لعند ماناكل لانه معش عندي لكي جهد
سالم.هههههههه باهي به
وطلعت هدى ولحقها سالم بعد شويه
هدى.سااالم عدي البس فنيليا
سالم.تي عاساس يعني
هدى.🙈🙈عدي
سالم.تي
هدى.عدييييي
سالم.هههههههههه باهي جيبي العشا للدار نرجا فيك
هدى.اغسل بيش نصلو وربي يبااركلنا وتدعي
سالم.اووو صح بعدك حفظوه ليا الدعاء
هدى.لا دعاء لا دعاءات انته
سالم.هههههههه
"وخش سالم دوش وطلع بالديشنمبر
هدى.تعال كول هي
"وقعمزو هما الاثنين ياكلو"
سالم.هيا نصلو شبعت
هدى.هيا
"وصبو هما الاثنين يصلو وبعدها حط سالم يده علي راس هدي"
سالم في وقتها نسا كل الادعيه اللي حافظهن والوحيد اللي جا علي لسانه
سالم.اللهم اني اعوذ بك من الخبث والخبائث
هدى.😕😠😬😡شننووووووووه
سالم.ارتبكت ونسيت هذا اللي خطر عليا
لخبطت
هدى.قعدت مفنصه فيه وبعدها انشرطت ضحك وهوا يضحك وهيا تضحك
هدى.يعني من قلة الادعيه تي باهي اقرا الفاتحه استرلك
سالم.هذا اللي طلع مع لساني
هدى.هههههههه وووه عليا بطني
سالم.باهي نوضي هيا
هدى.شن تبي
سالم.نبي نهدرز
"وخش هوا وياها للسرير واتكا وهيا علي صدره"
سالم.احكيلي شن درتي اليوم
هدى.عديت للكوافير وسالم بطل خليني نكمل سالم سااالم سالللاااااام اااااه ياربي
#عندي_انا_فالقاعه
مروة.خلاص كلهم روحو انا وياك وخوات العروس يلمن فالعشا
انا.روحي خلاص انا نرجا في علي اللي معش جا
مروة.باهي تمام
مروة.الو فارس صبي فم القاعه اني طالعه
فارس.اوكي فمها انا تع
مروة.ااااااه
"مروة كانت فم الباب انكسر بيها الكعب"
طلعتلها انا نجري وجاها فارس
انا.مروة نوضي حبيبتي مروة
مروة.يناعليا ظهري ياناعليا
فارس طبعا ناسي مروة بكل ويبحت فيا
انا.فارس اشمرها نلبس عبايتي وووو رفعت عيوني بحتت فيه
كان منظره بالبدله الرسميه والقرواطه عضلاته اللي باينات خياااالي ياربي انا
مروة.تييي ااااه اشمروني كنكم مبلمين ياناعليا ظهري
فارس طبس شمرها وخدا نقالها وانا فطنت لمنضري خشيت نجري لبست عبايتي والوشاح ورنيت علي يوسف
انا.الو يوسف راهو مروة زلقت بالكعب وطاحت علي ظهرها
يوسف.وينها
انا.شمرها فارس شالها
يوسف.تو يروح بيكم علي انا ماشيلها
انا.بنعدي معاك
يوسف.لالا تعديش بمكياجك وحالتك حاله
انا.باهي باهي
يوسف.لبستي مروة عبايه
انا.لالا شمرها هك
يوسف.ينعن مديلي عبايتها هي
"جيته فم الباب عطيته عبايتها وركب للسيارة وحرق العجل في جرت فارس
وانا رنيت على علي وروحت للحوش انا وماما طبعا قلتلها قالتلي جتها عين ياناري
انا.زعمك نعديلها
ماما.وين تمشي عقابات هالليل بعدين علي مش حيشيلك
انا.اففف حرام صاحبتي مفروض نعدي
ماما.الله غالب
خشيت دوشت وطلعت بنرقد صورت فارس جت بين عيوني اوووف اطلع عاد نبي نرقد مش جوك بككل
#عند_فارس
جيت نجري لمروة بعد شفتها طايحه لكن شفت حياة قفطانها شعرها اللي اسرني من اول مرة وجها ومكياجها اللي حده كحل وروج كان مبين ملامحها الانثويه سرحت معاها وفطنت لمروة اللي تعيط شمرتها وركبتها للسيارة وفطنت لليوسف حرق العجل ورايا شكله حياة كلماته لحقني للمستشفا
انا.جيت بنزلها
يوسف.وقف وقف
فارس.نعم كنك
يوسف.لبسها عبايتها ياراجل
فارس.صح والله شكلها فضيحه
"لبستها انا ويوسف ومسكينه تعيط من ظهرها" وشمرتها وخششناها للمستشفى شافتها الدكتورة قالت مش كسر حاجه تانيه نسيت اسمها ماكنتش مركز اصلا الا مع حياة
يوسف.خلاص يعني نروحو بيها
الدكتورة.اها نبزلها مسكن وبكرة الصبح جيبوها نبزلها اخرى وخلاص وتو نعيطكم ربطه تاخدوها من الصيدليه
فارس.اوكي تمام
"وخدينه مروة اللي بزولها مسكن ومنوم وركبناها للسيارة عجبني خوف يوسف عليها وغيرته في نفس الوقت عرفت انه يحبها وانه راجل واختي حتريح معاه اطمنت لاني كنت حاسه عيل
#روحنا خشيت الحوش.اتكيت فكرت في حياة صبيت طلعت نقال مروة وحليته وقلبت فالصور لقيت صورها وصور يوسف وصور مع بعضهم زايطه معاه وبعدها لقيت صور حياة مصورات مع بعضهن نقلتهن لنقالي وبديت نتفرج عليهن.
#بعد_سنة
مرت بحلوها ومرها وجوها كله علي حاول يفرض عليا عرسان وانا نرفض فارس معش شفته واجد ولما نشوفه نتحاشاه حدي صوره اللي في نقالي نشوف فيهن كل ليله قبل مانرقد وخلاص كل ماليا نصكر راسي علي فكرت الزواج وعلي يضغط ومستحيل نسمحله يغصبني وماشيه حياتي ويوسف ومروة عرسهم قريب مزال عليه 6شهور بس
علي.حياة جايك عريس
انا.ماتملش انته
علي.فارس خو صاحبتك مروة
انا.شنوووه😰
علي.اها متقدملك وقال يبيك وشاريك
انا.اا ا ا
علي.نبيش ردك توا بكرة قوليلي
انا.اوكي
خشيت للدار فكرت وفكرت وكل شي فيا يفكر ماعرفتش شن ندير لمن نشكي ياريت بس لو مروة مش اخت فارس او كان عندي صحبه غيرها شن ندير نكسر قلب فارس ولا نفضح روحي ولا نكشفله سري ونعطيه حرية الاختيار انا خديت قرار وقلت نتحمل مسؤوليته
#تاني_يوم
علي.شن رايك
انا.&&&&&&&
