حكاية حياة

الجزء الثاني

نرجع نوضح اني نقلت الرواية من الكاتبة ابتسام منحبش

نسب مجهود حد لي نفسي

نسخ لصق كيف نزلت الكاتبة ابتسام

..........

#حكاية_حياة
#حلقة53

يوسف برم للجنان من ورا السور وقعد مقعمز ومروة كانت تحوس فالكوجينه فطنتله من الروشن طلعت تمشي بالشويه نييين حقها
يوسف صبا في مكانه وقعد يبحت فيها كانت متغييييرة بكل ناقصه عالاخر
يوسف قعد يبحت فيها واااجد وهي عيونها في الارض بعدها
يوسف.تغيرتي
مروة.للاحسن؟
يوسف.للأسوء
مروة.من ذوقك
يوسف.كنك شن صارلك ليش هكي
مروة.تقهر فيا في عمري انت ولا تستعبط ولا شن
يوسف.كنك شن تبيني نقول
مروة.مافش متقول
يوسف.مروة انا
بعدها سكت وحس حركة جنب باب الجنان بحتت مروة في الباب
مروة.عدي عدي بسرعة تو نسبب مشكله لحياة
يوسف.به
"وعدى من جيهة السور للمربوعة"
#عندي_انا
قعدت نبحت فيهم لحقوش يدووا الا وانا فاطنه لفارس ورايا برمت لقيته يبحت وراقيتله
فارس.شن قتلك انا درتي الي في راسك
انا.تفنصش فيا توا جيت وبحتت لقيت مروة بس فالجنان
فارس.معناها كلمتيها لاه
انا.والله ماكلمته لها لكن شكلها ترجى فيه
فارس.كيف ترجى فيه؟
انا.مش عارف انا والله ماادخلت جيت كيف جيتك هذ بالصدفه
فارس.باهي حولي بنخش
انا.لالا عيب تحرجهش يافارس رد
فارس.وخري بس
انا حولت وهوا فتح الباب لقى مروة مقعمزة عالكرسي وتبربش فالنقال
فارس.شن اديري هنا
مروة بحتت فيا وكشخت.نكلم في صحبتي
فارس.من ضيق الحوش تكلمي هنا
مروة.كنك انت من لاعب في راسك شن في
فارس.لا لاعب في راسي لا شي قصدي عليش جاية هنا مرات يطلع واحد من خوت حياة
مروة.باهي اني خاشه
"وخشت وسيبتنا"
انا.تو تحسابني انا مكلمتك هي عليك قصة
فارس.فوتيها
انا.بس شفت ظلمتني وظلمتها
فارس قرب مسكني من وسطي.حقك عليا
انا.به شن رايكم فالغدا جا سمح
فارس.سمح كيف صحبته
انا ابتسمت
فارس طبس وباسني ظهري لصق فالساس وهمت معاه
انا بصوت دايخ.حبيبي وخر خلاص
فارس وخر .ههههههه
انا.اااه ظهري كله خبوش عنشكلك
فارس.كني حاس روحي تقول داير حاجة غلط
انا.ههههههه مش عارف حسيت حتى انا
فارس.خلاص عدي مع ضيوفك ونعدي حتى انا
انا.تي شن جابك اصلا
فارس.سالم روح وعلي طلع وقال نرد عليها عالمغرب ويوسف طلع قال بيكلم ويرد قلت نخش نشوفك لقيتك مصبية هنا كي الي يسرق
انا.اهااااا به عدي قيل هي
فارس.بهي هي
"وطلع وانا وراه عدى للمربوعة وانا خشيت للمطبخ جبت البخارة وطلعت للصالة"
انا.وين اسو
سهى.خذاها سالم وروحوا
عميمة.وين غبتي جوا
انا.فارس خش يبي حاجات من الدار عطيتهن لاه
عميمة لوت شواربها وبحتت في سهى
انا.سهى كيف حالك
سهى.الحمدلله
انا.موفقه بين الحوش والقراية
