حلقه5
كنت نلم فالكتب لما خش الاستاذ صبيت ورفعت راسي وبحتت في وجه وانصدمت
#هوا
اها هوا
السبب فالعذاب والدمار اللي انا فيه السبب في كل شي هوا💔
الاستاذ.السلام عليكم
بحتت فيه وعرفت صوته مزال كلامه وهوا يغتصب فيا يرن في وذني الحقير بديت نبحت فيه ومصدومه ونرعش ونذكر في كل شي كانه صار امس بعدها حسيت الدنيا كللها سودة ومعش شفت ولا سمعت شي
#بعد_تلات_ساعات"الساعه4"
فتحت عيوني وكنت فالمستشفا راكبه فيا التغذيه و ويلايا مروة ويوسف وماما
ماما تبكي.يابنيتي كنك يابنيتي حالك يبكي طول النهار مغما عليك وطايحه الصبح فطرتك وماخليتك تطلعي بلا اوكال واليوم شنو كنك
انا.شن شنو انا وين
مروة.انت فالمستشفا امبدري اغما عليك فالفصل وماقدرنش نوعوك جبناك وقالو عندك صدمه عصبيه خفيفه كنك شن صارلك
انا بديت نذكر فاللي صار ونغمض في عيوني بقوة حسيت بالخوف وبقلة الامان حسيت اني محتاجه لحضن.. محتاجة لحضن بابا محتاجه لحد نحس انه سندي وقوتي وظهري ويحن عليا
خوتي ورغم علاقتي القويه بيهم #بس ماقدروش يغطو الفجوة اللي يملاها الاب
"طبعا هذا كله فكرت فيه وانا مغمضه عيوني ودموعي ينزلن"
مروة .خلاص توا ماتحكيش
يوسف.حياة انت في سر داستيه في حاجه متعبتك ومتعبه نفسيتك احكيها ادويها شنو هيا
بدن دموعي ينزلن اخرى.مافيش شي لكن ضعف بس ناكلش واجد.
يوسف.يستر الله وخلاص
مروة.حبيبي خلاص تنزلش عليها*بعدها فطنت لروحها وامه قاعده*طلعت تجري من الغرفه
ماما دارت روحها سمعتش ويوسف وطا راسه ويده علي وجه ويضحك
انا.خلاص بنروح
ماما.قالو لازم تباتي اليوم وبكرة تروحي
انا.امممم باهي خلاص روحي انت بيش مايزيدش عليك مرضك تو يبقا معايا يوسف ومروة
ماما.امم به ماتخوفنيش عليك ياحياة خليك قويه زي مانعرفك
انا.حاظر ياماما تخافيش عليا
يوسف.سالم بره تو ينزل يطمن علي حياة وبعدها روحي معاه
ماما.اوكي تمام
"قعدنا شويه ساكتين ومروة خشت"
مروة.جبتلكم عصير
انا ميرسي حبيبتي"خديته تميت نشرب فيه وهيا مقعمزة جنبي ويوسف مقعمز جنب ماما"
انا.حبيبي صار
مروة كان في فمها العصير طلع كله مرة وحده وتمت تكح😂ويوسف حقها بده يضحك
ماما.بسم الله عليك كنك يابنت شن صارلك
مروة.شي شي غصيت بس"وخدت منديل وبدت تمسح ويوسف ميت علي روحه ضحك"
ماما.عيب يافرخ بطل ضحك
يوسف.خلاص سكتتت ههههههههههههههههههه عنجد شكلها وهيا تكح هههههههههه
مروة.😡😡😡😡
"وخش سالم"
سالم.اووو حيو الدلوعه كنك
انا.ماكني شي صدمه وانظر شنو يكبرو فالشطحه طشت هبوط
سالم.اها صدقتك
ماما. هيا ياامي
ماما.هيا
"وطلعوا سالم وماما وقعدت انا ويوسف ومروة"
انا.مروة وين خوك ولا تبي تباتي
مروة.بنقعد معاك لعند الليل وبعدها يجي فارس يروح بيا
انا بهمس.اهاااا بتزيطي يعني
مروة.ههههههه اس يامسخه عليك احراج امبدري درتيه ليا
يوسف.تبو حاجه من الكافي
مروة.سلامتك
انا.لالا
"طلع يوسف ودغري مروة برمت عليا"
مروة.كنك شن صارلك
انا.الاستاذ اللي خش جديد
مروة.اها كنه
انا.هوا اللي
مروة حطت يديها علي فمها.كذاابه😱
انا.تفاصيل وجهه مستحيل ننساهن نحلم بيهن كل ليله نبرة صوته والكلام اللي قاله كللله مستحيل مستحيل ننساه.
