........
2015
#فارس
مرت سنه عليا مادويتش فيها مع حياة أكثر من مجرد كلمات التسليم العاديات كانت تتحاشا فيا علي قد ماتقدر البنت هذي غريبه معش فهمهتها تعترفلي بالحب وبعدين تتحاشاني طبعا هيا كانت المحور الاساسي في حياتي اول من يخطر عليا فالصبح واخر من نفكر فيه فالليل صورها اللي عندي اعتقد نقدر نرسمهن رسم بكل بساطه مرايف عليها عالدوة معاها عالنقاش في كل شي
مع حياة تخطيت مرحلة الحب خشيت فالعشق وفالهوى او ممكن نعتبر متيم
حياة في نظري مش مجرد بنت لأ بنت لقيت فيها كل اللي نتمناه مثقفه وقارئة وطموحه ومقاتله انثويه ورقيقه وطفوليه وغيورة تجمع أفضل صفات التحرر مع أفضل العقد الشرقيه
كل هالتفكير فيها سنه كامله وانا ندور في فلكها خلاني نعطيي روحي فرصة المحاولة الاخيرة
فارس.علي انا طالب يد حياة
علي.اهلين بيك يافارس ومانلقوش خير منك
فارس.خلاص شوفها ونرجا منك الرد
علي.اوكي
#تاني_يوم
علي.الو
فارس.ايوا
علي.والله شن نقولك يافارس البنت رافضه بكل
فارس.ليش
علي.عاساس خايفه علي قرايتها ماقرايتها
فارس.انا مش حنبطلها
علي.حاولت نقنعها ماقدرتش
فارس.باهي ممكن نديرو رؤية شرعية نحكيلها عليا وتحكيلي عن نفسها ممكن توافق لأني بجد رايد مناسبتكم وقربكم
علي.ووالله نحنه مانلقو خير منك ياسيدي تفضل اليوم فالليل بلكي لو سمعت منك وتأكدت توافق
فارس.تمام
روحت وانا راقيتلي منها يعني حتى بعد سنه مزالت رافضه اعتقد مهما كان في عراقيل بعد الحاحي هذا كله المفروض تلاشن استغفر الله نحاول ندويلها الليله وافقت باهي ماوافقتش يبقا💔😔لالابإذن الله توافق
#حياة
طلعت لعلي وقتله اني مش موافقه ونبي نقرا وكانت اصعب كلمتين عليا لساني ثقل بيهن كل خلية عصبيه وحسيه فيا تقولي حياة اعترفي لفارس وحبه لكي حيخليه يتغاضى عن الموضوع بس كبريائي يسمحليش نعيش مع انسان ازوجني شفقة وعشان يستر عليا
انا خديت هالقرار من الاول ونبي نمشي عليه هذا اللي لازم يصير رن علي على فارس بعد سمعني الاسطوانه المعتادة ابتاع مش حنسمحلك تعنسيلي والجو هذا يزيد فيا هم علي همي خشيت للدار ودرت زي عادي غميت وجهي فالمخدة وبكيت دقت ماما ويوسف حاولو يدوولي قتلهم نبي نرقد مريضه ماكليتش يومها بكل فالليل
علي.حياة افتحي
انا.علي خلاص فوتني حرام عليك
علي.افتحي نبيك بلا عناد راه نقفع الباب
فتحت الباب بعصبيه.نعم
علي.البسي لبسه محترمه واطلعي معايا
انا.عليش
علي.فارس جاي يبي يدير رؤية شرعيه
انابعد سمعت اسمه رعشت لكن مابيتش نبين.مش قتلك مش موافقه
علي.انت مش موافقه عشان تبي تقري صاح
انا.اها وقرايتي نبيش نكملها عنده
علي.هوا قاللي انا بندير رؤية وندوي معاها ممكن نقدر نقنعها انها تكمل قرايتها عندي الراجل كويس ويبي نسبنا وقربنا ترفضيش هكي وخلاص
انا بنفترة.يعني اخلص شن تبي
علي.ينفعش معاك الذوق تلبسي لبسه محترمه وتطلعي معايا لفارس فالمربوعه
انا.اوووف به
"عدى علي وانا صبيت قدام المرايا نبيش يحق اثار البكا تحت عيوني خايفه نحقه ونذوب معاه نوافق خايفه ننفضح
لبست سروال وبلوزة طويله ولميت شعري بأستيك ودرت خافي عيوب وطلعت
علي. خشي هي