سهى.اها الحمدلله موفقه بينهن صعبة شويه بس حتى علي مساعد الحق
عميمة.انا ماريتها الا بودعة بنات مع احترامي ياسهى لكن الي تبي تقرا تقرا عند هلها الا الراجل ماهو ملزوم يقريها هو ازوز يبي وحدة تصبي على حوشه تضمه لاه وتوتيله غداه ودبشه مش طول النهار شيل جيب شيل جيب
انا.معليش هو مش  جايب شغالة هو جايب بنت ناس ملزمة دينيا انها ماتمنعش منها بس لكن الحوسة عنده ولاعند هله وال وال وال هذا مش شغلها لكن العادات واالتقاليد عندنا فرضنهن عليها
عميمة.منين جبتيه هالكلام ياكل لا مش ملزومة بيييه
انا.والله هذا الدين يقول هكي وانا قتلك
عميمة.وشن تقصدي يعني معش بتحوسي عنك والله ماحستي كلا عندي ماني مستحقتلك وكلا فارس بينك بينه
انا.لا والله ماقصدي هكي ياعميمة انا قتلك شن يقول الدين بيش تعرفي بس
عميمة.باهي شكرا عالمعلومات
سهى.يعني قرايتي من حقي
انا.من حقك ااه ومايحقلش يمنعك منها ولو منعك لكي حق طلب الطلاق لانه هذا يسمى ضرار
سهى.لا بعيد السو الحق علي مصبي معايا فييه
عميمة.بوودعة بناات
انا.تي ماهو مروة تقرى ياعميمة
مروة.وانت شن واجعك فياولا دوارة هي
انا.لا دوارة لا شي ندوو بس
مروة.اهااا
صبيت للكوجينه ندير في قهوة لحقتني سهى
سهى.كنه الجو مكهرب شن في
انا.لالا ديمة هك تكمل العشيه ماني عارفة كنهن معايا
سهى.ههههههههههه عليك مناقرة
انا.بككل
"وحطيت السفرة"
انا.عدي تريحي تو نجي خلاص
سهى.به هي
"وطلعت وانا حطيت السفرة وطلعت وزعت عليهن وشلت للمربوعة ورديت قعمزت"
عميمة.انت حامل ولامزلتي
انا.لا مزال ماسخرش ربي
عميمة.راه تطلعي حامل وداستيها
انا.عليا ال*** توا ياعميمة راه كان تبي نثبتلك
عميمة وجها قعد سبعين لون وسهى شرقت بالقهوة وقعدت تضحك ومروة تضحك.
انا.كنكن
عميمة قعدت تبحت وساكته خذيت السفرة لميت الفناجيل وخششتها لحقتني مروة
مروة.هههههههه عليك كلا انت ماتقدري
انا.شن نقوللها عاد راك تقعدي داستيها عليش بندسها يعني
مروة.شن جابك انت وفارس
انا.جيت بنقولك تعالي بندير قهوة لقيتك فالجنان مع يوسف قعدت نبحت شوي جا فارس اخرته ودرت صوت بيش تفطنوا
مروة.اهااا به
انا.دويتو
مروة صوتها تغير.خوك معش كيف قبل
انا.كنه
مروة.معش يحبني حسيته
انا.تيالك بس
مروة.كم لاه ماشافنيش اليوم تصرف ببرووود للمليون
انا.بلكي مرتبك بس
مروة.حتى انا حسيت روحي بردت تجاهه مش كيف قبل
انا.كيف يعني
مروة.مش عارف خليه توا
انا.باهي براحتكم
مروة.انت بس اعرفي منه يبيني والا ولا آي حاجة!مانقعدش نبني في آمال
انا.تي شن فيدي انا وهو مايبيش يحكي ومش باينله موقف
مروة.صدقيني في يدك ادويله بس
انا.به به هاكي امسكي صفرة التشيز كيك وانا نشيل العصير