مروة.باهي شن بنديرو توا شن حيصير
انا.مش عارف مش عارف نقدرش نتحمل نشوف وجهه نقدرش
مروة.المشكله نقدروش ننقلو من المدرسة لانه نحنه ثالثه ثانوي واوراقنا مشن عاساس المدرسة هذي يعني النقله حتلخبط الاوراق وهيا التعليم اصلا متبحوس
انا.باهي والحل انا مستحيل نحظر معاه
مروة.ياربي من ضيق المدارس وقلتهن يعني
انا قعدت نبكي.ااااه من سماحة حظي
مروة.تو نلقو حل المهم توا صحتك اهدي بس
انا.ياربي خودني وريحني مليييييت شن هالحياة حتى بعد نقول ننسا ونكمل حياتي نلقا الماضي رد مرة تانيه
مروة.خلاص يااحيو عشان خاطري تو نلقو حل بإذن الله
انا.يارب يارب
مروة.بنسالك
انا.شنو
مروة.في شي بينك وبين فارس
انا.اه لا فيش شي كنه عليش
مروة.عيني في عينك
انا.والله مابينه حاجه وبعدين ياهبله كان بينا راهو اول حد قتله انت
مروة.غريبه اصله يجري بالسيارة لما سعفناك وحالته حاله حتى للحوش مروحش قعد لوطه علي قولته بيركب يتطمن عليك من بدري يرن
انا.باهي خليه يركب مافيها شي
مروة.خايفه يحق خوك ويفهم غلط
انا.بلا هبال شن الغلط فارس كيف خويا وخوتي عارفين
مروة زعمك
انا.اها
"ردت عليه وقالتله اركب عادي"
"شويه هكي وخش كان شايل باقة ورد"
فارس.الحمدلله علي سلامتك حياة
انا.الله يسلمك
فارس.اهتمي بروحك وكولي مش معقوله هكي تخوفنش عليك
انا.حاضر حاضر"يههبببل وخايف عليا اخره"
مروة.فارس😑هيا روح جيبلي دبش"هذا شكله طايح فيها"
فارس.اوكي هيا حياة راك تسهري حتى اليوم تهدرزي كيف امس😛
انا.😂حاضر
مروة.علي شن تحكو
فارس.شي شي بالسلامه"وطلع"
انا.ياخيا خوك يهببببببل
مروة.اها غير راك تكبدي
اول ماسمعت كلمتها فهمت قصدها بديت نبكي
مروة.حيوتي كنك عاااد
انا.ليش بس ليييش من دون البنات ممنوع عليا نحب وننحب ونعيش حياتي زي اي بنت
"وبديت نبكي ونشهق بالعبرة"
مروة.حياة والله ماقصدي كنك انت نبصر معاك
انا.لا ماتبصريش انت من اسئلتك ومن دوتك واضح انك خايفه خوك يتعلق بيا
مروة.تبي الحق اها خايفه عليك وعليه حياة انت حاله خاصه وانا خايفه تتعلقي بخويا ويتعلق بيك كيف تبي تديري بعدها ااه كيف تبي تديري
انا.وشن ذنبي شن ذنبي
مروة.وماهوش ذنب خويا ولا ذنب حد ذنب الحقير اللي دار فيك هالشي
انا.ياااارب فرج عليا همي ياااارب مروة ممكن تطلعي وتسكري الباب بنرقد
مروة.اوكي