اول ماخشيت كان مقعمز فالزاويه جت عيني في عينه
لما شفته ماقدرتش نتمالك روحي الموضوع مش ساهل سنه كامله ارياف وشوق سنه كامله كتم سنه كامله كل مانحقه قلبي ينبض بقوة وسنه كامله وانا كل مانتقابل معاه نكمل فالليل بكا
انهرت بكا بعبرتي
وانا مصبيه وسط المربوعة
فارس.حياة لهدرجة رافضتيني اوكي خلاص عيشي حياتك مش حنوقف في طريقك المهم مانشوفش دموعك*وصبا بيطلع وخطم من يلايا*
*عيطت*
انا.فاااارس
فارس برم.نعم
قربت شوره ودرت الحاجه اللي كنت نبيها ونتمناها حضنته
اها حضنته خشيت كلي في صدره ومسكت في سوريته من ظهره وبكييييييت فالبدايه حسيته مرتبك بعدها بده يمشي بيده علي ظهري
انا.رايفت عليك سنه كامله معقوله
فارس.اشششششش خلاص انت اللي اخترتي البعد وبعدتيني عنك وتجاهلتيني الغلط مش غلطي ومع ذلك مزلت نحاول نواصلك
انا وخرت.فارس نبيك تعرف اني نحبك ونتمناك اتكون في يوم راجلي بس صدقني اسفه نقدرش
فارس بصوت مكسور مليان معاني واجد بين العتاب والقهر.ليش
انا.اسباب خاصة
فارس.مش القراية
انا.القراية بالذات نتمنا نكملها معاك لاني عارفه انك حتكون اكثر انسان يدعمني
فارس.باهي شنو
انا.مش عارف
فارس.حياة نبيك تعرفي انه مهما كان فيك وايا كان عيبك انا راضي بيه اي شي راضي بيه والله
انا.متأكد راضي بأي شي
فارس.نوعدك
جيت بنقوله كل شي بس حسيت الدنيا انسودت قعدت كلللها سودة معش حسيت بشي.
مانضتش الا تاني يوم
انا.انا وين
يوسف.امس اغمى عليك وجبناك اسعفناك
انا.وليش اغمى عليا
يوسف.قالو ضعف
انا.وعليش بايته كان دارو تغذيه وخلاص
يوسف.مش عارف
انا.باهي شن قصة الصداع اللي في راسي وألم ظهري
يوسف.قالولك دكتور
انا.ههههههههه بنسالك
يوسف.نعم
انا.فارس شن دار
يوسف.انت طحتي فالمربوعة وهوا طلع بيك يجري ركبك للسيارة اسعفك ولحقه علي وبعدها رنو عليا نجي نبات معاك
انا.اهاااا به
"قعدت نرجا لوقت الزيارة نرجا فيه يجي نبي نقوله كل شي لانه وعدني حيتقبلني زي ما انا"
#وقت_الزيارة
خشت مروة فرحت بيها قعدت نراقب فالباب بعيوني
انا.اهلا
مروة.اهلين كيف حالك
انا.تمام من جابك
مروة.جابني يوسف
انا.اهاا
مروة.نقولك شي وماتصدقيشي
انا.شنو
مروة.فارس اليوم الصبح سافر لتركيا
انا.شنو
مروة. سافر لتركيا
انا.عليش
مروة.قال عنده شغل مستعجل
انا.ربي يوفقه*وحاولت ندس الدمعه بس نزلت*
مروة.معش تخوفينا عليك كولي
انا.ههههههه ناكل غير امس شويه استرس بس
مروة.اهااا
انا.6.شهور وتبدي مراة خويا
مروة.هههههههههه
*بديت نهدرز معاها ونفكر فيه ليش سافر كنه"
كملت اليوم فالمستشفى وطلعت فالليل دارولي خروج
روحت وقعدت كم يوم وانا نخمم فيه وبعدها استجمعت شجاعتي وعديت لعلي
انا.علي
علي.نعم ياحياة
انا.بنسالك
علي.على شنو
انا.فارس ليش معش جا
علي.كيف وافقتي عليه انت
انا.لالا بس حسي روحي بديت نفكر في موضوع اني نقرا عنده هضاه*طبعا كذبه نسلك في روحي بيها*
علي.بعد دختي وهوا اسعفك لحقت عليه
كانن الممرضات يعانن فيك ودنيا ووو
فارس.علي راهو انهي الموضوع
علي.شن صار
فارس.البنت رافضه نهائي الموضوع لدرجة انها اغمى عليها فالنهاية الجواز مش بالغصب خليها علي راحتها