مروة.هاتي"وطلعنا بالسفرة عطينا الصبايا ومشينا للمربوعة"
انا.شن أخبار الكلية
مروة.ماشي حالها مزال عندك فرصة كان بتلتحقي
انا.زعمك تو نشوف فارس
مروة.خطرها عالالتحاق والإمتحانات هذك اليوم عبد الحميد
"دقت مروة يوسف فتح الباب"
يوسف.اوووو تشيز كيك
انا.تو نجيب مناديل
"وخشيت وسيبتهم"
يوسف.اختي تفهم فالجو
مروة.شنو
يوسف.شي شي هاتي السفرة
مروة مدتها لاه  وهوا طبس يلا وذنها
يوسف بهمس.فصعووونتي
"وخذا السفرة وخش وانا جيت"
انا.كنك مصبية منستهه
مروة.شي شي"وخشت"
خشيت بالسفرة للمربوعة مالقيتش فارس
انا.هاك هذا العصير
يوسف.تسلمي
انا.وين فارس
يوسف.وراك
انا برمت لقيته خاش كان يتوضى للعصر
انا.حيي تو تمرض مكيف وراسك مبلول
فارس.لالا تمام خشي جوا جاي حمد
انا.به تمام بعد يجي قولي نديرلكم قهوة
فارس.به تمام
"وخشيت وكملت حوستهن وهدرزت معاهن العشيه كلها وبعدها روحوا عالمغرب"
فارس.عاودوها مرة اخرى"وخش"
انا.كنه عمو ماجش
فارس.في طبرق"واطوح على كنبه وسط الحوش"
انا.يرد بالسلامه"ورقدت على كراعه"
فارس.عجباتك العزومة"وقعد يلعب بشعري"
انا.كالعادة يعني مناقرة انا وعميمة
فارس.كنها هههههههه
انا.قالتلي كنك حملتيش ولا داستيها
فارس.بكرة نعدوا للدكتورة
انا.به تمام
فارس.كنك انت"وحط يده على جبهتي"
انا.مرهقه بككككككككل متعبه
فارس.كترتي اليوم على روحك
انا.ماهو الله غالب لازم عزومة كويسه
فارس.باهي ربي يعطيك الصحه
انا.يارب
فارس.امس عديت  للمطعم الي اجرته جديد هذاه دايرله شغل لاقوة الا بالله وتحسابي شغله كله طعمية ودجاج محمر وكباب وكفته وسلاطات عاديات هههههه بس طعم لاقوة الا بالله نفكر بكرة نتغدوا فيه شن رايك حيووو حيييو
انا كنت رااقدة
فارس.ههههه رقدت
"وباسني على راسي وشمرني للدار فطنتله مسكت فيه"
#تاني_يوم
نضت فطرته وطلع لمشاغله وانا رنيت على هاجر
هاجر.ايوا
انا.الو جوجو
هاجر.خير حيو شنجوك
انا.تمام وانت
هاجر.تمام
انا.شن صار في خطبتك
هاجر.هلي قالوله موافقين وتوا نرجا فيه يجيب هله
انا.باهي تمام
هاجر.بنحكيلك حاجة
انا.شنو
هاجر.انا نحبه ويحبني بس خايفه هذك اليوم  هدرزت مع بنت عمي حتى هي راجلها عقيد فالجيش
انا.باهي
هاجر.قالتلي تاخذيش واحد فالجيش
انا.علييش
هاجر.قالتلي حتقعدي طول الوقت في خوف ورعب حي مات حي انصاب حي الجيش قدم وكل ماتسمعي استشهاد تنطي تجري ترني عليه ها كويس ولالا
انا.مش قلتي انسحب انت
هاجر.خذا اجازة فترة تلاته شهور  يطلع فيهن العرس وبيرد
انا.يعني
هاجر.نخاف نقعد عايشه في رعب
انا.تعيشي في رعب وهو معاك خير من انك تتصرفي بنذالة وتسيبيه بعد جا خطبك
هاجر.ماهذي الي واجعتني لكن نفكر لقدام
انا.جوجو تقدري تعيشي بلاه فترة وتنسيه يعني