"طلعت مروة وانا مضايقه منها وفي نفس الوقت عاذرتها معاها حق تفكر في مصلحتي ومصلحة.خويا بس اللي في صدري مش فاهم هالشي اللي كل مايحق فارس يدق اللي مايبيش يخليه يطلع من راسي مايبيش يفهم انه هالحب مش من مصلحتي وانه هالحب حيكون نار فيه مايبيش يفهم ،فكرت؛وفكرت؛وفكرت؛بعدين دعيت ربي وبكييييت لين مليت ورقدت رغم انه عشيه ومزال بدري عالنوم"
#عند_مروة
كانو مقعمزين علي كراسي الجنينه
يوسف.هدرزتي معاها حبيبتي
مروة.اها
يوسف.حكتلك كنها
مروة.اه لا حكتليش
يوسف.نموووت ونعرف كنها راك تقعدي داسه عليا
مروة.لا والله ربي يفرج عليها
يوسف.باهي انت شن جوك
مروة.ماشي حالي بس راقيتلي منك واااجد
يوسف.لييش
مروة.معقوله تضحك عليا هكي قدام امك
يوسف.مانت زلطتيني قدامها وقلتي حبيبي
مروة.طلعت بالغلط والله
يوسف.ياريتها ديما تطلع
مروة.هههههههه
يوسف.نحبك ياهبله
مروة.بطل
يوسف.عليش نبطل
مروة.نحبش الكلام هذا يخلي فيا نتحشم
يوسف.تي نحبك ياعبيطه
مروة.ماعبيط الا انته
يوسف.توا قتلك نحبك ومسكتي في عبيطه
مروة.هههههههه باهي احكيلي عليك يايوسف
يوسف.شن بنحكي
مروة.يعني نحنه لنا توا مش واجد نحكو وكنا نحبو بعضنا قبلها وساكتين وماخديناش فترة تعارف بكل
يوسف.باهي زي شنو مثلا
مروة.شن لونك المفضل
يوسف.الاسود
مروة.شن ناديك المفضل
يوسف.ريال مدريد
مروة.اععععع مااسمطه ريال وكرستيانو اللي وجه تقول محفور فيه ناعليا ميسي يهببببببل
يوسف.اييه بنت احترمي اللي يلاك
مروة.ههههههه تغار
يوسف.مالا شنو
مروة.باهي طالما تغار حتى انا نغار منهن اللي تهدرز معاهن فالمحل
يوسف.اوووو
مروة.بعد خطرها فارس امس شرا واي ماكس نبي نفتح علي هذا الفيس
يوسف.باهي افتحي وتو نضيفك بس عطيني الباسوورد
مروة.وعليش نعطيك الباسوورد
يوسف.عندكش فيا ثقه
مروة.انته اللي ماعندكش فيا ثقه كن مهذا راك ماطلبتش
يوسف.عندي فيك ثقه لكن عنديش ثقه فالشباب اللي عالفيس
مروة.اهااااوانا شن دخلني بيهم
يوسف.الخلاصه تبيش تعطيني الباسوورد
مروة.لا
يوسف.تمام بكل
مروة.عطيني الباسوورد بتاعك نعطيك ابتاعي
يوسف.تمت هكي هيا اوكي بكلللل يامروة انا ماشي تبي حاجه
مروة بحتت فيه من فوق للوطه.سلامتك😑
يوسف.خشي للمستشفا نلقاكش هنا ااه
"وجاني فالغرفه وتمه ماشي جاي نوضني"
انا نضت بشويه بشويه.يوسف كنك
يوسف.كني شي
انا.ادوي بلا سماطه
يوسف.متعارك انا والحصله صحبتك
انا.علي شنو
يوسف.بتفتح فيس ووووو&&&&&&&
انا.عبيط انته بككل
يوسف.لاه مش عبيط
انا.باهي فهمني عليش انته تاخد باسووردها وهيا لا
يوسف.انا راجل ونغار عليها
انا.وهيا تغارش عليك
يوسف.تغار بس
انا.بس شنو اللي انته درته هذا قلة ثقه فيها واكيده وجعتها