علي.اوكي يافارس وكان لنا الشرف اناسبوك لكن الله غالب
انا وخنقتني العبرة.اهااااا به
"وعديت للدار"
كنت منهارة عالاخر نبكي بعبرتي ونضرب فالمخدة وكل شي ماعرفتش لمن نعدي لا لمن ندوي كنت مستحقه اي شي يصيرلي نبي نموت خلااااص بنموت طلعت من الدار لقيت يوسف بيخش لداره برم عليا
يوسف.حيو كنك
انا.تعبااانه يايوسف تعباااااانه خلاص واصله حدي الدنيا كل مالها تزيد فيها عليا اخرى كل شي ضدي كل شي ماشي غلط معش قادرة نتحكم في شي ولا قادرة نوقف شي الغلط مش مني ولا الذنب ذنبي ومعش قادرة خلاااص خلاااااااااااص خلااااااااااااااااااص قعدت نعيط بعلو صوتي لدرجة ماما وعلي طلعوا من ديارهم ويوسف قعد حاضني ويسكت فيا
يوسف.اهدي خلاص اهدي
كنت نبكي بصوت عالي وعبرة
ماما.كنها يايوسف
يوسف.مضايقه بس
ماما.منيش ياناعليا هالبنت والله الا مديورلها سحرر ولا كتيبه ماهي طبيعيه
يوسف.فكك بالله توا خليني نسكتها
"وخداني خش بيا للدار"
يوسف صح كان اكبر مني بسنتين بس كنت نحس معاه بأمان الاب اللي فقدته اللي لو كان قاعد راهو مصارش هذا كله راهو كان معايا هذك اليوم راه خلا خوتي يباتو يحرسو الحوش بدال مايطلعوا المظاهرات راهو ماسمحلش نركب في سيارة فارس راهو ماتعلقتش بيه بكل
راهو كان ليا سند وأمن كان ليا من نتكي عليه من نحظنه ونقوله الدنيا واااعرة يابابا الدنيا صعبة الدنيا مؤلمة يقولي انا سندك فيها انا ديما معاك ومستحيل نسيبك نين ربي ياخد امانته انت بنتي الغاليه عليا*طبعا كل هالافكار وانا راسي في صدر يوسف ونبكي لين هديت*
يوسف.خلاص هديتي
انا.اها شكرا
يوسف.لو تبي تحكي انا قاعد نسمعك تبيش تحكي عراحتك امتى ماتحسي روحك تبي تحكي تعالي اوكي
انا.مافيش مانحكي ضيقة قلب وفشيتها بس
يوسف.حياة تحبي فارس
انا.شنوه😳
يوسف.انت تحبي فارس صاح
انا.ا ا ا
يوسف.ماتدسيش عليا قوليلي لأنه نظراته وخوفه عليك نعرفهن جربتهن مع مروة الراجل مش بس يحبك لأ تخطا هالمرحله
انا.اها نحبه
يوسف.وليش رفضتيه
انا.اسباب واجد بس بعدها غيرت رايي وكنت بنقوله اني موافقه يوم المقابله ونحكيله اسبابي لكن صار اللي صار وهوا يحساب هذا كله عشان انا نبيشي كرهني وكره البلاد سافر عدى لتركيا وقال لعلي انه خلاص ينهي الموضوع
يوسف.موضوع صعب بكل وواعر حتى عليا انا
انا.اسفه بس مستحقه حد ندويله
يوسف.ادويلي احسن ماتدوي لغيري
انا.شفت كيف
يوسف.باهي لو ممكن تحكيلي اسباب رفضك لاه وماتقوليش قرايتي
انا.والله عشان قرايتي خفت مانكملش وفي نفس الوقت مانبيش نسيب ماما بروحها فالحوش نبيش نفارقها وبنسالك*بنغير الموضوع*
يوسف.شنو
انا.عيت سالم لهم توا اسبوع لا شفته لا شفتها يوسف واخدها وواخد البنت وماشيين لشحات
انا.كان قالها لنا عليش داسها
يوسف.قالها؟؟وقال كان بتعدو معايا قلناله عدو انتم وتو نلحقو عليكم
انا.امتى قالها سمعتش
يوسف.اكيده كنت راقدة او عالنقال او سرحانه او في دارك
انا.اها😊
يوسف.تعدي لشحات نغيرو جو كم يوم
انا.ياريت والله
يوسف خلاص تو نرن عليه انقوله احجزلنا ونوتو ارواحنا نعدو بعد بكرة
انا.تمام تو نوتي روحي ونقول لماما
يوسف.تمام