هاجر.لا مستحييل انا لما يغيب يوم نموت مية موتة
انا.توكلي على الله وصلي استخارة الموت في يد الله وانت لكي الفخر والشرف انك تاخذي راجل يدافع عن بلاده
هاجر.زعمك
انا.ااه
هاجر.نجك يااحلى ياحيو الوحيد الي صبا معايا كلهم ضدي ويقولو سيبيه وانسي تقدري تنسي
انا.لو نسيت انا فارس بعد كلللل الي صار خمس سنوات بعد وهم وزواج وحبس ومشاكل وكان اخر فكرة تخطر في بالي كل ليلة
هاجر.الحب ووجيجه
انا.احكيلي كيف بديتوا اصلا وكيف تعرفتوا
هاجر.ياحنه مرة زمااااان كنه ماشيين لاستيقاف انا وصحباتي شايلينلهم غدا
******
وائل.معليش ياانسه ياريت معش تجن هنا
هاجر.عليش
وائل.عشان هنا منطقه اشتباكات
هاجر.باهي وكان موتة هيا الي بيدير عمل خير مايخافش
وائل.خلاص غمضي عيونك ونقتلك توا وقولي موتة هيا
هاجر.حلوة هذي
وائل.ههههههههههههه
صحبتها.هيا بس بنروحوا خلاص الغدا وصلناه
وائل.عدن ومعش تجن من هنا بالذات انت ياموتة
هاجر.هههههههههههه
"وعدن كلهن وبدن كل فترة يشيلن في غدا وهكي ووائل ينابش في هاجر نين في يوم عدن لقنش وائل"
هاجر.معليش وين وائل
صاحبه.وائل قدم للجبهه والله
هاجر.هيييه عليش
صاحبه.والله طلبوه غادي عده غادي
هاجر.باهي ربي يحميه ويحفظه
"وروحت كملت اليوم كله تفكر فيه وتبكي تاني يوم خطمت"
هاجر.معليش.
صاحبه.نعم
هاجر.ممكن تعطيني رقم وائل
صاحبه.كنه عليش
هاجر.انا وصحباتي دايرين غدا ونبو ننوصلوه لهم غادي فالجبهه
صاحبه.#######
هاجر.شكرا
"وروحت رنت عليه"
هاجر.الو
وائل.من معايا
هاجر.انا هاجر
وائل.اوووو اهلين كيف حالك
هاجر.تمام
وائل.شن سر الاتصال
هاجر.والله نبي نجيب غدا للجبهه غادي
وائل.باهي مرحبتين بتجيبيه انت حتى هنا وعلى قولتك موتة
هاجر.هههههههههههه احتمال اااه
وائل.لا رد بالك تجي
هاجر.تي اكيد عاد
وائل.ههههههههه
"وقعدوا كل يوم يهدرزوا نيييين في يوم دزلها صورة عالواتساب كان كاتب اسمها بالرصاص عالوطا"
هاجر.محلاها تهببببل
وائل.ارجي تو تجيك الاخرى
هاجر.وين
"جتها صوره مكتوب فيها عالدبابة انحبك"
هاجر.شنو
وائل.هاجر انا نحبك
هاجر.*سكوت*
وائل.ردي عليا كنك
هاجر.بنصكر انا
وائل.عليش
هاجر.هك
"وطفت النقال تاني يوم فتحت لقاته مش داز ولا رسالة عالواتس لكن ران كميت رنة وبده يرن وهي تصكر عليه نييين في فالليل رن صاحبه"
هاجر.الو
صاحبه.لحقي رني على وائل مصاب وحالته  خطرة
هاجر.هييييه
"وصكرت منه رنت على وائل"
هاجر.الو
وائل.الو
هاجر.شن صارلك كنك
وائل.كان هامك راك صكرتيش عليا
هاجر.لا والله هامني
وائل.انا بنخش للعملية احتمال نموت ونبي نقولك اني نحببك بس
هاجر تبكي.حتى انا نحبك والله ماتموتش حرام علييك
وائل.الله غالب