يوسف.يعني انا الغلطان توا وانت ديما مصبيه مع صحبتك
انا.لا مش مصبيه معاها انته الغلطان امشي راضيها بلا دراه كبد
يوسف.مانيش خليها
انا.يوسف ازح
يوسف.معش تقولي ازح را خيرلك
انا.تي اس ولا كلمه يافيفا😒
يوسف.ذليني بامها توا"وصبا ينفخ طلع هههه"
"وهوا طالع لقا مروة تتمشا ووراها شاب شكله يعاكس فيها وهيا خايفه وترعش جاهم يجري ولما كان قريب الشاب كر يد مروة برمها وبببووووووم ويجيه بوني من يوسف يجيبه طايح ويكر مروة من يدها يحطها وراه وهيا مسكت في ظهره"
الشاب.تي كنك يارا ازح وانته هاد كي العجل
يوسف.تي صكر فمك ينعند__ ياف__"وضربه كالشو"
الشاب.تي ااااه فهمت شورك الطرف باهي تمام صحه لكي خودها
يوسف معش تحمل الكلام طبس فيه بواني ومروة تبكي وجو الناس حزوها
الامن.انته ماتشعفش كل يوم داير قصه جديدة
الشاب.تي فوتني حل عني راه نن___
الامن.حيبوه جيبوه هذا لازم يتربا
"وخذوه الامن ابتاع المستشفا"
يوسف وهوا يعيط.عاجبك هكي كنك ماخشيتي للغرفه قعدتي مع حياة
مروة بحتت فيه وعيونها دموع وتبكي.كنت نبي نتمشي
يوسف راقيتله.باهي خشي للمستشفا ازح جوا خشي
مروة مزالت تبكي.ب بب ببه
بحت فيها ومد يده مسح خدها بعصبيه شويه.خلاص اسكتي
مروة.نبي نروح
يوسف.تو يجيك خوك ويروح بيك ونفتك منك
مروة.نبي ماما😭😭😭
يوسف.حي عجو العيال الصغار تي اس خلاص
مروة زادت بكا اخره.نبي ماماااا
يوسف مسكها من كتوفها وبرم بيها للممر الفاضي
يوسف.خلاص اس ليش تبكي توا
مروة.هك نبي نروح ونبي ماما
يوسف.باهي تو يجي فارس يروح بيك
مروة.به-مزلت راقيتلك
يوسف.ااه
مروة.عليش
يوسف.عشان مابيتش تخشي وحطيتي روحك في موقف شين
مروة.بوجه بيبي.اسفه
يوسف بحت فيها شويه وكان شكلها يهبل.اااه صبرني ياربي*وحضنها*معش تعاوديها
مروة اسكتت شويه وبدت تشم في عطره بعدها دفاته.تي حول عيب وحرام
يوسف.هههههه شكلك يهبل قدرتش نقاوم
مروة.معش تديرها حرام
يوسف.الصبر ياربي امتى بس
مروة.هييييه طريق طويله نين نكمل انا قرياتي وتكمل انته وتحصل عمل وووووو
يوسف.تعالي نخشو يلا حياة ونحنه مرافقين غير بالشكل
مروة.هيا
"تمو يمشو ويححكو"
مروة.فيفا اسمعني
يوسف.شنو
مروة.توا علي قصة الفيس انا مش عشان حاجه بس حسيتها شينه فيا انك تفتش ايميلي
يوسف.يعني
مروة يعني خلي علاقتنا فيها ثقه متبادله منغير تفتيش وشك وغيره زايدة
يوسف.به
مروة.غريبه اقتنعت بسرعه
يوسف.ههههههه اصلا مقتنع غير نساير فيك لما فكرت فيها حسيت كلامك صح
مروة.هههههههه
"وخشو يوسف ومروة يضحكو ولقووووو
#يتبع