انا صبيت بنطلع ولما وصلت للباب برمت عليه.ربي يخليك ليا يااحسن أخ فالدنيا
يوسف.ويخليك ليا
"طلعت للدار وحاسه روحي نوعا مامتريحه بس موضوع فارس مزال قاهرني خشيت علي صفحته لقيته دايرلي بلوك خشيت عليه بإيميل وحداخر طلع معطل الايميل بكل
انا.اللهم أزل حبه من قلبي اللهم اشغلني عنه بذكرك ياااارب
رقدت باحساس بين الراحه لاني دويت والالم عشان فارس وحاجات واجد بس خداني النوم وانا راقدة كان في حد يجري ورايا يبي يقتلني وانا نجري وهوا يجري ونعيط ونادي علي بابا يابابا ياباباااااا ومافطنتش الا بحد يهز فيا
انا نفتح في عيوني بشويه
علي.كنك
انا.كني
علي.شن تكوبسي راقدة وتعيطي
انا.شي شي
علي.باهي ردي ارقدي فجعتيني عليك
انا.اهااا به
#علي
ممكن انا اكثر انسان تكرهوه فالرواية حاسين اني عديم مشاعر والسبب في معاناة حياة لكن صدقوني انا كل اللي نبيه مصلحتها هيا لو قعدت ترفض فاللي يجوها حينتشر عنها كلام بانها فيها شي غلط عشان هكي ترفض خايفها تقعد وماتزوجش امي كم بتعيشلها سنه اخرى 10ولا20سنه تي هذا تفائل قوي بكل انا متابع حالتها الطبيه كويس قلبها كل مالاه يضعف مرهون في صدمه عصبيه بسيطه تقتله بعيد الشر والصدمه ممكن ماتقتلش وقتي لكن تسببله اجهاد يقتله بعد فترة وبعدها حياة وين بتعيش فالحوش بروحها ونشري انا شقه برة ولا بنعيش معاها وتبدا طول النهار حاسه بالتقيد ولا ولا ولا انا ممكن اسلوبي معاها شين وجاف بس نبي مصلحتها.
حياة
نضنا تاني يوم ووتينه كل شي واسقدنا لشحات وانا رنيت علي مروة
انا.الو
مروة.الو شنجوك
انا.تمام الحمدلله كيف حالك وحال فارس وعميمه
مروة.شن صوت السيارات اللي يلاك
انا.ماشيين لشحات
مروة.اها صح قاللي يوسف
انا.تقدريش تجي
مروة.عنجد نجي
انا.ديري لامك جو ابتاع خلونا نعدو شحات وهيا تدوي لباتك ونتلاقو
مروة.نخاف بعد يتلاقو يعرفوه مخطط
انا.نقول ليوسف يعزم باتك
مروة.عادي يقدر يقنعه دامنه فارس مش قاعد
انا.تو نقوله صكري
"وصكرت منها"
انا.يوسف
يوسف.نعم
انا.شن رايك ترن علي بات مروة تعزمه
يوسف.زعمك يقبلها عادي
انا.اها شن فيها قوله تفضلو ياعمي نحجزلكم وهكي كان حسيته دار شويه قوله الفلوس نقسموهن بالنص تو يوافق
يوسف.هاتي النقال
انا.هاك
ماما.علييييييك طروح ماريتهن فيت عندنا
انا.هههههههه كنك ياماما
ماما.عليك قلة حيا عازم مراتك وهلها وانتم حتى عرس مادرتوا
يوسف.ياامي انسابات شن فيها
يوسف.الو
خليل.الو
يوسف.خير ياعمي كيف حالك
خليل.الحمدلله شخبارك يايوسف
يوسف.تمام الحمدلله مسقد لشحات والله
خليل.باهي ربي يدوم
يوسف.تعالو ياعمي نحجزلكم شاليه جنبنا
خليل.لالا خليها مرة تانيه
يوسف.غير تعالو ياعمي والله جو لاقوة الا بالله وكانك عالفلوس نقسموهن بالنص
خليل.لالا خليها مرة تانيه مش لازم
يوسف.علي الطلاق الا تجي ياعمي عيب عاد عازمك انا ودايرين اشوايات وجو
خليل.تي ليش الحلفه يايوسف معقوله هكي
يوسف.من كبر قدركم ياعمي
خليل.باهي ياسي انا جايين انا وعمتك وتيلنا الشوايات هي
يوسف.انته وعمتي باهي مرحبتين بيكم نراجو هي
خليل يضحك.وحتى مروة جايه ياطحان عارفها العزمة مارالا علي شانها