هاجر.انت شن اصابتك
وائل.قلبي مكسور
هاجر.شنو
وائل.قلبي بعد صكرتي عليا تكسر
هاجر.خززززيييي عليييك ضحكت عليا
وائل.هههههه كان لازم حبتين دراما عاد بيش تعترفي بحبك
هاجر.هه
"وقعدوا يهدرزوا طووول الليل"
انا.الله عليييك قصه تهبل
"خش عليا فارس انتظار"
هاجر.ههههه
انا.والله حلوة بكككل
هاجر.حلي ايامك
انا.رد بالك تسيبيه
هاجر.اكيد عاد
انا.هههه باهي باي هي
هاجر.باي
"وصكرت"
رنيت على فارس
انا.الو
فارس.من انتظار
انا.نهدرز مع هاجر كنت
فارس.اهااا
انا.كنك عليش ران
فارس.بنقولك مروح توا وتي روحك نعدوا للدكتورة
انا.به هي
"وشويه هكي وكان عندي"
فارس.اطلعي هي
انا.به
"وطلعتله فالسيارة ومشينه شور المستشفى"
الدكتورة.حياة$$$$تفضلي
صبيت خشيت للدكتورة
الدكتورة.كنك شن فيك
انا.تأخر حمل
الدكتورة.كم لكي متزوجة
انا.3اشهر ولا 4
الدكتورة.هييييه مزال بدري بكككل
انا.بنطمن بس
الدكتورة.باهي اطلعي ديري تحاليل
انا.به
"وطلعت دارتلي تحاليل وقعدت نراجي فيها نص ساعه وطلعن"
انا.شنو
الدكتورة.عندك بس طشة ضعف خفيف خوذي المنشطات هذين تو نكتبهن لكي فالروشيته
انا.به تمام
الدكتورة.انت دورتك منتظمه
انا.لالا تغيب شهرين 3 وتجي شهر
الدكتورة.لا تمام أمورك سليمة
انا.تمام شكرا يادكتورة باي
الدكتورة.باي
"وطلعت لفارس"
فارس.ها شنو
انا.مافيا شي قالت
فارس.مش قتلك مسألة وقت  مزال بدري
انا.تمام
"وبده يسوق خبطنا في واحد"
انا.هيييييه
الراجل.ين"$###تعرفوش تسوقوا يا$##$$٪
فارس نزله
فارس.ليا الدوة هذي
الراجل.لا لجدي تحقش قدامك
فارس.انت اللي تجتاز ينعن$###
الراجل قدم مسكه من سوريته
فارس.قصدك قدها مدة اليد انت"وضربه ببوني"
وبدوا يضاربوا والناس تحز وانا نبكي جا شاب فات العركة كلها وصبا جنب قزازي
الشاب.خلاص يااختي اسكتي تضايقيش روحك
فارس فكوه الرجالة من العركة ورد للسيارة لقاه مصبي يلايا
فارس.غمس بالمرة كنك متحشم"وضربه ببوني"
الشاب.تي غير كنك يا####
"ووخر"
انا نبكي ونرعش.فارس اركب والنبي اركب
"ركب للسيارة وبده يسوق وهو راقيتله
وصلنا للحوش حاسة روحي مضااايقه عالاخر وفارس حااامق ركبت غيرت ونزلت لقيته مطوح عالكنبة قعمزت جنبه وراسي على كتفه وساكته رن نقالي"
فارس.منو
انا.رقم غريب
فارس.هاتي نرد
انا.تو انا نرد
فارس.قتلك انا تو نرد عليش ماتبينيش نرد
انا.شن قلة الثقه هذاه درهت كبدي راه
فارس.$$$$$
انا.اااااااه
#يتبع..
بنات لو ممكن يعني💙تتفاعلن وتعلقن لأن تقهر لما 6الاف يقرن والتفاعل مايطقش الألف! وصدقني نستمتع لما نقرأ تعليقاتكن زي ماتسمتعن انتن بالحلقة.
والي يقولو مافيش أحداث اصبرن شوية لأن نحن في البداية وفي تفاصيل لازم تعرفنها بيش نقدر نبدأ الاحداث