يوسف.ههههه بيش تفضلو نرجو فيكم
"وصكر"
انا.بيجو
يوسف.اها
ماما.قللللة حياة وحق ربي كان هذا هناك راجل بشناباته يقول مروة جايه ياطحان
انا.ياماما عليش هالطروح توا نحكي عايام عرسك انت وبابا في.درنه وين مسكوكم قبل العرس باسبوعين
ماما.وانت من حكالك يابليه
انا.عميمه خيريه حكتلي
يوسف.احكيلي شنو
انا.هما الاثنين كانو يتلاقو يلا الجابيه عاساس يرعو ويهدرزو لين يطيييييييب خاطرهم😏وبعدين يروحو عاساس ماشورهم شي تين كبسهم جدي. مرة ويتلهم بالعكوز هما الاثنين والنجع كله شهد عليهم
يوسف.ههههههههههههههههههههههه
ماما.عيب عليك هالكلام تجبدي فالكلان القديم
يوسف.هههههههههه توا طلع قديم
انا.عادي عادي
"وصلنا غادي"
سالم.هدهودتي.
هدى.ياعيون هدهودتك
سالم.نوضي نعومو مع بعض دامنه اسيا راقدة
هدى.باهي هي
"هيا صبت واسيا بدت تعيط"
سالم.يييي علينا😑
هدى.ههههههههه
سالم.تو معقوله تحملي من اول شهر مااستمتعمش بكل شهر مريضه وشهر انا كراعي مكسورة و9شهور حمل غير ثابت والجماع ممنوع
هدى.شن بنديرلك عاد انته اول شهر طلقتنيش بككل وماقتليش ديري مانع وزادتها في تركيا وجبات الحوت اللي ناكبو فيهن روحت حامل الله غالب
سالم.سكتيها هالهم وتوا جايين هلي فالطريق بيحجزا الشاليه اللي جنبنا يعني حتى الاسبوعين اللي نبيهم لنا ماصارش منهن
هدى.ياحبيبي حرام عليك ظالما انته.
سالم.اففف المشكله وجها برئ ويهبل يخليكش تقدر تحقد عليه *وطبس باسها وباس هدى علي صدرها*
هدى.تحقد علي بنتك حرام عليك
سالم.ههههههه اهم وصلو تيالي
"وطلع استقبلنا وبدينا نخششو فالحاجات المنظر يهبببل انا دغري سلحت العبايه والوشاح ولبست الطرف ابتاع العوامه
سالم.ها شن رايكم
يوسف.جو لاقوة.الا بالله بس راهو انساباتي جايين
سالم.احجزلهم عدي الشاليه اللي عاليمين فاضي
يوسف.تمام
"عدى يوسف يحجز"
سالم.حيو
انا.نعم
سالم.شن الجو
انا.تمام بكل
سالم.شن جو القرايه
انا.قاعدة نقرا ونمشي فالجو البشري واااعر
سالم.ربي يعينك عليه
انا.هيا نعومو
ماما.لالا فكينا منها العوامه خليك عالشط
انا.عنجد هذ
ماما.خلي واحد من خوتك يخش معاك معناته
انا.هيا سالم
سالم.هي
"وخشيت عمت انا وياها كان جو البحر والميه ابتاعه صااااافيه وتهبل"
ومشا الوقت ونحنه نلعبوا ونعومو فالعشيه
يوسف.هل مروة وصلو
انا.حي صاح
يوسف.اها
"جت مروة سلمت عليها ويوسف عدى لعمو خليل سلم عليه ووراهم شاليهم
يوسف.وين فارس
خليل.في تركيا الليله يروح قال مرات نجي نلحق عليكم
يوسف.ااها به
"وقعدت نلعب انا ومروة ونعومو وكلا هدى راقدة علي هالبنت ترضع وخلاص"
فالليل التمينا كلنا هدرزة وشوايات وجو يهبببل
هدى.حيو شنجوك
انا.تمام وانت
هدى.تمام
انا.شن جوك انت وسالم متفاهمين
هدى.اها الحمدلله لكن نقولك سر
انا.شنو
هدى.اقمسلك بالله اخر مرة كنا مع بعضنا بروقان نين انسيتها من هالبنت جت بسرعه ماخديناش وقتنا بسببها وانت شفتي خملي كان مش ثابت وعايشه علي ابر التثبيت يعني ممنوع بكككل ونحنه توا صكرنا ممكن سنه وشهر متزوجين بس نين مقهورة والله وبكاها واجد نحطلها الرضاعه تبكي طول الوقت تبكي
انا.نمسكها لكي عندي اليوم.
هدى.عادي
انا.عندكش مشكله هاتيها
هدى.خلاص خليها معاك وهذا حليبها وقطنها ورضاعتها واللهاية واللبسه وكل شي
انا.تمام عدي هي
هدي صبت
ماما.وين ياهدى مزال بدري
هدى.لاتعبت خلاص بنرقد
سالم.خودي معاك اسيا انا بنعدي نعوم مع الشباب
انا.لالا ليا زمان عليها خلوها ليا اليوم اسو
سالم.بكاية تقدريهش
انا.لالا خليها نبيها ولا خايف عليها مني
سالم.هههههههه نخاف عليك منها المجرمه هذي
هدى طبعا انسحبت وعدت للدار وانا قعدت مكسدة علي اسو البنت هاديه حسيتها جوها تمام مجرد ماشربتها الحليب بدت تبكي خليتها ترجعه تريخت وسكتت بحتت فالعلبه عرفت كنها البنت عليك عباطه كلا هدى خسارة ماهي متعلمه تعطيها حليب فيه حمض
طلعت للبراندا لقيت عمو خليل ويوسف وسالم يهدرزو ماما رقدت ومروة وامها روحن
انا.وين مروة
ع خليل.روحت للشاليه
انا.تو نرن عليها نقوللها تجي نبي نهدرز معاها
ع خليل.قالت بترقد
انا.اهااا لا تو نواعيها
انا.الو ميمي
مروة.نعم
انا.تعالي للشاليه هدرزي
مروة.حسيت شكلي شين بينهم
انا.لالا تعالي نبيك
عمي خليل صبا.هي تصبحو علي خير
"وعدى لشاليها"
وسالم جاته مسج قراها ووابتسامته وصلت لوذانه بعدها صبا.تصبحو علي خير
انا.يوسف اسو رقدتها انا وبنعدي نقعمز عالشط باهي
يوسف.به
"عديت وقعمزت عالشط وبديت نغني"
انا.كسر الخواطر لو يجيك من غريب
مو غريب
لكن تموت من القهر
لو يجيلك من حبيب
ماعليك عيش وسوي الي عليك ،
والي راح راح ولا تنطر يجيك
الله فوق ورحمته
اكثر كثير من حنان امك
عليك
."ودموعي يصبن"
سالم
خش للشاليه ورد وشموع وقعد يمشي للدار لقا هدى لابسه روب ومولعه الt.v وحاطه تباسي مكسرات وحلو
هدى.شن رايك حبيبي
سالم.تهبلي ياروح حبيبك
هدى.تعويض عن ايام الحرمان اللي فاتن
سالم جا قعمز يلاها وهيا خشت فيه
هدى.تعرف اختك تهبببل
سالم.لا ازح تقوليش حكيتيلها
هدى.قلتلها انه مش محصلين فرصه وطلبت منها تمسك اسو اليوم
سالم.عليك تزليط توا
هدى.لالا تخافش حيو جو بكل
سالم.حتى انت جو بكل
"ونزل عليها باسها وحول الروب ووووووو"
هدى.ههههههه عالصالون
سالم.هههههههههه اهو تغيير
هدى.امممواه
سالم.حي الصبح طلع تخلينه نطلعوا نعوموا م
